بىلىمدىلەر
بىلىمدىلەر
جوققا ءبارىن شىعارماي بۇرىنعىنىڭ
جاڭالىعىن اپ كەلدى بۇگىنگى كۇن.
سونى يگەرەر ۇل - قىزعا دانا قازاق
كۇنى جارىق دەپ كەتكەن ءبىلىمدىنىڭ.
ءبىلىم جولدان ىزدەگەن تابادى اسىل
دەدى دە ۇستاز ىزدەندى جاڭا ءتاسىل.
ۇستاز - سوزگە نەمكەتتى شاكىرتتەرىن
كەشىرە الماي تۇر بۇگىن جاڭا عاسىر.
تالاپ قىلعان جۇيرىك تەك توسىلمادى،
ءتۇستى ءىلىمنىڭ كەۋدەگە اسىل ءدانى.
سول جولمەنەن لەك بولىپ شاكىرت كەلەدى
ءبىلىمدىنىڭ ساپىنا قوسىلعالى.
دەيدى ولاردى ءقازىر - اق بىلىمدىلەر،
ساربازدارى ءداۋىردىڭ ءتىلىن بىلەر.
ساردارلارى كوش باستار پەداگوگتەر
ءۇمىت كۇتىپ وتىرعان بۇگىنگى ەل.
شاكىرت كەلەدى كورسەتىپ تانىم قىلىق،
تاڭعالدىرىپ، تامسانتىپ ءبارىن دە ۇعىپ.
باباسىنا باس يگەن جارتى الەمدى
الماق ولار بىلىممەن باعىندىرىپ.
بابالارى تاۋ باسىپ، اتتاپ تاسىن
قامشىسىمەن قاققان ەدى جات قاقپاسىن.
سول بابانىڭ ۇرپاعى وزگەلەردى
ءبىلىم جولدا ءبىلىپ تۇر اتتاتپاسىن.
شاكىرت كەلەدى بيىكتەۋ تالعامدارى،
جاڭا دۇنيە، جاڭالىق قولدانعانى.
بىلىمدىلەر قوسىنى لەك بوپ كەلەدى،
پەداگوگتار قاۋىمى ساردارلارى.
زەردە دە بار، وي دا بار قاراسىندا،
شاكىرت كەلەدى، ولاردى بالاسىنبا.
"ءبىر قۇدايعا سيىنىپ وقى" دەگەن
ۇلى ۇستازدىڭ سوزدەرى ساناسىندا.
ەرلىك جولدا جاساعان ۇشقىر قادام
باباسى دا سيىنباي ءىس قىلماعان.
كەلەدى انە سولاردىڭ ۇرپاقتارى
ءبىلىم قۋىپ جانارى ۇشقىنداعان.
وسى جولعا قاراتىپ ءجۇزىن ءبارى،
لەك كەلەدى، قاتارى بۇزىلمادى.
العا ۇمتىلعان كىشكەنتاي ءبىلىمدىنى
باستاپ كەلەدى پەداگوگ ۇجىمدارى.
اۆتورى:
عابيدەن قوجاحمەت،
قىزىلوردا قالاسى
جوققا ءبارىن شىعارماي بۇرىنعىنىڭ
جاڭالىعىن اپ كەلدى بۇگىنگى كۇن.
سونى يگەرەر ۇل - قىزعا دانا قازاق
كۇنى جارىق دەپ كەتكەن ءبىلىمدىنىڭ.
ءبىلىم جولدان ىزدەگەن تابادى اسىل
دەدى دە ۇستاز ىزدەندى جاڭا ءتاسىل.
ۇستاز - سوزگە نەمكەتتى شاكىرتتەرىن
كەشىرە الماي تۇر بۇگىن جاڭا عاسىر.
تالاپ قىلعان جۇيرىك تەك توسىلمادى،
ءتۇستى ءىلىمنىڭ كەۋدەگە اسىل ءدانى.
سول جولمەنەن لەك بولىپ شاكىرت كەلەدى
ءبىلىمدىنىڭ ساپىنا قوسىلعالى.
دەيدى ولاردى ءقازىر - اق بىلىمدىلەر،
ساربازدارى ءداۋىردىڭ ءتىلىن بىلەر.
ساردارلارى كوش باستار پەداگوگتەر
ءۇمىت كۇتىپ وتىرعان بۇگىنگى ەل.
شاكىرت كەلەدى كورسەتىپ تانىم قىلىق،
تاڭعالدىرىپ، تامسانتىپ ءبارىن دە ۇعىپ.
باباسىنا باس يگەن جارتى الەمدى
الماق ولار بىلىممەن باعىندىرىپ.
بابالارى تاۋ باسىپ، اتتاپ تاسىن
قامشىسىمەن قاققان ەدى جات قاقپاسىن.
سول بابانىڭ ۇرپاعى وزگەلەردى
ءبىلىم جولدا ءبىلىپ تۇر اتتاتپاسىن.
شاكىرت كەلەدى بيىكتەۋ تالعامدارى،
جاڭا دۇنيە، جاڭالىق قولدانعانى.
بىلىمدىلەر قوسىنى لەك بوپ كەلەدى،
پەداگوگتار قاۋىمى ساردارلارى.
زەردە دە بار، وي دا بار قاراسىندا،
شاكىرت كەلەدى، ولاردى بالاسىنبا.
"ءبىر قۇدايعا سيىنىپ وقى" دەگەن
ۇلى ۇستازدىڭ سوزدەرى ساناسىندا.
ەرلىك جولدا جاساعان ۇشقىر قادام
باباسى دا سيىنباي ءىس قىلماعان.
كەلەدى انە سولاردىڭ ۇرپاقتارى
ءبىلىم قۋىپ جانارى ۇشقىنداعان.
وسى جولعا قاراتىپ ءجۇزىن ءبارى،
لەك كەلەدى، قاتارى بۇزىلمادى.
العا ۇمتىلعان كىشكەنتاي ءبىلىمدىنى
باستاپ كەلەدى پەداگوگ ۇجىمدارى.
اۆتورى:
عابيدەن قوجاحمەت،
قىزىلوردا قالاسى
You Might Also Like
