مەكتەپتەردى بەينەكامەرالارمەن جابدىقتاۋ ءۇشىن ارنايى باعدارلاما قاجەت
جەرگىلىكتى ورگاندار مەكتەپتەردى بەينەكامەرالارمەن جابىقتاۋ ءۇشىن ارنايى باعدارلاما ازىرلەۋى قاجەت. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى قازاقپارات.
«بالالارعا ارنالعان سپورت سەكسيالارى مەن كلۋبتار جەتىسپەيدى. قازىرگى ۋاقىتتا رەسپۋبليكادا مەكتەپتەر جانىندا 9 مىڭنان استام سپورت الاڭى بار. ءبىراق، سپورت سەكسيالارىمەن وقۋشىلاردىڭ تەك قانا 27 پايىزى قامتىلعان. رەسەيمەن سالىستىرساق، ولاردا 82 پايىز قامتىلعان. سپورتتىق ينفراقۇرىمدى جاپپاي دامىتۋ كەرەك»، - دەدى ول.
مينيستر دەرەكتەرىنە قاراعاندا، مەكتەپتەرگە 1300-دەن استام سپورت زالى جەتىسپەيدى. بۇل ماسەلەنى دەپۋتاتتار دا كوتەرۋدە. وسىعان وراي الداعى بيۋدجەتتە مينيسترلىك قارجىلاندىرۋ بويىنشا قۇجاتتار ەنگىزەتىن بولادى.
«قىلمىس جاساۋدىڭ الىن الۋ ماقساتىندا 5 مىڭعا جۋىق ءبىلىم بەرۋ ۇيىمىندا بەينەكامەرالار ورناتىلدى. بۇل ءبىلىم بەرۋ ۇيىمدارىنىڭ جالپى سانىنىڭ تەك قانا 36 پايىزىن قۇرايدى. بۇل وتە ءتيىمدى تەتىك. وسىعان جەرگىلىكتى ورگاندار ارنايى باعدارلاما جاساپ، قارجىلاندىرۋى قاجەت»، - دەدى ە.ساعادييەۆ.
You Might Also Like
-
ءبىلىم جانە عىلىم مينيسترلىگى مەكتەپ پسيحولوگتارىنىڭ جالاقىسىن كوتەرۋ ماسەلەسى قاراستىرۋدا. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ ...
-
قازاقستان رەسپۋبليكاسى ۇكىمەتىنىڭ 2016 جىلعى 1 قازانداعى قاۋلىسىنا سايكەس، «بولاشاق» باعدارلاماسى بويىنشا تۇسەتىن ۇمىتكەرلەر ءۇشىن ەكى جىل جۇمىس ءوتىلىنىڭ بولۋى تۋرالى تالاپ الى...
