انا ءتىلىم - تىرلىگىمنىڭ ايعاعى
''تۋعان ءتىلىم تىرلىگىمنىڭ ايعاعى،
ءتىلىم باردا ايتىلار سىر ويداعى.
وسسە ءتىلىم، مەن دە بىرگە وسەمىن،
وشسە ءتىلىم مەن دە بىرگە وشەمىن. ''- دەپ ءابدىلدا تاجىبايەۆ اتامىز ايتپاقشى، مەن دە ءسوز باسىن وسى عاجايىپ ولەڭ شۇماقتارىمەن باستادىم. ادام وزگەردى مە، زامان وزگەردى مە؟ زامان وزگەرگەن بولار. زامان وزگەرسە، قازىرگى تاڭنىڭ ادامدارىنا نە بولعان؟ مەن قازاق تىلىندە سويلەيتىن ءبىر ادامدى كورىپ تۇرعان جوقپىن. جوق، بۇل قازاقستاندىقتار ءۇشىن وتە ناشار كورسەتكىش. قازىرگى زاماننىڭ تەك 20% عانا قازاق تىلىندە سويلەسە، ونىڭ 80% نەگە سويلەمەسكە؟ راسىمەن دە، انا ءتىلى ءبىزدىڭ جان دۇنيەمىزدىڭ ايناسى، اتا - بابا مۇراسىن ۇرپاقتان ۇرپاققا تاراتاتىن اسىل قازىنامىز. تۋعان ءتىلىن ماقتان ەتۋ، ونى تازا ساقتاۋ كەز كەلگەن ۇلت وكىلىنىڭ قاسيەتتى پارىزى. 22 قىركۇيەك - قازاقستان رەسپۋبليكاسىنىڭ ءتىل مەرەكەسى اتالىپ وتىلەدى. ەڭ بولماسا، وسى كۇنى تازا قازاق تىلىندە سويلەيىكشى، دوستار!
ءقازىر قازاقستاندىقتاردىڭ بارلىعى شەتەلگە كەتىپ جاتىر. ونىمەن قويماي، انا تىلدەرىن ۇمىتۋدا. ''وزگە ءتىلدىڭ ءبارىن ءبىل، ءوز ءتىلىڭدى قۇرمەتتە'' - دەپ بەكەر ايتپاعان. تەك قانا قازاقستاندىقتار ەمەس، بۇكىل حالىق ءوز ءتىلىن قۇرمەتتەپ، تازا سويلەۋى كەرەك. ءوز ءتىلىڭدى بىلمەي تۇرىپ، شەتەلگە نە بەتىڭمەن بارماقشىسىڭ؟ ارينە، بار...
الايدا، سەن شەتەلگە ءوز ءتىلىڭنىڭ جاقسى جاقتارىن كورسەتۋ ءۇشىن، قوسىمشا ءبىلىم الۋ ءۇشىن بارۋ كەرەكسىڭ! ''قازاقتىڭ جەرى دە بايتاق، ءتىلى دە بايتاق'' - دەپ كەلىپ جاتقان شەتەلدىكتەردىڭ سانى از ەمەس.
ەگەر ءبىزدىڭ ءتىلىمىز بولماسا، ءبىزدى ۇلت قاتارىنان الىپ تاستاۋى عاجاپ ەمەس. سەبەبى، ءتىل - ءوز حالقىمىزدىڭ رۋحاني بايلىعى، ۇلتتىڭ تىرەگى. ايگىلى جازۋشى م.اۋەزوۆتىڭ: ''ۇلت بولعىڭ كەلسە، بەسىگىڭدى تۇزە'' دەۋى تەگىن ەمەس. حالقىمىزدىڭ ءبىرتۋار پەرزەنتى م.جۇمابايەۆ: ''ۇلتتىڭ ۇلت بولۋى ءۇشىن ءبىرىنشى شارت - ءتىل بولۋى.'' بۇگىنگى قازاق ءتىلىنىڭ تاعدىرى - مىنا ءبىزدىڭ قولىمىزدا. قازاق ءتىلىن دامىتۋ ءۇشىن قولىمنان كەلگەنشە تىرىسىپ باعامىن. ءتىلىمىزدىڭ قۇلدىراۋىنا جول بەرمەيمىن. اينالاڭدى تانىپ ءبىلۋ، تۋعان ءتىلىڭدى بىلۋدەن باستالاتىنىن ۇمىتپاعايسىڭ، جاس شاكىرت!!!
تۇرارحانوۆا اسەل
You Might Also Like
-
كەيبىر ادامداردى ''ءبىر كەم دۇنيە'' دەگەن ءسوزدى ەستىگەن كەزدە، بىردەن اقشانىڭ ازدىعى، ماتەريالدىق قۇندىلىقتار مەن دۇنيەنىڭ تارشىلىعى الاڭداتادى. شىنىمدى ايتسام، بۇل ءسوزدى مەن ەستىگەن...
-
"سەن ماعان دوسىڭدى كورسەت، مەن سەنىڭ كىم ەكەنىڭدى ايتامىن" دەمەكشى، مەن ءوزىمنىڭ دوسىم جايلى جازعىم كەلىپ وتىر. اتاپ ايتار بولسام، ۋرازالييەۆ اعابەك-الماتى وبلىسى ەڭبەكشىقازاق اۋدانى تۇرگەن...
