InfoHub Logo

اللاھتىڭ جاقسى كليمات، مول سۋ، باعالى جەر استى قازىنالارىنا، ءار ءتۇرلى دۇنيە نيعمەتتەرىنە باي قىلعان جانە تەڭدەسى بولماعان وتانىمىز شىنايى مۇسىلماندارعا مۇقتاج. تەك شىنايى مۇسىلماندار عانا بىرىگىپ، ءبىرىن-بىرى ىزدەپ، جاقسى كورىپ جانە توقتاماي ەڭبەك ەتىپ باتىستىڭ عىلىمى مەن ءبىلىم دارەجەسىنە جەتىپ، ءتىپتى ونى دا اسىپ، كيەلى وتانىمىزدى لايىقتى دارەجەگە دەيىن كوتەرۋى مۇمكىن. يسلام دىنىندە جاماندىقتار جانە زياندى ارەكەتتەر جوق. ءبىراق يسلام ءدىنىن جەكە پايداسىن، ساياساتىن، جامان يدەولوگيالارىن ىسكە اسىرۋدا قۇرال قىلعىسى كەلەتىن مۇنافىقتار (ەكى جۇزدىلەر) جانە اداسقان اعىمداردىڭ پروپوگانداسىن جاساپ جۇرگەندەر بار. اللاھۋ تا'الا ونداي مۇنافىقتار مەن اداسقانداردى اۋىر ازاپپەن جازالاندىرادى.

شىنايى مۇسىلمان — تەك ءدىنىنىڭ، وتانىنىڭ ورلەۋىن جانە حالقىنىڭ پايداسىن ويلايتىن ادام.

ناعىز مۇسىلمان — ەشبىر جامان پروپوگاندانىڭ تۇتقىنى بولماي، ءبىر جاعادان باس، ءبىر جەڭنەن قول شىعارىپ، دىنىنە جانە حالقىنا قىزمەت ەتەدى. وسىلايشا ءارى دۇنيەدە، ءارى احيرەتتە اللاھۋ تا'الانىڭ قۇت-بەرەكەسىنە قاۋىشادى. مۇسىلماندار ەل ىشىندەگى بىرلىككە، تاتۋلىققا، ۇيىمشىلدىققا كوپ ءمان بەرۋى كەرەك. مەملەكەتىنىڭ دامۋى ءۇشىن ماتەريالدىق جانە رۋحاني تۇرعىدان كۇش-قۋات كوزىنە اينالۋى قاجەت. ءدىن ىلىمدەرىن جاقسىلاپ ۇيرەنۋى كەرەك، اللاھتىڭ جانە قۇلدارىنىڭ الدىنداعى مىندەتتەرىن، بورىشتارىن ورىنداۋ كەرەك. يسلامنىڭ كوركەم مىنەزىمەن بەزەنىپ، ەشكىمگە زيان تيگىزبەۋ كەرەك. فيتنا (بۇلىك) شىعارماۋ كەرەك. ءدىنىمىز وسىنداي بولۋدى ءامىر ەتەدى.

---