بولاشاقتا سۇرانىسقا يە بولاتىن 10 ماماندىق
بۇگىنگى وقۋشىلار مەن اتا-انالاردىڭ نازارىنا – بولاشاقتا سۇرانىسقا يە بولاتىن 10 ماماندىق.
1. جەكە باس مالىمەتتەردى قورعاۋشى
ءسىزدىڭ الەۋمەتتىك جەلىدەگى اككاۋنتتارىڭىزداعى، ەلەكتروندى پوشتاڭىزداعى، مەنەدجەرلەرىڭىزدەگى جانە ت.ب. جەكە مالىمەتتەردىڭ قاۋىپسىزدىگى مەن ساقتالۋىن قامتاماسىز ەتەتىن مامان.
2. قالا باقىلاۋشىسى
مەگاپوليستەگى جاس كوشەتتەر ساراپشىسى. وسى سالاداعى مامان ءۇي شاتىرىندا جانە كوپ قاباتتى ۇيلەردىڭ ۇستىندە وسىمدىك وسىرۋگە كومەكتەسەتىن بولادى.
3. تابيعي ينتەرفەيستەر ديزاينەرى
جاڭا بۋىن گادجەتتەرىن قاتارداعى قولدانۋشىلاردى باسقارۋعا بەيىمدەيتىن پروگرامميست. ونىڭ مىندەتى قاراپايىم قولدانۋشىلاردىڭ ىم-يشاراسى مەن دىبىس كوماندالارىن قۇرىلعىلارعا انىقتاپ تانۋىن باعدارلاما ارقىلى ۇيرەتۋ.
4. كراۋدفاندينگ مامانى
ستارتاپتارعا ارنالعان قۇرالداردى kickstarter-گە ۇقساس سەرۆيستەرىنىڭ كومەگىمەن جيناقتاۋشى مامان. بۇل اۆتورلارعا قۇرىلعىلارىن جاساپ شىعارۋ ءۇشىن قانشا قاراجات قاجەت ەكەنىن جانە انىقتاماسىن جازۋعا بولاتىن سايت.
5. قوسىمشا شىنايىلىقتى جاساۋشى
گادجەتتەرگە ارنالعان Google Glass-كە ۇقساس باعدارلامالاردى جاسايتىن مامان. مىسالى، دارىگەر پاسيەنتكە ەرەكشە كوزىلدىرىك ارقىلى قاراپ، رەنتگەن ءتۇسىرىلىمىن جانە اناليزدەر ناتيجەسىن پروەكسيالاي الاتىن بولادى.
6. قالدىقتاردى قايتا وڭدەۋ ساراپشىسى
بۇل سالانىڭ ماماندارى قالدىقتاردى قايتا وڭدەۋ مۇمكىندىكتەرىن سارالاپ، قۋات كوزى رەتىندە پايدالانۋعا بولاتىن-بولمايتىنىن انىقتايدى.
7. گما ينجەنەرى
گما قولدانباي الەمنىڭ تەز ءوسىپ كەلە جاتقان جۇرتى ءوز-وزىن قۇنارلاندىرا المايدى. گما ينجەنەرلەرى اگروونەركاسىپ كەشەنىندە سۇرانىسقا يە بىردەن-بىر مامان يەلەرى بولادى.
8. بىلمەككە قۇمارلىقتى تاربيەلەۋشى
ادامنىڭ قورشاعان ورتانى بىلۋگە قۇمارلىعىن ارتتىرۋ ءۇشىن جالداناتىن جەكە كەڭەسشى. ءبىلىمى بويىنشا پسيحولوگ بولا الاتىنى ءسوزسىز.
9. نانوتەحنولوگ
مەديسينا، ەلەكترونيكا، IT-يندۋستريادا نانوتەحنولوگيا پايدالانۋ ارقىلى نىساندار جاسايتىن ينجەنەر. نانوروبوتتار جاساۋ ەڭ تانىمال باعىت بولادى.
10. يمپلانتانتتار ديزاينەرى
مەديسينا مەن ديزايننىڭ دامۋىنان تۋىنداعان ماماندىق. بۇلىنگەن نەمەسە اۋرۋ مۇشەلەر مەن اياق-قولداردى «اقىلدى» يمپلانتاتتارمەن الماستىراتىن ماماندار.
You Might Also Like
