كۇمىس تويعا تىلەك
كەلەدى جىر سىيلاعىم، گۇل سىيلاعىم،
جانىمنىڭ جايىپ سالىپ تىلسىمدارىن.
ماحاببات بوپ مازداعان مىنا عالام،
باقىتتى جانۇيانىڭ ءبىلسىن بارىن.
كەتكەن بە شيرەك عاسىر جىلجىپ ءوتىپ،
قۋانتتى قىزعالداقتاي ۇل-قىز ءوسىپ.
اعامىز الاقاندا ايالاۋدا،
اق گۇلدەي اسىل جارىن ۇلبىرەتىپ.
قاباعىنان ءتۇسىنىپ ەر كوڭىلىن،
جابىرقاتقان كەزى جوق جانسەرىگىن.
جەڭگەمىز جيىرما بەس جىل بولدى بايەك،
اعانىڭ كوتەرۋمەن ەركەلەگىن.
اسساق تا تىرشىلكتىڭ سان اسۋىن،
تاۋسىلماس ارمانى ادام بالاسىنىڭ.
كۇمبىرلى كۇمىس تويلار ايعاقتايدى،
جۇرەك پەن جۇرەكتەردىڭ جاراسىمىن.
جىلجىعان بۇل ۋاقىتتا داۋا بار ما،
جەتەلەپ بارا جاتىر زامان العا.
اق بوساعا ەسىگىن يمەنە اشقان،
كۇمىس توي جاس داۋرەندى سالادى ويعا.
الدا ءالى دۋمانداتار سايران كوپ كۇن،
كۇلىمدەپ كۇمىس تويعا جايناپ جەتتىڭ.
كۇمىس توي – التىن تويعا ەسىك اشىپ،
كۇندەرىڭ شالقىپ-تاسىپ تويمەن ءوتسىن.
***** ***** ***** ***** ****** ******
كۇمىس تويعا امان-ەسەن جەتۋ ءۇشىن ەر ءتوزىمدى تەمىر، زايىپ مىنەزى التىن بولۋ شارت ەكەن. بۇل ەكەۋىنىڭ بويىنا دا وسى ەكى مىنەز ۇيالاعان. ءدال وسىنداي قارقىنمەن، تاماشا قاسيەتتەرىڭدى سارقىپ الماي، التىن تويلارىڭا جەتۋلەرىڭە تىلەكتەسپىز!
***** ***** ***** ***** ****** ******
قۇتتى بولسىن كۇمىس توي –
توي دەگەنىڭ ىرىس قوي.
التىن جامبى بەرسەم دە
ەكەۋىڭە دۇرىس قوي.
كۇمىس تويدىڭ اياعى
التىن تويعا جالعاسسىن،
جارقىراسىن جاندارىڭ
جۇزىندەي اق الماستىڭ.
تاسي بەرسىن داۋلەتىڭ،
جاراسىپ سان-ساۋلەتىڭ.
سىيلى بولىپ باستارىڭ،
جۇزگە جەتسىن جاستارىڭ.
***** ***** ***** ***** ****** ******
جيىرما بەس جىل قۇت بوپ كەلگەن شاڭىراق،
ب ا ق جۇلدىزىڭ تۇرسىن كوكتە جامىراپ،
التىن تويىڭ بولسىن تاعى وسىنداي،
ءبىر قۇدايىم تىلەگىڭدى قابىل اپ.
مەرەيلەرىڭ وسە بەرسىن بۇدان دا،
جاقسىلىقتىڭ كۇتە بەرسىن كۇنى الدا.
التايداي سىلاڭداسا جان جارىڭ،
ءوزىڭ ۇقسا شابىتتانعان قىرانعا.
كورە بەرگەي ۇرپاعىڭنىڭ قىزىعىن،
عۇمىر جولدىڭ بەرسىن اللا ۇزىنىن،
باق-داۋلەتىڭ دارياداي تاسقىنداپ،
بەرەكەسى بولسىن ءدام مەن تۇزىڭنىڭ.
قۋانىشپەن ءوتسىن بارلىق تويلارىڭ،
ورىندالسىن ماقساتتارىڭ، ويلارىڭ،
جۇزگە جەتىپ اجىراماي جۇپتارىڭ،
بال ءومىردىڭ قىزىعىنا تويماعىن.
***** ***** ***** ***** ****** ******
كۇمىس تويىڭ كۇمىستەي جارقىلداسىن،
داۋلەتىڭنىڭ بۇلاعى سارقىلماسىن،
ارعىماعى ارماننىڭ القىنباسىن.
قابىل بولىپ تىلەگىڭ، جاقسى اتىڭمەن
الىس-الىس جەرلەرگە داڭقىڭ بارسىن.
امان بولسىن ۇرپاعىڭ، بالا-شاعاڭ،
اجىراما كۇلكىدەن، تاماشادان.
ءۇيىر-ۇيىر ەسەپسىز جىلقى ءبىتىپ،
كۇمپىلدەسىن كۇنىمەن قارا ساباڭ.
ەشقاشاندا وڭباسىن دۇشپاندارىڭ،
ەكەۋىڭنىڭ جانىنا جارا سالعان.
التىن تويىڭ تاعى دا بولا بەرسىن،
باستارىڭا ب ا ق قۇسى قونا بەرسىن.
توقسان اسىپ ەكەۋىڭ جۇزگە جەتىپ،
كوڭىلدەرىڭ وسىلاي تولا بەرسىن!
You Might Also Like
-
تىرشىلىكتە ءماندى دە، ءساندى بولىپ قاتار جۇرە بەرىڭدەر. ءار كۇندەرىڭ شۋاققا تولىپ، جۇزدەرىڭنەن كۇلكى كەتپەسىن، جاماندىق اتاۋلى جەتپەسىن. سەندەردىڭ عۇمىرلارىڭ ۇزاق، ومىرلەرىڭ جۇماق بولسىن. زور دەنساۋلى...
-
قازاقستاندا مەملەكەتتىك ءبىلىم بەرۋ جيناقتاۋ جۇيەسى اياسىندا ءبىلىم بەرۋدەگى جيناقتاۋشى ساقتاندىرۋ تەتىگى ازىرلەندى.
