ءبىلىم سالاسىنداعى رەفورمالار بالالاردىڭ كورۋ قابىلەتىنە كەرى اسەر ەتۋدە
وفتالمولوگتار ءبىلىم سالاسىندا قولعا الىنىپ جاتقان رەفورمالار بالالاردىڭ كورۋ قابىلەتىنە كەرى اسەرىن تيگىزۋدە دەگەن پىكىردە، دەپ حابارلايدى قازاقپارات.
«مەكتەپ بىتىرگەن سوڭ ءاربىر بالادا كورۋ قابىلەتىنە بايلانىستى پروبلەما تۋىندايدى. ولاردىڭ اراسىندا كەڭ تارالعانى - كورۋ قابىلەتىنىڭ ناشارلىعى. ونىڭ ءبىرىنشى سەبەبى گەنەتيكالىق ورنالاسۋىنا بايلانىستى. ەكىنشىسى كورۋ قابىلەتىنە تىم كوپ سالماق تۇسىرۋدە بولىپ وتىر. ونىڭ بارلىعى مەكتەپتەردەگى ءبىلىم بەرۋ رەفورمالارىمەن بايلانىستى ەكەندىگى تۇسىنىكتى. ەلىمىزدە دارىندى بالالارعا ارنالعان مەكتەپتەر سانى كۇن ساناپ ءوسىپ كەلەدى. وندا ءبىلىم تەرەڭدەتىلگەن تاسىلمەن بەرىلەدى. وسىعان قاراي مۇنداي مەكتەپتەردەگى باعدارلاما دا كۇردەلى. ونىڭ ۇستىنە بالالار ءتۇرلى گادجەتتەر مەن كومپيۋتەرلىك تەحنولوگيالاردى كوپ قولدانادى. وسىنىڭ بارلىعى اينالىپ كەلگەندە بالالاردىڭ كورۋ قابىلەتىنىڭ ناشارلاۋىنا الىپ كەلەدى. سونداي-اق وسى سەبەپكە بايلانىستى گيپوديناميا داميدى»،-دەدى «قازاق كوز اۋرۋلارى عىلىمي-زەرتتەۋ ينستيتۋتى» اق استانا قالالىق فيليالىنىڭ جەتەكشىسى ايگەرىم تۇلەتوۆا.
ونىڭ سوزىنشە، بۇل ماسەلەگە بايلانىستى كەڭ اۋقىمدى عىلىمي زەرتتەۋلەردى ينستيتۋت وكىلدەرى بىرنەشە جىل بۇرىن جۇرگىزگەن. ماماندار قانداي تاسىلمەن ءبىلىم بەرەتىن جانە قايدا ورنالاسقان مەكتەپتەردە بالالار وفتالموپاتولوگيا پروبلەمالارىمەن كەزدەسەتىنى ناقتىلانعان.
«ءبىلىم سالاسى بويىنشا جۇرگىزىلگەن رەفورمالارعا سايكەس، بالالار مەكتەپكە 3 جاستان باستاپ دايىندالادى. ولار 3-4 جاستان باستاپ-اق ساناپ، وقي باستايدى. بۇرىن مۇنداي جاعداي بولماعان. بۇل ۇدەرىس ۇزدىكسىز جالعاسسا جاعداي بارعان سايىن كۇردەلەنە بەرەدى. بالالار ءتىپتى مۇلدەم كورمەي قالۋى دا مۇمكىن. سول سەبەپتى بالالار جىلىندا كەمىنە ەكى رەت وفتالمولوگتان اقىل-كەڭەس الىپ تۇرۋلارى كەرەك»،-دەپ قوستى تۇلەتوۆا.
You Might Also Like
-
قوجاباقى اۋىلى جايلى ەرتەرەكتە شىققان "ساعىندىم سەنى، اراندىم" دەپ اتالاتىن ءان بار. بۇل - اۋىل جايلى ءان.
-
قوي باسقا ءۇي مالدارىنا قاراعاندا قولعا ەرتە ۇيرەتىلگەن. شىعۋ تەگى، عالىمداردىڭ كوپ جىلدارداعى زەرتتەۋلەرىنىڭ ناتيجەسىندە، قازىرگى ۋاقىتتا ءالى دە كەزدەسەتىن مۋفلون، ارقار، ارگالي جانە جالى بار قويلا...
