InfoHub Logo

قازاقستان رەسپۋبليكاسى ۇكىمەتىنىڭ 2016 جىلعى 1 قازانداعى قاۋلىسىنا سايكەس، «بولاشاق» باعدارلاماسى بويىنشا تۇسەتىن ۇمىتكەرلەر ءۇشىن ەكى جىل جۇمىس ءوتىلىنىڭ بولۋى تۋرالى تالاپ الىنىپ تاستالدى.

بۇل تۋرالى «حالىقارالىق باعدارلامالار ورتالىعى» اق-نىڭ باسپا ءسوز قىزمەتىنە حابارلادى.

بۇل قاۋلى 2016 جىلعى 4 قازاندا «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالانىپ، العاش رەت رەسمي جاريالانعان كۇننەن باستاپ قولدانىسقا ەنگىزىلەدى.

وسىلايشا، ەكى جىل جۇمىس ءوتىلى جوق ۇمىتكەرلەر، «ءوز بەتىنشە تۇسكەندەر» ساناتى بويىنشا كونكۋرسقا قاتىسۋ ءۇشىن قۇجاتتار تاپسىرۋعا قۇقىلى.

بۇعان قوسا، وسى قاۋلىدا ۇمىتكەرلەردىڭ بارلىق ساناتتارى بويىنشا «بولاشاق» ستيپەندياسى شەڭبەرىندە شەتەلدە اكادەميالىق وقۋ نەمەسە تاعىلىمدامادان ءوتۋ قورىتىندىسى بويىنشا ودان ءارى ءۇزىلىسسىز ءۇش نەمەسە بەس جىل:

-          ءوز بەتىمەن تۇسكەندەر ءۇشىن - قازاقستان رەسپۋبليكاسىنىڭ ۇيىمدارىندا نە جارعىلىق كاپيتالداعى قاتىسۋ ۇلەسى قازاقستان رەسپۋبليكاسىنا نە ۇلتتىق كومپانيالارعا تيەسىلى قازاقستان رەسپۋبليكاسىنان تىس جەرلەردە ورنالاسقان ۇيىمداردا؛

-          عىلىمي-پەداگوگ قىزمەتكەرلەر، ينجەنەرلىك-تەحنيكالىق قىزمەتكەرلەر، تاعىلىمداماعا ۇمىتكەرلەر، مادەنيەت قىزمەتكەرلەرى، شىعارماشىلىق قىزمەتكەرلەر، بۇقارالىق اقپارات قۇرالدارى رەداكسياسىنىڭ قىزمەتكەرلەرى ءۇشىن - سالانىڭ باسقا ۇيىمدارىندا نە جىبەرەتىن ۇيىمنىڭ نەگىزگى قىزمەتىنە ۇقساس قىزمەتتى جۇزەگە اسىراتىن ۇيىمداردا؛

-          مەملەكەتتىك قىزمەتشىلەر ءۇشىن - رەسپۋبليكالىق كوميسسيانىڭ شەشىمى بويىنشا، بوس جۇمىس ورىندارى بولعان جاعدايدا - قازاقستان رەسپۋبليكاسىنىڭ ۇيىمدارىندا، سونداي-اق اكسيالارى نەمەسە جارعىلىق كاپيتالداعى قاتىسۋ ۇلەسى قازاقستان رەسپۋبليكاسىنا نە ۇلتتىق كومپانيالارعا تيەسىلى قازاقستان رەسپۋبليكاسىنان تىس جەرلەردەگى ۇيىمداردا جۇمىس ىستەۋ مۇمكىندىگى كەڭەيتىلدى.

---