«بولاشاق» ستيپەندياسىنىڭ وتەۋ مەرزىمى ەكى ەسەگە قىسقارادى
حالىقارالىق باعدارلامالار ورتالىعىنىڭ پرەزيدەنتى جانبولات مەلدەشوۆ «بولاشاق» ستيپەندياسىنىڭ اۋىلدى جەرلەردەگى ۇمىتكەرلەرىنە ارنالعان جەڭىلدىكتەر تۋرالى، سونىمەن قاتار، قانداي تۇلەكتەردىڭ بەس جىلدىق وتەۋدى شامامەن ەكى ەسە قىسقارتا الاتىنى تۋرالى ايتتى.
بۇل تۋرالى primeminister.kz سايتى حابارلايدى.
مەلدەشوۆ وڭىرلەردىڭ گۋمانيتارلىق، تەحنيكالىق جانە باسقارۋشىلىق الەۋەتىن دامىتۋ جانە ستيپەنديا تۇلەكتەرىن وڭىرلەرگە تارتۋعا ىنتالاندىرۋ ءۇشىن «مەملەكەتتىك قىزمەتكەرلەر» ساناتى بويىنشا ستيپەنديا يەگەرلەرى ءۇشىن بالامالى 3 جىلدىق وتەۋدى ۇسىنباق.
«بولاشاق» باعدارلاماسى بويىنشا دايارلانعان بىلىكتى مەملەكەتتىك مەنەدجەرلەردىڭ باسىم كوپشىلىگى ورتالىقتا جۇمىس ىستەگەيدى. ورتالىقتاعى بەس جىلدىڭ ورنىنا وڭىردە ءۇش جىل وتەۋ - «بولاشاق» باعدارلاماسى بويىنشا ءبىلىم العان مەملەكەتتىك قىزمەتشىلەردىڭ ءىرى قالالاردان وڭىرلەرگە اۋىسۋىن قامتاماسىز ەتەدى دەپ ەسەپتەيمىز»، - دەدى جانبولات مەلدەشوۆ BARCEF-2016 «بولاشاق» باعدارلاماسىنىڭ ءىىى حالىقارالىق كونفەرەنسياسىندا.
حبو باسشىسى كونفەرەنسيا قاتىسۋشىلارىنا قازىرگى ۋاقىتتا باعدارلامانى ىسكە اسىرۋدى تالداۋ نەگىزىندە اكىمشىلەندىرۋدى ودان ءارى جەتىلدىرۋ بويىنشا ءبىرقاتار تەتىكتەردىڭ پىسىقتالىپ جاتقانىن حابارلادى.
وسىلايشا، اۋىلدىق مەكتەپتەردىڭ كادرلىق الەۋەتىن كۇشەيتۋ، سونىمەن قاتار، وڭىرلەردەگى ستيپەنديا يەگەرلەرىنىڭ سانىن ۇلعايتۋ ماقساتىندا، اۋىلدىق ءبىلىم بەرۋ ۇيىمدارىنىڭ پەداگوگ كادرلارى ءۇشىن جاڭا سانات ەنگىزۋ جوسپارلانۋدا. بۇل ساناتقا اۋىلدا ەكى جىل ەڭبەك ءوتىلى بار ۇمىتكەرلەر جاتقىزىلادى.
«سونىمەن قوسا، ولاردىڭ اعىلشىن ءتىلىن مەڭگەرۋىنە وراي، جەڭىلدىكتەر قاراستىرىلىپ، ولاردىڭ اۋىلدىق مەكتەپتەگى مىندەتتى جۇمىس وتەۋىنىڭ مەرزىمىن قىسقارتۋ ماسەلەلەرى قاراستىرىلعان. «بولاشاق» ستيپەندياسى كاسىبي ءبىلىم بەرۋدىڭ اۋىل مۇعالىمدەرىنە ۇزدىكسىز قولجەتىمدىلىگىن كەڭەيتەدى. بۇل جاعداي اۋىلدىڭ كادرلىق جانە ەكونوميكالىق الەۋەتتى ارتتىرادى»، - دەدى ج. مەلدەشوۆ.
بۇدان وزگە، حبو پرەزيدەنتى ءوزىنىڭ بايانداماسىندا استانا جانە الماتى ورتالىقتارىندا جارتى جىلدىق وقۋدى جانە كەيىننەن ۇلىبريتانيانىڭ ءتىل ورتالىقتارىندا جارتى جىلدىق وقۋدى كوزدەيتىن «6+6» تىلدىك دايارلىعىنىڭ جاڭا ۇلگىسى تۋرالى ايتىپ ءوتتى.
«بۇگىنگى تاڭدا وقىپ جاتقان ستيپەندياتتاردىڭ سانى 60-تى قۇرايدى. وتكەن جىلدان بەرى مەكتەپتەن وتكەن 173 ستيپەنديات شەتەلگە وقۋعا ءتۇستى. ءبىز كەلەشەكتە قازاقستاندا كەزەڭ-كەزەڭىمەن تولىق تىلدىك دايىندىق كۋرسىنا اۋىساتىن، بارلىق وڭىرلەردە مەكتەپتەر اشۋدى جوسپارلاۋدامىز»، - دەدى ج. مەلدەشوۆ.
ەسكە سالا كەتەيىك، استانادا ورتالىق ازياداعى اۋقىمدى Bolashak Alumni Reunion Conference اnd Education Fair-2016 (BARCEF-2016) «بولاشاق» باعدارلاماسىنىڭ ءىىى حالىقارالىق كونفەرەنسياسى ءوتىپ جاتىر.
You Might Also Like
-
ءجىتى تۇماۋ (رينيت) - ءجيى كەزدەسەتىن اۋرۋلاردىڭ ءبىرى. ونىڭ پايدا بولۋىنىڭ سەبەپتەرى - باكتەريالىك، تەرميالىق، مەحانيكالىق، حيميالىق تىتىركەندىرگىشتەر.
