بىرەۋ باي، بىرەۋ تەرە، بىرەۋ جارلى،
كوبى زارلاپ توگىپ ءجۇر جاس پەن قاندى.
اتاڭدى جاۋ شاپقاندا بىرگە شاۋىپ،
بورسىقتار سەمىرىپ ءجۇر كومىپ اردى.

قايدان تابام حالىقتىڭ شىن بالاسىن،
سۋىن ءسۇزىپ، اقتارسام تاۋ، دالاسىن؟!
كوكتى كەزىپ ۇشساڭ دا ءبىر تابا الماي،
ارماندا بوپ ازىرگە ساندالاسىڭ.

ونداي ادام بولعان عوي، بولار تاعى،
ومىرلىك بارلىق ءىسى — ەلدىڭ قامى.
ەر ەڭبەگى جالپىعا بىردەي ورتاق،
جارق ەتەر ءالى-اق ءبىر كۇن باقىت تاڭى.

---