بريتاندىق مەكتەپ وقۋشىسى ءوز سايتىن 6 ملن دوللارعا ساتپاي قويدى
16 جاستاعى مۇحاممەد ءاليدىڭ ايتۋىنشا، بولاشاقتا ونىڭ جوباسىنىڭ قۇنى قىمباتتاي تۇسەدى.
يوركشير گرافتىعىنىڭ تۇرعىنى ءالي ۇيدە وتىرىپ نارىقتاعى ۇسىنىستاردى سالىستىرىپ، ءتيىمدى باعا بويىنشا تاۋار تابۋعا مۇمكىندىك بەرەتىن سايت جاسادى. جوبانى ازىرلەۋدە وعان 60 جاستاعى بيزنەس-سەرىكتەسى كريس تورپ كومەكتەسكەن، دەپ حابارلايدى tjournal.ru.
وقۋشىنىڭ ايتۋىنشا، ول ازىرگە ءوز باستاماسىن ەگجەي-تەگجەيلى ايتۋدى قالامايدى، ءبىراق بۇل جوبانىڭ الەمدە بالاماسى جوق ەكەنىنە سەنىمدى.
«لوندوندىق ينۆەستورلار مەنىمەن 2016 جىلى جەلتوقسان ايىندا كەزدەستى. ولار دەرەكتەردى باسقارۋمەن اينالىسادى، سوندىقتان سايتتى ءوزىم قۇرعانىما سەنبەدى»، - دەدى weneed1 جوباسىنىڭ اۆتورى مۇحاممەد ءالي.
ءالي ولاردىڭ ۇسىنىسىنان باس تارتقان. ول ءقازىر 5 ميلليون فۋنتقا (شامامەن 6 ميلليون دوللار) باعالانعان جوباسىنىڭ بولاشاقتا ودان دا قىمبات بولارىنا سەنىمدى.
دەرەككوز: قازاقپارات
You Might Also Like
-
الماتى وبلىسى، ۇيعىر اۋدانى №4 شونجى ورتا مەكتەبى 4"ءا" سىنىپ وقۋشىسى ساۋتقازى مەرەي ...
-
شىمكەنت اگرارلىق كوللەدجىنىڭ ە-161 توبىنىڭ وقۋشىسى: نارتان داۋلەتقالي جەتەكشى: ايتمىرزايەۆ توعىسباي
