بالالارىن جاقتاعان اقتوبەلىك اتا-انا ءمۇعالىمدى "ەكىگە وقىعانسىڭ" دەپ سوككەن
اقتوبە وبلىسى مۇعالجار اۋدانىندا بالالار اراسىنداعى كيكىلجىڭنەن سوڭ مەكتەپ ءمۇعالىمى ءوز اۋىلداسىن ار-نامىسىن قورلاعانى ءۇشىن سوتقا بەردى دەپ حابارلايدى كەرەك ينفو.
ايتۋىنشا، ايەل ونى "ەكىگە وقىعانسىڭ" دەپ سوگىپ، كۇيەۋى مەن تۋىستارىنا ءتىل تيگىزگەن. مۇنىمەن قويماي، اياعى اۋىر بولا تۇرا، ونىڭ قولىنان تىرناپ الىپتى.
وقيعا بيىل ءساۋىر ايىندا مۇعالجار اۋىلىنا قاراستى التىندى اۋىلىندا بولعان. شاعىمدانۋشىنىڭ سوزىنشە، سول كۇنى 11 جاستاعى بالاسى ۇيگە جىلاپ كەلىپ، وزىنە بالالاردىڭ تيىسكەندىگىن ايتقان. بالالارىن جاقتاعان اتا-انالاردىڭ بىرىمەن سوزگە كەلگەن ايەل كەيىن سوتقا جۇگىنگەن. ايتۋىنشا، ۇرىس-كەرىس كەزىندە ايەل مەكتەپتە ساباق بەرەتىن ونى "ەكىگە وقىعانسىڭ، توپاسسىڭ" دەپ سوككەن. كورشىلەرى مەن وقۋشىلارىنىڭ كوزىنشە كۇيەۋىن ماسكۇنەم دەپ ار-نامىسىنا ءتيىپتى. ءتىپتى، اياعى اۋىر ەكەنىن بىلە تۇرا، قولىنان تىرناپ العان كورىنەدى.
الايدا سوت وتىرىسى كەزىندە سوتتالۋشى ايەل ءوز كىناسىن تولىق مويىنداعان جوق. شاعىمدانۋشى ايەل وزىمەن ءبىر مەكتەپتە وقىعان. سول سەبەپتى ءوزىن تىلدەپ، ۇرىسۋىن توقتاتپاعان وعان "دۆويچنيكسىڭ" دەگەنى راس كورىنەدى. جامان ءسوز ايتقان ونىڭ بالاسىن "ءتىلىڭدى جۇلىپ الام" دەپ تە قورقىتقان. الايدا مەكتەپ ءمۇعالىمىنىڭ جەكە ومىرىنە ءتىل تيگىزبەگەن ءارى ەشقانداي جاراقات تا سالماعان. بار بولعانى، قولى ساۋساعىن سەرمەي سويلەگەن ايەلدەن بالاسىن قورعاماق بولعان كەزدە ابايسىزدا ءتيىپ كەتىپتى.
مۇعالجار اۋدانىنىڭ №2 اۋداندىق سوتىنىڭ حابارلاۋىنشا، كۋاگەرلەردى تىڭداپ شىققان سۋديا ايەلدى كىناسىز دەپ تاپتى. "ەكىلىكسىڭ" دەگەن ءسوز ەكەۋارا ۇرىس كەزىندە ايتىلعاندىقتان، cوت سوتتالۋشى مۇنى ادەيى جاساماعان دەپ تاپتى. ءسويتىپ، قىلمىس قۇرامى بولماعاندىقتان سوتتالۋشىنى اقتاپ شىقتى. الايدا مۇنىمەن كەلىسپەگەن ايەل وبلىستىق سوت القاسىنا اپەللياسيالىق شاعىم تۇسىرگەن. ءبىراق، بۇل جولى دا جەڭىلىس تاپتى. ءىستى قايتا قاراعان سوت اپەللياسيالىق شاعىمدى قاناعاتتاندىرۋسىز قالدىردى.
You Might Also Like
-
استاناداعى ترانسفۋزيولوگيا عىلىمي-وندىرىستىك ورتالىعى ماماندارى قازاقتىڭ بويىنان ترانسپلانتولوگيا بارىسىندا الماستىرىلعان مۇشەنىڭ ۇلاسىپ كەتۋىنە جول بەرمەيتىن انتيگەن تاپتى، دەپ xابارلايدى قازاقپارات.
-
قازاق دالاسى، ونىڭ ىشىندە باياناۋىل ءوڭىرى، قاشاندا ءبىرتۋار تۇلعالارعا كەندە بولعان ەمەس. دەگەنمەن، «جۇيرىكتە دە جۇيرىك بار، الىنە قاراي جۇگىرەر» دەمەكشى، سول سوم تۇلعالاردىڭ اراسىندا ءتاڭ...
