قازاقستاننىڭ جاس روبوتوتەحنيكتەرى دۋبايدا قولا مەدال جەڭىپ الدى
قازاقستاننىڭ جاس روبوتوتەحنيكتارى FIRST Global چەمپيوناتىندا قولا مەدال جەڭىپ الدى.
«قازاقستاننىڭ جاس روبوتوتەحنيكتارى 24-27 قازان ارالىعىندا دۋبايدا وتكەن الەمنىڭ ەڭ ايگىلى FIRST Global چەمپيوناتىندا قولا مەدال جەڭىپ الدى. بيىلعى جارىسقا 191 مەملەكەتتەن ەڭ بىلىكتى وقۋشىلار قاتىسىپ، ب ا ق سىناستى. FIRST Global-دىڭ ەكى كۇندىك ىرىكتەۋىنىڭ ناتيجەسى بويىنشا ءبىزدىڭ بالالار - ديلناز كامالوۆا، جەنيبەك مانابايەۆ، باقتيار تەمىروۆ، ەلتاي قاسىم جانە ەرجان قابدىقايىروۆ - بارلىق قارسىلاستارىن باسا وزىپ، ماۋسىمنىڭ فاۆوريتىنە اينالدى. وقۋشىلارىمىز يزرايل، جۇڭگو، سينگاپۋر جانە باسقا دامىعان مەملەكتتەردەن كەلگەن ەڭ ۇزدىك ويىنشىلاردى جەڭىپ، توپ جاردى»، - دەلىنگەن Kerneu Technologies كومپانياسىنىڭ Facebook-تەگى پاراقشاسىندا جاريالانعان اقپاراتتا.
ەلىمىزدىڭ نامىسىن الماتىلىق نازاربايەۆ زياتكەرلىك مەكتەبىنىڭ، حەيليبەري قازاقستان، سونداي-اق قاراعاندىنىڭ نۇرماقوۆ اتىنداعى مامانداندىرىلعان مەكتەپ-ينتەرناتىنىڭ وقۋشىلارى قورعادى. جاس روبوتوتەحنيكتەر بۇل جەڭىسپەن قازاقستان STEM سالاسىندا دامىعان مەملەكەت ەكەنىن بارشا الەمگە مويىنداتتى.
You Might Also Like
-
1964 جىلى 14 قازاندا، تۋرا 59 جىل بۇرىن، كوكپ وك پلەنۋمى ن.س. حرۋششيەۆتى كوكپ ورتالىق كوميتەتىنىڭ ءبىرىنشى حاتشىسى قىزمەتىنەن بوساتتى. حرۋششيەۆ كەڭەس تاريحىندا بەريانى جەڭىپ، ادامزات تاريحىنداعى گاگارين...
