InfoHub Logo

ەسەنعالييەۆا گۇلميرا ەدىگە قىزى،

اتىراۋ وبلىسى، اتىراۋ قالاسى،

ا.س.پۋشكين اتىنداعى №20 مەكتەپ-ليسەيىنىڭ

باستاۋىش سىنىپ ءمۇعالىمى

بۇگىنگى جاستار – «ماڭگىلىك ەلدىڭ» بولاشاعى. قازاقستان رەسپۋبليكاسىنىڭ پرەزيدەنتى ن.ءا.نازاربايەۆ قازاقستان حالقىنا جولداعان جولداۋىندا باستى ماقساتىمىز – قازاقستاننىڭ ەڭ دامىعان 30 مەملەكەتتىڭ قاتارىنا قوسىلۋى، ول – «ماڭگىلىك قازاقستان» جوباسى، ەل تاريحىنداعى ءبىز اياق باساتىن جاڭا ءداۋىردىڭ كەمەل كەلبەتى دەگەن. ءبىز ۇلگىلى دامۋدىڭ وزىندىك مودەلىن قالىپتاستىردىق. وسى جولداۋدا «ماڭگىلىك قازاقستان» جوباسىندا قازاقستان رەسپۋبليكاسىنىڭ الەم ەلدەرىمەن تەرەزەسى تەڭ قاتىناس قۇرىپ، الەم كارتاسىنان ويىپ تۇرىپ ورىن الاتىن سالاسىنىڭ ءبىرى-عىلىم مەن بىلىمگە وتە ۇلكەن ءمان بەرگەن. ال ونى جۇزەگە اسىراتىن – ۇستانىمى بەرىك، ءبىلىمدى، جاڭا فورماتتاعى ءمۇعالىم.

جاڭا فورماتتاعى ءمۇعالىم كىم؟ مەنىڭ ويىمشا، قازىرگى كەزدە بارشا ۇستاز قاۋىمى جاڭا فورماتتا بولۋى مىندەتتى. سەبەبى مىنا جىلدام دامىپ كەلە جاتقان زاماندا ءبىلىم الىپ جاتقان ۇرپاققا ساپالى دا سانالى، جاڭا فورماتتا ءبىلىم بەرۋ ءۇشىن ءوزىمىز دە زامان تالابىنا ساي بارلىق جاڭا تەحنولوگيالارمەن قارۋلانعان بولۋىمىز كەرەك. ءمۇعالىم ماماندىعىن تاڭداپ، ەڭبەك ەتكەنىمە 9 جىل ءوتىپتى. وسى جىل ارالىعىندا وقۋشىلارمەن جۇمىس جاساي وتىرىپ، ءوزىم دە ىزدەنىپ، ءبىلىمىمدى شىڭداپ كەلەمىن. ءمۇعالىمنىڭ جۇمىسى كۇردەلى ەكەندىگى بارشاعا ايان. بۇگىنگى ساباقتى وتكىزگەن سوڭ، ەرتەڭگى ساباققا تىڭ وي، جاڭا يدەيا، وزگەشە ادىس-تاسىلمەن كەلۋ كەرەك. قازىرگى تاڭداعى ۇستازعا دەگەن تالاپ جان-جاقتىلىقتى قاجەت ەتەدى. ال وسى تالاپقا ساي بولىپ، ءبىلىمدى دە بىلىكتى، جاڭا فورماتتاعى ۇستاز اتانۋ ءۇشىن مۇعالىمدەر دامىلسىز ءبىلىمىن شىڭداپ وتىرۋى قاجەت دەپ بىلەمىن. قازىرگى كەزدەگى دامىعان ەلدىڭ قاتارىنا قوسىلۋ ءۇشىن مۇعالىمدەردىڭ كەمبريدج ءتاسىلى بويىنشا دەڭگەيلىك كۋرستان ءوتۋى باستى نازارعا الىنىپ وتىر. ەلباسىمىزدىڭ ساياساتىنىڭ ارقاسىندا قانشاما ءمۇعالىم اتالمىش كۋرستان ءوتىپ، جاڭا فورماتتاعى ءمۇعالىم اتانىپ جۇرگەن جايى بار. ارينە ول ۇستازداردىڭ قاتارىندا مەن دە ءجۇرمىن. مەنىڭ وقۋدى اياقتاعانىما ءبىرشاما ۋاقىت وتپەسە دە، ءداستۇرلى ءبىلىم بەرۋدى دارىپتەي الماس ەدىم. سەبەبى ءداستۇرلى ءبىلىم بەرۋ كەزىندە مۇعالىمدەر قاۋىمى وقۋلىق تا، ءمۇعالىم دە، وقۋشى دا بولاتىن ەدى. ال ەندى سىندارلى وقىتۋدا ءمۇعالىم تەك باقىلاۋشى، باعىتتاۋشى عانا بولۋى كەرەك. ارينە العاشقىدا قورقىنىش بولدى. سەبەبى مەن تومەن سىنىپتارعا ياعني باستاۋىش سىنىپ وقۋشىلارىنا ساباق بەرەمىن. تىلدەرى بالا تىلىمەن سويلەيتىن بولعاندىقتان، وزدەرى ءبىلىم الۋدا، وزدەرىن باعالاۋدا، ءبىر – ءبىرىن وقىتۋدا، توپپەن جۇمىس جاساتۋدا كۇتىلەتىن ناتيجەگە قول جەتكىزە المايمىن دەپ ويلاعان ەدىم. ءبىراق ءبىزدىڭ دامىپ جاتقان زاماندا ءوسىپ كەلە جاتقان ۇرپاعىمىزدىڭ وي – ساناسى تۋرالى پىكىرىمىز دۇرىس ەمەس ەكەن. وقۋشىلاردىڭ سىني تۇرعىدان ويلاۋىنىڭ دامىعانى سونشالىقتى، ءوزىمىز ويلاماعان نارسەلەردى ايتىپ، كۇتىلگەن ناتيجەدەن دە جوعارى ناتيجەگە قول جەتكىزىپ ءجۇردىم. قازىرگى كەزدە سىندارلى وقىتۋ بويىنشا وقۋشىلارعا ءبىلىم بەرىپ كەلەمىن. سىندارلى وقىتۋدىڭ وقۋشى مەن مۇعالىمگە بەرەرى مول. وقۋشى ءوز ويىن ەركىن جەتكىزىپ، سۇراق قۇرىپ، سويلەۋ ءتىلى دامىپ، دوستارى اراسىنداعى ىنتىماقتاستىعى ارتسا، ال ءمۇعالىم وقۋشىلارعا كوپىرشە بولۋ ارقىلى تەك باعىت – باعدار بەرە الادى. بۇگىنگى ساباعىنا كەرى بايلانىس الىپ، ەرتەڭگى ساباقتى دۇرىس، وقۋشىعا قىزىقتى ەتىپ جوسپارلاۋعا مۇمكىندىك جاسالعان. سىندارلى وقىتۋدىڭ ەڭ باستى تالابى: جوسپاردى دۇرىس قۇرۋ، ساباقتىڭ ماقساتى مەن كۇتىلەتىن ناتيجەسىن دۇرىس جوسپارلاۋ. جوسپار قۇرۋدا SMART جۇيەسىنە سۇيەنە قۇرۋعا نازار اۋدارىلادى. «جاڭا فورماتتاعى ءمۇعالىم» ناقتى نارسەگە قول جەتكىزۋ قاجەت، ماقساتقا جەتتىك دەپ ايتا الاتىنداي بولۋ كەرەك، قولجەتىمدى، ياعني ىس-ارەكەتكە نەگىزدەلگەن، سەبەبى ناقتىلى قانداي ءىس – ارەكەت وزىمىزگە قاجەت بەرەتىنىن ءتۇسىنۋىمىز قاجەت. سونىمەن قاتار شىندىققا نەگىزدەلگەن، ياعني قويىلعان ماقساتقا جەتە الاتىنداي، ناقتىلى مەرزىمى جانە ماقساتتى جۇزەگە اسىراتىن ورىندى قۇرالدارى بولۋ كەرەك. قۇرىلعان جوسپار ناقتىلى، قولجەتىمدى، شىندىققا نەگىزدەلگەن بولسا، ساباعىمىز دا وسى سارىندا وتپەك. ال ساباقتىڭ جەمىستى ءوتۋى – ءاربىر ءمۇعالىم ءۇشىن ۇلكەن جەڭىس دەپ بىلەمىن.

«ماڭگىلىك ەلدىڭ» بولاشاق جاستارىن تاربيەلەۋدە جاڭا سارىندا ءبىلىم بەرۋ ءاربىر ۇستازدىڭ بورىشى دەپ بىلەمىن. وقۋشىلارعا ساپالى دا سانالى ءبىلىم بەرۋدە الدىمىزعا جان سالماي ەڭبەك ەتەيىك، قۇرمەتتى ۇستازدار قاۋىمى! سەبەبى ەلىمىزدىڭ بولاشاعى وسى جاستاردىڭ قولىندا.

 

---