قۇرىلىسشى اقساقال
باياعىدا ءبىر كىسى قانشاما جىل قۇرىلىس سالاسىندا قىزمەت اتقارعان ەكەن. زەينەت جاسىنا كەلگەندە باستىعىنا كەلىپ: «باسەكە، مەنىڭ زەينەتكە شىعاتىن ۋاقىتىم كەلدى، رۇقسات بولسا مەن جۇمىستان شىعايىن وتىنىشىمە قول قويىپ بەرىڭىز»، — دەيدى. سوندا باستىعى: «ارينە، زەينەتكە شىعاسىز. ءبىراق ءبىر شارتىم بار. ءالى سالىنا قويماعان ءبىر ءۇي بار ەدى، سونى سالىپ، ءبىتىرىپ بەرسەڭىز، رۇقسات»، — دەپ جاۋابىن كەلتە قايىرادى.
الگى قاريا امالدىڭ جوعىنان ءۇيدى از كۇندە ءبىتىرىپ، ءۇيدىڭ كىلتىن باستىعىنا بەرسە، باستىعى وزىنە قايتارىپ بەرەدى. بۇعان تاڭ قالعان اقساقال: «باسەكە، مۇنىڭىز قالاي؟» — دەيدى. سول كەزدە باستىعى: «اقساقال، نەگىزى بۇل ءسىزدىڭ ءۇيىڭىز، ەندى بۇل ۇيدە ءوزىڭىز تۇراسىز»، — دەپ جاۋاپ قايتارادى. باستىعىنان مۇنداي جاۋاپتى كۇتپەگەن الگى قاريا: «قاپ، ءوزىمنىڭ ءۇيىم بولاتىندىعىن بىلگەنىمدە بار مۇمكىندىكتى پايدالانىپ، ءزاۋلىم ساراي سالىپ الاتىن ەدىم عوي»، — دەپ وكىنىپ قالدى.
ءوسىبىر مىسالدان الاتىنىمىز، ءبىزدىڭ ءاربىر جاساعان قۇلشىلىعىمىز، نامازىمىز، عيباداتىمىز ءوزىمىز ءۇشىن. ەرتەڭگى كۇنى ولاردىڭ جەمىسىن ءوزىمىز كورەمىز. سوندىقتان دا «بۇل دۇنيە — احيرەتتىڭ ەگىندىگى» دەپ بەكەردەن بەكەر ايتىلماسا كەرەك.
You Might Also Like
-
اللاھتىڭ جاقسى كليمات، مول سۋ، باعالى جەر استى قازىنالارىنا، ءار ءتۇرلى دۇنيە نيعمەتتەرىنە باي قىلعان جانە تەڭدەسى بولماعان وتانىمىز شىنايى مۇسىلماندارعا مۇقتاج. تەك شىنايى مۇسىلماندار عانا بىرىگىپ، ...
