ءبىزدىڭ كورشى
ءبىزدىڭ كورشىمىز جارلى كىسى، ەسكى كىشكەنە ەكى بولمەلى ءۇيى بار. ول بالشىقتان سالىنعان جانە توبەسى توپىراقپەن جابىلعان. ءبىر بولمەسى جابىق، تازا تۇرادى. ول — قوناق ءۇيى، وندا كەلگەن قوناقتارى مەنەن ءارتۇرلى ءىس تۋراسىنان كەڭەس قۇرادى. ەكىنشى بولمەسىندە وزدەرى وتىرادى: قاتىنى، ەكى بالاسىمەن ءبىر قىزى. ەكى ۇيدە ءبىر عانا جامان پەشى بار، سونىڭ ءۇشىن ءۇي دە بەك سۋىق بولادى. ۇيىنە توسەگەن جالعىز-اق كيىزى بار، كورپە-جاستىق جوق. جاتقاندا كيىز ۇستىنە جاتا كەتەدى. كورشىنىڭ، قاتىن، بالالارى جامان كيىم كيىپ جۇرەدى: ەسكى سيتسا شاپان، بەز كويلەك، ەتىكتەرى دە ەسكى ءام جىرتىق، ىشەتىنى كىرپىش شاي. اندا-ساندا بولماسا ەت جەمەيدى. مال دەگەندە ونىڭ ءبىر سيىرى، ءبىر اتى بار. سيىرى ءسۇت بەرەدى، سونىڭ ءۇشىن بالالارى ونى جاقسى كورەدى. اتىمەنەن كورشىمىز بازارعا بارادى. كورشىمىزدىڭ قوي، ەشكى، تۇيەسى جوق. كورشىمىزدىڭ ءوزى دىمكاس كىسى، جۇمىس ىستەي المايدى، بالالارى جاس، مال تۇلىگى بولماعان، قىزمەت ەتە المايدى. وسى ىستەر جارلىلىعىنا سەبەپ پە دەپ بىلەمىن.
You Might Also Like
-
ەكى بالا كەلە جاتىپ ءبىر كىتاپ تاۋىپ الدى. ءبىرى ايتتى: «كىتاپ مەنىكى»، نە ءۇشىن دەسەڭ، مەن سەنەن بۇرىن كوردىم. ءبىرى ايتتى: «جوق، كىتاپ مەنىكى، نە ءۇشىن دەسەڭ، مەن سەنەن بۇرىن جەردەن ...
-
تاڭەرتەڭ بالا ەشبىر جۇمىسسىز ۇيدە وتىردى. تۇسكى استى ىشەتىن ۋاقىتتا شەشەسى ەت پەن سورپا اكەلدى، بالا سورپانى تاتىپ قارادى دا: بۇگىن سورپا ءدامسىز ەكەن دەدى. شەشەسى ايتتى: بۇل ءدامسىز بولسا، كەشكە ءدام...
