بولتىرىك شەشەننىڭ باتىر اتانۋى
بولتىرىك وتە شەشەن، تاپقىر كىسى بولعان. ءبىراق مىقتى باتىر كىسى بولماسا كەرەك. ونىڭ بولتىرىك باتىر اتانۋىنىڭ سەبەبى مىنادان ەكەن. قىرعىز، قازاق باس قوسقان ءبىر ۇلكەن اس بولادى. وسى استا قىرعىزدىڭ قوسشى دەگەن شاعىنداۋ ءبىر اتاسىنىڭ ۇلىنان شىققان مامەن دەگەن باتىر جىگىتى نايزا الىپ سايىسقا شىعادى. مامەننىڭ بۇرىننان سىرىن بىلەتىن قازاقتار وعان سايىسقا شىعا قويمادى. ەل بوگەلىپ قالعاسىن، بولتىرىك: «اتىمدى اكەل، مەن شىعامىن»، — دەيدى. ەل اڭ-تاڭ، بولتىرىك ات تا تاڭداپ مىنبەي، ءوزىنىڭ جاي ءمىنىپ بارعان اتىمەن قولىنا نايزا دا ۇستاماي شىققان سوڭ، مامەن ءىلىپ تاستارمىن دەپ تۋرا سايىسۋعا دايىندالدى. بولتىرىك ىڭعايلانعان مامەنگە تايانىپ كەلىپ: «قىرعىزدىڭ جۋان ماناپتارى سەنى قوسشىسىنىپ، قازاقتىڭ جۋاندارى مەنى ىستىسىنىپ، ولسە، وسى ەكەۋى ءولسىن. بايگەنى ءبىز الامىز دەپ شىعارىپ وتىرعانىن كوردىڭ بە؟ تاستا نايزاڭدى، بايگە سەنىكى بولسىن. مەن باتامدى بەرەيىن»، — دەپتى دە، ءوزى قولىنداعى نايزانى جەرگە تاستايدى. مامەن دە نايزاسىن تاستاپ بەرەدى دەپ قولىن جايعاندا، بولتىرىك جۇگىرتىپ كەلىپ مامەندى تالماۋ وكپەدەن ءبىر قويىپ اتتان ءتۇسىرىپتى دە، بايگەنى قازاق اكەتىپتى. مىنە، بولتىرىك وسىدان بارىپ باتىر اتانعان.
وقۋعا كەڭەس بەرەمىز:
ناۋرىزبايدىڭ جولبارىستى ءولتىرۋى
قۇرمانقۇلدىڭ ناۋرىزبايدىڭ ەرلىگىنە ريزا بولۋى
You Might Also Like
-
ىرعىز اۋدانىنىڭ سولتۇستىك باتىسىنا تامان ەكى ءجۇز كيلومەتردەي جەردە «جانتاي، تولىباي» دەگەن وزەندەر بار. وسى جانتاي وزەنىنەن شىعاتىن ءبىر سالا اڭعاردى «قويلىباي قىرعىنى» دەپ ا...
-
اعىباي اۋىرىپ شۇناق دەگەن جەردە كىشى بايبىشەسى شۇكىجاننىڭ قولىندا بولادى. بالاسى ءسۇبى ەلگە حابار قىلعىزىپ: «باتىر اۋرۋ، كەيىن ايتىسام» دەيدى دەپ ەل جينالىپ وتىرعاندا، شۇبىرتپالى كەنەسار...
