بولاشاق تەلەجۋرناليستتىڭ كوزىمەن!
بولاشاق جۋرناليست رەتىندە قازاق جۋرنالدارىنىڭ ىشىنەن كوزىمە ەرەكشە تۇسكەن "بالدىرعان" رەسپۋبليكالىق بالالار جۋرنالىن ساراپتادىم. بالالاردىڭ اقىل-ويىن، زەردەسىن دامىتاتىن تانىمدىق، رۋحاني ءنار بەرەتىن ادەبي، مادەني تاقىرىپتارداعى ماقالالار مەن كوركەم شىعارمالار جاريالاۋ، مەكتەپ ءومىرى، بالالاردىڭ تىنىس-تىرشىلىگى، بالالاردىڭ ءوز شىعارماشىلىعىن قامتيتىن گازەت-جۋرنالدار شىعارۋ جۋرنالدىڭ نەگىزگى ماقساتى بولسا كەرەك. ءتۇرلى-تۇستى بوياۋمەن باسىلىپ، جارىققا شىعاتىن بۇل جۋرنال- رەسپۋبليكامىزدىڭ ءار وڭىرىنە جازىلىم بويىنشا تاراتىلادى. 1959 جىلدان باستاپ تاراتىلاتىن جۋرنالدىڭ بۇگىنگى تاڭداعى تارالىمى- 26 277 دانا.
"بالدىرعان" بالالار جۋرنالىنىڭ ءاربىر سانى بالاقايلاردىڭ جان-جاقتى دامۋىنا زور ۇلەس قوسادى. جۋرنالداعى ءاربىر ايدار كرەتيۆكە تولى. ماسەلەن، تالىم-تاربيە بەرەتىن ەرتەگىلەر مەن اڭگىمەلەر، لوگيكانى دامىتۋعا ارنالعان ويىندار، بالانىڭ سان قىرىن اشۋ ماقساتىنداعى ارنايى بەتشەلەرگە دەيىن قاراستىرىلعان. سونىمەن قاتار، قازاق حالقىنىڭ سالت-داستۇرىندە كوزدەن تاسا قالدىرماعان. ءتىلى جەڭىل بۇل باسىلىم كىشكەنتاي بالالار ءۇشىن پايدالى دەسەم ارتىق بولمايدى. سۇرانىسقا يە جۋرنالدىڭ تاعى ءبىر تارتىمدىلىعى ونىڭ سۋرەتتەرى. بالالار قىزىقسا - قىزىعاتىنداي. ءتىپتى، وزىمدە سۋرەتتەرىنە قاراي بەرگى كەلەدى. ءتۇرلى-تۇستى بوياۋلاردا ادام پسيحولوگياسىنا اسەر ەتەتىندەي بولىپ تاڭدالعان. كوڭىل-كۇيدى بۇزاتىن قارا،قوڭىر تۇستەر جۋرنالدا قويىلماعان. "جارايسىڭ" دەگەن اتاۋمەن بەرىلەتىن كەزەكتى ايداردان بالاقايلاردىڭ جەتكەن جەتىستىكتەرىن كورۋگە بولادى. بۇل دا موتيۆاسيانىڭ ءبىر ءتۇرى بولسا كەرەك. وسى ايداردا ءار بالا ءوزىن كورگىسى كەلىپ، سۋرەت سالىپ، اڭگىمە جازىپ رەداكسياعا جىبەرۋگە ۇمتىلادى. جۋرنالدى وقىپ قانا قويماي، كەرىبايلانىس جاساۋ مۇمكىندىگىن تۋعىزعان رەداكسياعا ءوز العىسىمدى بىلدىرەمىن! بالا-بولاشاقتىڭ باستاۋى! بالالارعا ارنالعان ساپالى جۋرنالدار سانى كوبەيە بەرسىن.
جانەركە حاليۋللينا
You Might Also Like
-
قازاق حالقىنىڭ بالا دۇنيەگە كەلگەننەن كەيىنگى اتقاراتىن ءجون-جورالعىسىنىڭ بارلىعى — جەكە ادامنىڭ باسىنا تيەسىلى نارسە ەمەس، بۇل ۇلتتىڭ كەلەشەگىنە بايلانىستى ونەگە. بۇعان نەمقۇرايدى قاراۋعا بول...
