جەتىمدەر ءۇيىن جاعالاپ....
ءار بالا ءۇشىن ءوز ۇيىندە، اتا-اناسىنىڭ قۇشاعىندا ءومىر سۇرۋ-ۇلكەن باقىت. انانىڭ ايالى الاقانى، اكەنىڭ ايتقان اقىلىنا بۇل جالعاندا ەشتەڭە دە تەڭ كەلمەس. الايدا اناسىنىڭ ايالى الاقانىن سەزبەگەن، اكەسىنىڭ ايتقان اقىلىن تىڭداۋ باقىتى بۇيىرماعان بالالار ءبىزدىڭ ەلىمىزدە دە ءوسىپ كەلە جاتىر! ال قوعامىمىزدا بۇل باقىتقا قولى جەتپەگەن جەتىمدەر ءۇيىنىڭ تۇلەكتەرى ومىردە ءوز ورنىن تابا الادى ما ەكەن؟
جالپى العاشقى جەتىمدەر ءۇيى 1918 جىلى بوي كوتەرگەن، ءبىراق قانشا جىل وتكەنىمەن ءبىز بۇل جەتىمدەر ءۇيىن جابا الار ەمەسپىز!
حالىقارالىق بالا قۇقىعىن قورعاۋ كۇنى قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ ەلىمىزدە جالپى نەشە جەتىمدەر ءۇيى بوي كوتەرىپ تۇرعانىن ايتتى.
مينيستر 2020 جىلعى ستاتيستيكاعا سايكەس، قازاقستاندا 4 193 بالا جەتىمدەر ءۇيىن مەكەندەپ، كۇن كورىپ جاتقانىن جاريالادى. ون جىل بۇرىن جەتىمدەر ۇيىندە 14 052 بالا بولسا، ءقازىر ولاردىڭ سانى 4193 بالا. ال، بالالار ءۇيىنىڭ جەلىسى 210-نان 101-گە دەيىن قىسقارعان. بۇل 2010-2020-جىل ارالىقتارىنا ءتان كورسەتكىش.
الايدا، 2021-جىلعى ستاتيستيكاعا بايلانىستى، جەتىمدەر ۇيىنە جىلىنا 493 بالا قوسىلىپتى.
«جەتىمىن جىلاتپاعان»، «جەتىم كورسە جەبەي جۇرەتىن» حالقىمىز ءۇشىن بۇل كورسەتكىش تىم كوپ.
اتا-انا مىندەتى بالانى باقىتقا بولەۋ.
ارينە، جەتىمدەر ءۇيى بالاعا قانشالىقتى مەيىرىمدىلىك تانىتقانىمەن، اتا-انا ورنىن باسا المايدى. ولار نە ىشسەم، نە كيسەم دەپ ءومىر سۇرگەن جوق. ءبىراق مەيلى جەتىم بولسىن، مەيلى تولىققاندى وتباسىدا ءومىر ءسۇرسىن-ولاردىڭ مەملەكەت تاراپىنان قورعالۋ، قامتاماسىز ەتىلۋ قۇقىعى بار!
قورىتىندىلاي كەلگەندە، ءار بالا باقىتتى ءومىر سۇرۋگە لايىقتى! قانداي قيىندىقتا ءومىر سۇرسە دە، ءوز وتباسىندا ءومىر سۇرگەن ول ءۇشىن قىمبات. جەتىمدى جەتىم دەمەي، قامقورلىققا ءالۋ-ار ادامنىڭ پارىزى.
ەسەنگەلدييەۆا ارۋجان جانگەلدى قىزى
You Might Also Like
-
“بۋللينگ” بۇل قازىرگى تاڭداعى وتە وزەكتى ماسەلەلەردىڭ ءبىرى. قازاقستاندا ءاربىر ءۇشىنشى ءجاسوسپىرىم بۋللينگتىڭ قۇربانىنا اينالادى. ەڭ قورقىنىشتىسى، مۇنىڭ ارتى ولىممەن اياقتالۋى ابدەن مۇمكىن....
-
ۇرپاقتار ساباقتاستىق ماسەلەسى كۇن تارتىبىنەن تۇسپەيتىن، كۇنى بۇگىنگە دەيىن تولعامى تەرەڭ دۇنيە. وتكەن تاريحي جادىنى ساقتاي وتىرىپ، ۇستامدى ينوۆاسيالاردى ءسىڭىرىپ، بولاشاق ۇرپاققا ميراس ەتىپ قالدىرۋ،...
