بوزىنگەن (ءى نۇسقا)
كوكتەمنىڭ شۋاعىن كورىپ، قويى تولدەپ، قارا شاڭىراقتى سالار جالعىز ىنگەندەرى بوتالاپ قارىق بولىپ وتىرعان ۇيگە تۇنەرگەن ءجاي بۇلتىنداي جاۋىز شاپقىنشىلار لاپ قويادى.
شاپقىنشىلار ءۇيدى ويرانداپ، ورىستەگى مالعا تاپ بەرەدى. وسى قۋعىن ىشىندە قىر اسىپ قانا جايىلىپ تۇرعان بوزىنگەن دە كەتەدى.
بوزىنگەن باسى-كوزگە سابالانىپ، زورلىقپەن جەتەكتە بارا جاتىپ، ءوزىنىڭ ارتتا قالعان اق بوتاسىن قيماي زار يلەپ بوزداپ، توستاعانداي جانارىنان جاس سورعالايدى.
وسىلايشا زار يلەپ بارا جاتقان بوزىنگەن ءبىر قولدان بوساي قالعان ورايدا سىتىلىپ كەيىنىنە قاشادى. قۋعىنشىلار قانشا قۋعانىمەن جەتە الماي، اقىرى كۇدەر ۇزەدى.
نەشە كۇندىك جولدى زار ەڭىرەپ بوتاسىنا جەتكەن ىنگەننىڭ سۇلدەرى قالعان ەكەن. سوندا بوزداپ تۇرعان بوتا دا ىنگەننىڭ الدىنان جۇگىرىپ تابىسادى.
You Might Also Like
-
التاي بەتىندە بۇرىن وتكەن ءبىر جىلقىلى باي بولعان ەكەن. ونىڭ ءبىر تۇندە ەكى بيەسى قۇلىنداپ، ءبىرىنىڭ ەنەسىن قاسقىر جەپ، قۇلىنى قاراعاننىڭ تۇبىنە كىرىپ امان قالىپتى. ەندى بىرەۋى قۇلىنىن ەمىزىپ تۇرادى. ...
-
ەرتە ۋاقىتتا ءبىر ۇلكەن جۇت بولادى. ەلدە ءجوندى مال قالمايدى. بۇكىل اۋىلدى جۇتتان قالعان جالعىز ءبىر بوزىنگەن اسىرايدى. كوپشىلىكتىڭ كۇن كورىپ وتىرعان بوزىنگەنى ءبىر كۇنى يىمەي قالادى، جان ساقتاپ وتىرعا...
