ءبىر كەم دۇنيە
كەيبىر ادامداردى ''ءبىر كەم دۇنيە'' دەگەن ءسوزدى ەستىگەن كەزدە، بىردەن اقشانىڭ ازدىعى، ماتەريالدىق قۇندىلىقتار مەن دۇنيەنىڭ تارشىلىعى الاڭداتادى. شىنىمدى ايتسام، بۇل ءسوزدى مەن ەستىگەن كەزدە، كوز الدىما تەرەزەنىڭ الدىندا جىلاپ وتىرعان بالا مەن بالاسىنان ايىرىلعان انانىڭ زارى ساڭىلاۋىمدى جارىپ وتكەندەي سەزىمدە بولامىن. اتتەڭ، دۇنيە نە بوپ كەتتى، حالايىق!؟
كوشەدە كەتىپ بارا جاتقاندا، مۇگەدەك ادامداردى كورگەندە جۇرەگىم قاق ورتاسىنان قارس ايىرىلعانداي بولادى. مۇنىڭ ءبارىن ءبىز وزگەرتە المايمىز. ادامداردىڭ قالاي ءومىر ءسۇرۋىن مەن شەشپەيمىن. ويتكەنى ول مەنىڭ قولىمدا تۇرعان جوق. ەحح، مەنىڭ قولىمدا بولساا... شىركىن!
ال، ءبىزدىڭ دەنە - مۇشەمىز ساۋ، وتباسىمىز، تۋعان - تۋىسىمىز جانىمىزدا بولسا دا، ايتەۋىر ءبىر نارسەنى الاڭدايمىز دا جۇرەمىز. قۋانىپ جۇرەتىن ۋاقىتتارىمىز وتە از ەكەن. وسىلاي جۇرە بەرسەك، قالعان ءومىردىڭ قىزىعى نەدە؟ اتا - انام ماعان ''ءبىر كەم دۇنيە'' دەگەن نە ەكەنىن دە ايتپاپتى. ءتىپتى جاماندىق جايلى ويلاۋعا دا مۇمكىندىك بەرمەگەن ەكەن. بۇل دۇنيەدەن تارشىلىق كورىپ جۇرگەن ادامداردى ءار جەردەن كورۋگە بولادى. ال، مۇگەدەك، جەتىمدەردىڭ جۇزىنەن ەشقاشان كۇلكى كەتپەيدى. ولاردىڭ مۇڭايعانىن كورگەن ەمەسپىن. كەڭ دۇنيەدەن كەم دۇنيە جاساپ وتىرعان ءوزىمىز. سوندىقتان دا، بارعا قاناعات ەتە جۇرەيىك!
تۇرارحانوۆا اسەل
You Might Also Like
-
قىستان جازعا وتپەلى كەزەڭدە ادامنىڭ كوبى كوز كورۋىنىڭ السىرەگەنىن جانە كوزدىڭ قۇرعاقتانىپ، كوزگە قۇم تۇسكەندەي سەزىم پايدا بولعانىن بايقايدى. بۇعان كورۋ اعزالارىنىڭ قالىپتى جۇمىس ىستەۋىنە قاجەتتى ب...
