ءبىز - ماڭگىلىك ەل بالالارىمىز
بالالىق ءوتتى ءبىلدىڭ بە،
قارتتىق جاسقا كەلدىڭ دە،- دەپ اباي وكىنىش بىلدىرگەن بالداي ءتاتتى بالالىق شاق دەسەڭشى!؟قانباعان ويىن، تارقاماعان قۇمارلىق الاڭسىز ەركەلىك... ايتا بەرسەم تاۋسىلار ەمەس. ءبىز - الەم بالالارىمىز. الەمدە قانشا حالىق بار، سونشا حالىقتىڭ ۇرپاعى- بالالارى عوي. بارى-بارىندە باقىتتى بالالىق پا، ويلانىپ كورەيىكشى... مەن بەيبىت ەلدە باقىتتى ءومىر ءسۇرىپ ءوز قالاۋىممەن ءبىلىم الىپ، اتا-انامنىڭ قامقورلىعىنا بولەنۋدەمىن. نە ىشەم، نە كيەم دەگەن قاجەتتىلىك جوق. مەن- سونداي باقىتتى بالامىن. سانام- سەرگەك، ويىم- ۇشقىر، جان جاعىم- امان. بۇعان ارتىق نە كەرەك ماعان؟!
تەلەديداردى قوسىپ، شەتەل حابارلارىن تىڭداسام نەمەسە گازەت اقتارىپ وقىپ وتىرسام، نەشە ءتۇرلى وقيعالاردى وقىپ ،جاعامدى ۇستايمىن. سونىڭ كوبى- بالالار دەسەم دە بولادى. ويتكەنى مەنى ءوزىم قۇرالپى بالالار ءومىرى، تاعدىرى قىزىقتىرادى عوي. قۇلدىقتا ۇستالعان بالالار، زورلىق- زومبىلىققا ۇشىراعان سابيلەر، زياندى ارەكەتكە بوي الدىرعان بالالار، ءتىپتى پاناسىز قانعىباستار قانشاما؟ ولاردى كورگەندە، قاتتى قينالامىن. سابيلىك كۇلكى الاڭسىز باقىتتى بالالىق شاق قايدا قالدى دەپ؟..
الەمنىڭ بارلىق بالالارىنىڭ تىلەگى- بەيبىتشىلىك. قاتىگەز جاندار وعان دا قاياۋ سالدى. جازىقسىز زارداپ شەگىپ، اتا-انالارىنان ايىرىلعاندارىن ەستىگەندە، كوكىرەگىڭ قارس ايىرىلادى.اناۋ بەسلان وقيعاسى، ۇشاق اپاتىنىڭ قۇرباندارى، قاندى قاقتىعىس اراسىندا قۇربان بولعانداردى ايتپاي كەتۋگە بولماس.
مەن - الەمدەگى ەڭ باقىتتى بالامىن. ءوزىم سياقتى بالالارعا دا باقىت تىلەيمىن. اسپان اشىق، اتا-انامىز امان، ەلىمىز بەيبىت ءومىر سۇرسە ەكەن دەيمىن.
ءبىز- باقىتتى جاڭا عاسىر ۇلانى.
ءبىز بولامىز بولاشاقتىڭ قىرانى.
ءارقاشان دا اشىق بولسا اسپانىم،
ويلانايىق، ەرتەڭگى ەلدىڭ باستاۋىن.
مەن ءوزىمدى الەمدەگى ەڭ باقىتتى بالالاردىڭ ءبىرىمىن دەپ سانايمىن. وزىمە نە تىلەسەم، اتا-اناما، دوستارىما، الەم بالالارىنا دا سونى تىلەيمىن. عاسىر دەرتى- ناشاقورلىق، تاجال وعى- يادرولىق قارۋ، قانتوگىستەر ءبىزدى، الەم بالالارىن اينالىپ وتسە ەكەن دەيمىن.
ناشاقورلىق جاسارىپ بارادى دەيدى، ودان دا جاسارا بەرەدى ، ەگەر ۇلكەندەر وسى قاسىرەت جولىنا توسقاۋىل قويماسا؟! مەنىڭ ءسابي جۇرەگىم سۇمدىقتان تازا بولعانىن قالايدى.جەر ءجۇزىنىڭ بارلىق بالالارىنىڭ ورتاق ارمانى جۇزەگە اسسا ەكەن دەيمىن. قازاق ەلىنىڭ كوگىن جارقىراتار ايبىندى ۇلان بولسام، ەل تۇتقاسىن ۇستار ازامات اتانسام دەگەن بالا قيال مەنىڭ قۇربىلارىمنىڭ كوكىرەگىندە ارمان بوپ ۇيالاپ جاتقانى انىق.مەن سوعان سەنەمىن.
نۇرعابىلوۆا گۇلدانا
ماڭعىستاۋ وبلىسى ءتۇپقاراعان اۋدانى
جالاۋ مىڭبايەۆ اتىنداعى مەكتەپ-گيمنازياسىنىڭ
10- سىنىپ وقۋشىسى
جەتەكشىسى-تولەۋوۆا انار قاراجىگىت قىزى
You Might Also Like
-
قازاقستاننىڭ جاس روبوتوتەحنيكتارى FIRST Global چەمپيوناتىندا قولا مەدال جەڭىپ الدى.
-
مەملەكەتكە ادال قىزمەت ەتۋ – ءوز ەلىڭنىڭ پاتريوتى بولۋ مەملەكەتكە ادال قىزمەت ەتۋدىڭ ەڭ ۇلكەن دالەلى – ادامنىڭ ءوز ەلىن سۇيەتىن پاتريوتى بولۋىنان كورىنىس تابادى. جالپى مەملەكەتكە ادال قىز...
