ءبىر ءىستى باستاپ، سوڭىنا دەيىن جەتكىزبەۋ دەرت پە؟ الدە، ادەت پە؟
سوڭىنا دەيىن وقىلماعان كىتاپ، 3 ساباقتان سوڭ جايىندا قالعان اعىلشىن ءتىلى، دۇيسەنبىدەن باستالاتىن سپورت، تاعىسىن تاعى. تانىس پا؟
باستاعان ءىستى جالعاستىرۋعا نە كەدەرگى؟ قانشا سىلتاۋ ويلاپ تاپتىڭىز؟ بۇل سوزدەن كەيىن ءوزىڭىزدى قاتتى سوكپەڭىز. سەبەبى بۇل ماسەلە كوپ ادامدىڭ ومىرىندە ورىن الۋدا. ءىستى سوڭىنا دەيىن جەتكىزىپ، ناتيجە كورۋدى قالايسىز با؟
لەو باباۋتا - ۇزدىكسىز دامۋ ۇستىندەگى تانىمال جازۋشى جانە بلوگەر. ەكسپەرت ءىستى تاستاماي، سوڭىنا دەيىن جەتكىزۋگە كومەك بەرەتىن كەڭەستەرىمەن ءبولىستى.
ءوزىڭىزدى قيناماڭىز
ماجبۇرلەۋ نيەتى جاقسى بولعانىمەن، ناتيجەگە جەتكىزۋى ەكىتالاي. ءوزىڭىزدى كۇشتەپ جاساعان ىس-ارەكەت از ۋاقىت ىشىندە جەككورىنىشتى بولادى. ءبىر ءىستى جاساۋعا ماجبۇرلەۋدىڭ ورنىنا، وڭ موتيۆاسيا تابۋعا تىرىسۋ كەرەك.
مىسالى، كەيبىر ادامدار ءۇشىن فيتنەس زالعا بارىپ جاتتىعۋ تىم قيىنعا سوعادى. سوندا جاتتىعۋدان كەيىنگى سەزىمدى، وزىنە راحمەت ايتىپ تۇرعان ءساتتى ەلەستەتۋ كىشىگىرىم موتيۆاسيا.
اسىقپاڭىز
ۇلكەن ىدىستاعى تاعامدى ەشكىم 1 سەكۋندتا تاۋسىتا المايدى. سونىمەن قاتار، شامادان تىس تاماقتانۋ اس قورىتۋدىڭ بۇزىلۋىنا سەبەپشى. جاقسى ناتيجەگە قول جەتكىزۋ ءۇشىن سابىر ساقتاپ ۇيرەنگەن ءجون. از-ازدان، ءبىراق ءجيى ورىندالعان ىس-ارەكەت مارەگە تەزىرەك جەتكىزەدى.
ءيمپۋلستى پايدالانۋ
تۇنگى ساعات ءۇش بولسىن كەلگەن شابىتىڭىزدى جوعالتىپ الماڭىز. بويدا قۇلشىنىس ويانعان ءساتتى پايدالانىپ ۇيرەنۋ كەرەك. تىم قولايسىز ۋاقىت بولسا دا جاساي باستاڭىز. بۇل جاڭا يدەيالار مەن ويلار سياقتى - ەگەر بىردەن جازىپ الماسا، قايتالانۋى وتە قيىن.
ماقسات جايلى ۇمىتپاۋ
ءبىر ىستەن باستارتقىڭىز كەلسە، نە ءۇشىن باستاعانىڭىزدى ەسىڭىزگە تۇسىرگەن دۇرىس بولادى. باستاپقىدا كوزدەگەن ماقساتتى ۇمىتساڭىز، ناتيجە ءنول. باعىتىڭىزدى جوعالتپاڭىز. كەمپىرقوساق سوڭىندا التىن قۇمىرا بارى ۇنەمى ەسىڭىزدە بولسىن.
كوتەرىڭكى كوڭىل-كۇي
لەو باباۋتا ءۇشىن سۇيىكتى اندەرىن تىڭداۋ ەرەكشە كوڭىل كۇي سىيلايدى. سىزدە باسقا نارسە بولۋى مۇمكىن. بىرەۋ شابىت الۋ ءۇشىن كىتاپ وقيدى، بىرەۋ جۇگىرۋگە بارادى،كينو كورەدى نەمەسە مەديتاسيا جاسايدى. ءوز قولىڭىزبەن سۋرەت سالۋ دا جاقسى كومەكتەسەدى. ەسسىزدىكتى جەڭىپ، ءارى قاراي جۇرۋگە جول سىلتەيدى.
كۇماندانۋدى دوعارۋ قاجەت
ەڭ سوڭعى جانە ەڭ ماڭىزدىسى. كۇمان تۋىنداعاندا قارسى تۇرۋ جانە جوسپارلانعان جولدان تايماۋ وتە قيىن. كۇمان مەن قورقىنىش بولاشاقپەن تىعىز بايلانىستى. ءبىراق ءالى بولماعان نەمەسە ەشقاشان بولمايتىنعا الاڭداۋ دۇرىس ەمەس. ال باستاعان ىستەن باس تارتۋ – اقىماقتىق. قانداي تىعىرىققا تىرەلسەڭىز دە شىعار جول بار. ءار سەكۋند سايىن الەم بىزگە جاڭا مۇمكىندىكتەر سىيلايدى. ەندەشە نەگە ونى قولدانباسقا؟
ءابدىراحمان ارۋجان
You Might Also Like
-
الماتى وبلىسى قاراساي اۋدانى ءال-فارابي اتىنداعى دباگ كوجەبايەۆا دينارا سەريككازينوۆنا
-
زەرتتەۋ كورسەتكەندەي، TikTok 2021 جىلى ەڭ كوپ كىرەتىن رەسۋرس بولدى.
