InfoHub Logo

فوبيا - ەرىكسىز قورقىنىش. ادام فوبيانى باسقارا المايدى جانە دەر كەزىندە توقتاتا المايدى.

قاراپايىم قورقىنىشتى لوگيكالىق تۇردە تۇسىندىرۋگە، جەڭۋگە بولادى. فوبيامەن كۇرەسۋ، ونىڭ پايدا بولۋ سەبەبىن ءتۇسىنۋ قيىن. بەلگىلى ءبىر زات نەمەسە قۇبىلىستان قورقۋ ناقتى قاۋىپكە سايكەس كەلمەۋى مۇمكىن.

فوبيا بەلگىلەرى:

تىنىس الۋ جۇيەسىنىڭ قيىنداۋى، تۇنشىعۋ؛

اۋىز قۋىسى قۇرعايدى؛

قان قىسىمى جوعارىلايدى؛

جۇرەك اينۋى؛

كەۋدە اۋىرسىنۋى نەمەسە قىسىم؛

باس اينالۋ؛

السىزدىك؛

فوبيالاردىڭ نەگىزگى سەبەپتەرى

ساراپشىلاردىڭ ايتۋى بويىنشا، فوبيا قالىپتاسۋىنىڭ بىرنەشە فاكتورى بار. ولار  بيولوگيالىق، گەنەتيكالىق، پسيحولوگيالىق جانە الەۋمەتتىك.

بيولوگيالىق جانە گەنەتيكالىق فاكتور

اعزادا تىنىشتاندىرعىش اسەرى بار قىشقىلدىڭ (گامما-امينوبۋتير قىشقىلى) بولماۋى قورقىنىش پەن ۇرەيدىڭ كۇشەيۋىنە الىپ كەلەدى.فوبيانىڭ پايدا بولۋىنا ىقپال ەتەدى.قىشقىل مولشەرىنىڭ تومەندەۋى مي جاراقاتى، ەسىرتكى، سترەسس جانە دەپرەسسيادان بولۋى مۇمكىن.

سونىمەن قاتار، فوبيانىڭ سەبەبى گەنەتيكالىق فاكتور بولۋى مۇمكىن. ەگەر اتا-اناسىندا قانداي دا ءبىر فوبيا بولسا، بالاسىندا سول فوبيا ءجيى كەزدەسەدى.

پسيحولوگيالىق فاكتور

سوزدەردى نەمەسە ارەكەتتەردى دۇرىس تۇسىنبەۋ،سترەسس،دەپرەسسيا جانە باسقا دا پسيحولوگيالىق ماسەلەلەر فوبياعا الىپ كەلۋى مۇمكىن.

بەلگىلى ءبىر قورقىنىشتار ەۆوليۋسيا پروسەسىندە پايدا بولعان. مىسالى، اشىق كەڭىستىكتەن قورقۋدىڭ تامىرى سوناۋ ەرتەدە، قورشالماعان جەردەگى جابايى جانۋارلاردىڭ شابۋىل ءقاۋپى بولعان كەزدە جاتىر.

الەۋمەتتىك فاكتور

الەۋمەتتىك فوبيانىڭ پايدا بولۋىنا اتا-انانىڭ تىم قاتال قاراۋى، قۇرداستارىمەن قارىم-قاتىناستىڭ دۇرىس بولماۋى ىقپال ەتەدى.

سونداي-اق الەۋمەتتىك جانە ماتەريالدىق جاعدايعا بايلانىستى ءارتۇرلى فوبيالار پايدا بولۋى مۇمكىن.

فوبيا تيپتەرى

قازىرگى تاڭدا يرراسيونالدى قورقىنىشتىڭ 400-گە جۋىق ءتۇرى بار. فوبيالاردى جۇيەلەۋ وتە قيىن پروسەسس. ولاردىڭ پايدا بولۋ جانە دامۋ فاكتورلارىن، بەلگىلەرى مەن ەمدەۋ ادىستەرىن ەسكەرۋ قاجەت. فوبيا تۇرلەرىن انىقتاۋدىڭ ەڭ تانىمال ءتاسىلى - قورقىنىش سيۋجەتى بويىنشا انىقتاۋ.

بەلگىلى ءبىر جاعدايلاردان قورقۋ

مۇنداي فوبيالار ادەتتە بەلگىلى ءبىر جاعدايدا قاتتى قورقىنىشتى باستان كەشىرگەننەن كەيىن پايدا بولادى. بۇل كەز كەلگەن كولىك تۇرىنەن (ۇشاق، كەمە، پويىز)، جابىق نەمەسە اشىق كەڭىستىكتەردەن قورقۋ، سونىمەن قاتار جالعىزدىقتان قورقۋ بولۋى مۇمكىن.

---