بوزىنگەن كۇيى (ءىىى نۇسقا)
ەرتە ۋاقىتتا ءبىر ۇلكەن جۇت بولادى. ەلدە ءجوندى مال قالمايدى. بۇكىل اۋىلدى جۇتتان قالعان جالعىز ءبىر بوزىنگەن اسىرايدى. كوپشىلىكتىڭ كۇن كورىپ وتىرعان بوزىنگەنى ءبىر كۇنى يىمەي قالادى، جان ساقتاپ وتىرعان حالىق قاتتى ساسادى. سودان سوڭ، پالەن جەردە ءبىر اسقان كۇيشى بار ەكەنىن ەستىپ، كىسى جىبەرىپ، سونى الدىرادى. ەگەر كۇيشى بوزىنگەندى ءيدىرىپ بەرسە، سول اۋىلدا ءبىر سۇلۋ قىز بار ەكەن، سونى بەرمەك بولادى. كۇيشى دومبىراسىن كۇيلەپ، اعىزىپ تارتا جونەلەدى. كۇيگە قۇلاق سالعان بوزىنگەن ءيىپ قويا بەرەدى. بەرمەك بولعان قىز تۇيەنىڭ ءسۇت اعا باستاعان ەمشەگىن ۇستاي الادى. سول ارادا كۇيشى جاپ-جاس قىزدى كورىپ قالادى. ءبىراق ول جۇرتتىڭ ۇيعارىندىسىنا راحمەت ايتىپ، رۇقسات ەتەدى.
You Might Also Like
-
كوكتەمنىڭ شۋاعىن كورىپ، قويى تولدەپ، قارا شاڭىراقتى سالار جالعىز ىنگەندەرى بوتالاپ قارىق بولىپ وتىرعان ۇيگە تۇنەرگەن ءجاي بۇلتىنداي جاۋىز شاپقىنشىلار لاپ قويادى.
-
ءزاۋلىم قۇز جارتاسقا ۇيا سالعان قىران وزىنەن ۇرپاق كورمەي شەرلى وتەدى. جىلداعى تاپقان جالعىز جۇمىرتقاسىن وردالى جىلان جىلدا جارىپ تۇقىمىن قۇرتىپ كەتەدى.
