ءبىلىم بەرۋدەگى ساقتاندىرۋ تەتىگى قالاي جۇمىس ىستەيدى
قازاقستاندا مەملەكەتتىك ءبىلىم بەرۋ جيناقتاۋ جۇيەسى اياسىندا ءبىلىم بەرۋدەگى جيناقتاۋشى ساقتاندىرۋ تەتىگى ازىرلەندى.
«بۇل ساقتاندىرۋ ءونىمى بانك دەپوزيتىنە بالاما بولىپ تابىلادى. بانكتىك دەپوزيتكە قاراعاندا، بۇل ءونىم قوسىمشا ساقتاندىرۋ قورعاۋىن ۇسىنادى. اتا-اناسى قايتىس بولعان نەمەسە ەڭبەككە قابىلەتتىلىگىنەن ايىرىلعان جاعدايدا ساقتاندىرۋ شارتى بويىنشا جيناقتالعان سوماعا قاراماستان وقۋ قۇنى تولەنەدى. بۇدان باسقا، ساقتاندىرۋ تولەمدەرىنە كەپىلدىك بەرۋ قورى تولەمدەردىڭ تولىق سوماسىنا كەپىلدىك بەرەدى، ال بانك سالىمى بويىنشا كەپىلدىك 10 ملن تەڭگەدەن اسپايتىن سومانى جابادى»، - دەدى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ماريا حادجييەۆا ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، ءومىردى ساقتاندىرۋ كومپانيالارىنىڭ مەملەكەتتىك ءبىلىم بەرۋ جيناقتاۋ جۇيەسىنە قاتىسۋى وسى ءونىمدى ساتۋدىڭ بالامالى ارناسىن قۇرۋعا جانە حالىق اراسىندا وسى جۇيەنىڭ تانىمالدىعىن ارتتىرۋعا مۇمكىندىك بەرەدى.
م. حادجييەۆانىڭ ايتۋىنشا، بيىلعى 1 قىركۇيەكتەگى جاعداي بويىنشا مەملەكەتتىك ءبىلىم بەرۋ جيناقتاۋ جۇيەسى باعدارلاماسىنا 4 بانك قاتىسادى جانە جالپى سوماسى شامامەن 33،5 ملرد تەڭگەگە 22 مىڭ دەپوزيت اشىلعان.
ايتا كەتەيىك، 12 شىلدەدە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ نارىعىن جانە باعالى قاعازدار نارىعىن رەتتەۋ مەن دامىتۋ بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا قول قويعان ەدى.
زاڭعا سايكەس، قازاقستاندا ەرلى-زايىپتى زەينەتاقى اننۋيتەتىن ەنگىزۋ جوسپارلانىپ وتىر. ول ەرلى-زايىپتىلاردىڭ نەمەسە جاقىن تۋىستاردىڭ زەينەتاقى جيناقتارىن بىرىكتىرۋگە جانە ولاردىڭ ءارقايسىسىنا جەكە كەستە بويىنشا ءومىر بويى تولەمدەر بەلگىلەۋگە مۇمكىندىك بەرەدى.
You Might Also Like
-
كەلەدى جىر سىيلاعىم، گۇل سىيلاعىم، جانىمنىڭ جايىپ سالىپ تىلسىمدارىن. ماحاببات بوپ مازداعان مىنا عالام، باقىتتى جانۇيانىڭ ءبىلسىن بارىن. كەتكەن بە شيرەك عاسىر جىلجىپ ءوتىپ، قۋانتتى قىزعالد...
-
ءبىرىڭىز سەرىك ەتىپ ءبىرىڭىزدى، جازبادىڭ قوس اققۋداي جۇبىڭىزدى. قىرىق جىل ەرلى-زايىپ عۇمىر كەشىپ، كەلدىڭىزدەر لاعىل تويعا بۇگىن ىزگى. اتا-انامىز قوساعىمەن قوسا اعارعان، ءالى دە تالاي قىزى...
