ءبىلىمدى ۇرپاق...
ءبىلىمدى ۇرپاق — بولاشاققا باستار جول. ءيا، بۇل ءسوزدىڭ تۇپكى ءمان-ماعىناسىن اشىپ، كەڭىنەن تۇسىندىرمەسەك تە جاس ۇرپاققا تىكەلەي قاتىستى دۇنيە. سەبەبى ەلىمىزدىڭ بيىكتەردەن كورىنىپ جوعارى ورلەۋى وسى كەلەشەك جاستاردىڭ قولىندا. ال وسكەلەڭ جاس ۇرپاقتى جاستايىنان وقۋعا باۋلىپ، ولاردى دۇرىس ءارى تازا جولعا باعىت-باعدار بەرۋ ءاربىر ۇلكەن بۋىننىڭ قازىرگى مىندەتى. «تاربيە — تال بەسىكتەن باستالادى»، — دەمەكشى بولاشاق ۇرپاقتىڭ ناعىز ءبىلىمدى، سانالى، سونداي-اق ءوز ەلىنە دەگەن سۇيىسپەنشىلىگىنىڭ جوعارى بولۋىنا سەبەپكەر ول بالالىق شاعىنان العان تاربيەسىنە تىكەلەي بايلانىستى.
بولاشاق — جاستاردىڭ قولىندا. ءاربىر جاس بۋىن مەكتەپ قابىرعاسىندا ءبىلىم العان شاعىنان باستاپ بۇل ءسوزدى وزدەرىنە انت ەتىپ قابىلداۋى كەرەك. ويتكەنى الداعى كۇندەرى مەن بولاشاعىنىڭ جارقىن بولۋىن ويلاپ، وزىنە ارتىلعان زور ءۇمىتتى سەزىنۋى ءتيىس. ءوز بولاشاعىمەن قاتار ەلىنىڭ گۇلدەنۋى مەن كوركەيۋى، ۇلكەن دارەجەگە جەتىپ ورلەۋى جايىندا دا سانالى تۇردە ءوز جاۋاپكەرشىلىگىنە الىپ، بولاشاعىنان ءۇمىت كۇتتىرەر ازامات بولىپ ءوسۋى وسى جاستارعا پارىز بولماق.
بولاشاق مەملەكەتىمىز بەن جاس ۇرپاقتىڭ اراسىنداعى بايلانىس وتە زور. ءاربىر حالىقتىڭ جوعارىعا ورلەۋى مەن دامۋى ءار حالىقتىڭ ءوز جاستارىنا تاۋەلدى ەكەنى انىق. ەگەر دە بۇگىنگى جاستار ءوز حالقىنىڭ سانا-سەزىمىمەن، رۋحىمەن، تاربيەسىمەن وسپەسە، وندا سول ەلدىڭ كەمەل كەلەشەگى بۇلىڭعىر بولماق. ويتكەنى ۇلت مۇراسى، ۇلت قازىناسى وسى جاس ۇرپاققا مول مۇرا بولىپ امانات ەتىلىپ ساقتالۋى ءتيىس.
ەلباسىمىز ن. ءا. نازاربايەۆ ءوز جولداۋلارىنىڭ بىرىندە ايتقانداي: «بۇگىنگى وسكەلەڭ ۇرپاق ناعىز ءبىلىمدى، جان-جاقتى دامىعان، بىرنەشە ءتىلدى مەڭگەرگەن، ناعىز ءوز ەلىن سۇيەتىن، ۇلتجاندى ازامات بولۋى كەرەك». ناعىز ءوز ەلى ءۇشىن جارالعان، ونىڭ گۇلدەنۋى مەن جوعارىدان كورىنۋىنە بار ىقىلاسىمەن بەرىلگەن، بويىنا عىلىم مەن ءبىلىمدى جيعان ۇرپاقتىڭ بەينەسى ءدال وسى ەلباسىمىز اتاپ كەتكەندەي قاسيەتتەردەن بولۋى ءتيىس. سەبەبى بۇل دا جاس ۇرپاق ءۇشىن ۇلكەن پارىز، مول جاۋاپكەرشىلىك بولىپ سانالادى.
قورىتا ايتقاندا جاستار — ەلىمىزدىڭ ناعىز ىرگەسى بيىك بولاشاعى. ال سول جاستاردىڭ بولاشاعى ءوز وتانىمىزدىڭ ەرتەڭگى تاعدىرىمەن تىعىز بايلانىستى. سول سەبەپتى ءبىز، جاستار، جۇدىرىقتاي جۇمىلىپ ەلىمىزدىڭ ءاربىر وركەندەۋى مەن دامۋى جولىنداعى قىزمەتتە بىرلەسە ات سالىسقانىمىز ەلىمىز ءۇشىن دە، ءوزىمىز ءۇشىن دە ۇلكەن جەتىستىك بولماق دەگىم كەلەدى.
امانگەلدى زەينەپ بەيبىت قىزى
You Might Also Like
-
كلاسسيكالىق ادەبيەت — بۇل ءوز ءداۋىرىنىڭ نەمەسە بەلگىلى ءبىر جانردىڭ ستاندارتى بولىپ سانالاتىن كوركەم ادەبيەت تۋىندىلارى. بۇگىنگى تاڭداعى “كلاسسيكالىق شىعارما” تۇسىنىگى قايتا ورلەۋ د...
