بۇگىنگى بالا ءتىلى
بۇگىنگى بالا ءتىلى قازىرگى قوعامدا كوپتەگەن كىشكەنتاي بالالاردىڭ ءتىلى كەش شىعىپ، باياۋ دامىپ جاتىر. بۇل ءبىزدىڭ قوعام ءۇشىن ۇلكەن ماسەلە. بالانىڭ ەندى عانا ءتىلى شىعىپ، ءارتۇرلى سوزدەردى ايتىپ باستاۋى ەڭ كەرەمەت كەزدەردىڭ ءبىرى. ءبىراقتا بالانىڭ ءتىلى ءوز جاسىنا ساي ەمەس، كەش شىعۋى الاڭداتارلىق جاعداي. بۇل جاعدايدىڭ تۋىنداۋىنا كوپتەگەن سەبەپتەر بار. بالا قۇرساقتا جاتقاندا انانىڭ كوپ اۋرۋى نەمەسە ءجيى اشۋعا بوي الدىرۋى، اتا-انانىڭ بالا تىلىنە دۇرىس كوڭىل بولمەۋى جانە ت. ب. سەبەپشى بولادى.
كوپتەگەن اتا-انالار بالاسى تىنىش وتىرۋى ءۇشىن تەلەفون، گادجەتتەردى بەرىپ، ينتەرنەتتەن مۋلتفيلم، ءتۇرلى ۆيدەولاردى ۇزاق كورسەتىپ قويادى. بالامەن سويلەسۋگە ۋاقىت بولمەي، ءوز ىستەرىمەن اينالىسادى. بۇل بالانىڭ وزىمەن-وزى بولىپ، ءوز الەمىنە كىرىپ كەتۋىنە سەبەپشى بولادى. بالاعا اتا-انا، باۋىرلارى تۇسىنبەسە دە سويلەپ، قۇلاعىنا قازاقشا سوزدەردى سىڭىرە بەرۋى كەرەك. اسىرەسە بالا اينالاسىنداعى الەمىن تاني باستاپ، ءبىر جاستارىندا كورگەنىن قايتالاي باستاعاندا سويلەسۋ، وعان قاراپ اڭگىمە ايتىپ، ويناتۋ وتە ماڭىزدى. بالاعا ۇنەمى تەليەۆيزور قاراتىپ قويماي قۇراستىراتىن ويىنشىقتار بەرىپ، جان-جانۋارلار، ءتۇرلى-تۇستى ويىنشىقتار، ءارتۇرلى فورمالارعا سالۋ سەكىلدى ويىنشىقتار بەرگەن پايدالى.
اتا-اناعا بالامەن بىرگە ويناۋعا ۋاقىت ءبولىپ ۇيرەنۋ كەرەك. ءۇش جاستا سويلەمەي جۇرگەن بالانى ەرتەرەك دارىگەرگە اپارىپ تىركەتىپ، لوگوپەد پەن پسيحولوگ، دەفەكتولوگتارعا اپارىپ، ەم قابىلداۋ كەرەك. ەرتەرەك الدىن الماسا بالانىڭ ءتىلىن شىعارىپ سويلەتۋ قيىنداپ كەتەدى. ماماندارعا اپارىپ، ارقاسى مەن ەكى قولىنا، تىلىنە، بەتىنە ماسساج جاساتۋى قاجەت. اتا-انا ۇيدەن دە بالامەن جۇمىس جاساۋى وتە ماڭىزدى. بالانىڭ ۋاقىتىندا سويلەمەۋى قازىرگى ۇرپاقتىڭ قاسىرەتى بولىپ تۇر.
قازاق حالقى نانىم-سەنىمدەر مەن ىرىم-تىيىمدارعا باي حالىق. بالا ءتىلىنىڭ كەش شىعۋىنا بايلانىستى ءتۇرلى ىرىمداردا بار. سونىڭ ءبىرى — وڭەشپەن قىلعىندىرۋ. بۇل ىرىمدى ناعاشى جۇرتى ىستەيدى. قويدىڭ وڭەشىن الىپ، بالانىڭ موينىنا وراپ قىلعىندىرۋ ارقىلى جاسالىنادى. بالا قورقىپ شىڭعىرىپ جىبەرۋ، سويلەۋ جولدارىن اشادى دەپ پايىمداعان. ال قازىرگى زاماندا لوگوپەدتىڭ كەڭەستەرى بويىنشا بالالارعا قۇرت نەمەسە سۇيەكتى تىستەۋدى ادەتكە اينالدىرۋ قاجەت. بۇل بۇلشىقەتتىڭ جاقسى جەتىلۋىنە اسەر ەتەدى.
تەلەديدار مەن ينتەرنەت الەمىنەن بالانى الىس ۇستاۋ كەرەك. ويتكەنى، بالا تەلەديداردا بولىپ جاتقان نارسەگە ۇنسىزدىكپەن قىزىعىپ قاراي كەتەدى. بولاشاقتا سويلەۋ تىلىنە كەرى اسەرىن بەرەدى. ەڭ باستى شارت اتا-انانىڭ ءوز بالاسىنا كوڭىل ءبولۋى. قورىتىندىلاي كەلە، اتا-انانىڭ بالاسىنا كوڭىل ءبولۋى ەڭ باستى قاعيدالاردىڭ ءبىرى دەسەمدە بولادى. بالاعا كىشكەنتاي كەزىنەن باستاپ، دەنساۋلىعىنا ءجايباراقات قاراماۋ ماڭىزدى. سەبەبى بالا ءبىزدىڭ بولاشاعىمىز. ۋاقىتىلى جاسالعان شارالار بالانىڭ بولاشاعىنا وڭ اسەرىن تيگىزىپ، بولاشاقتا جاقسى سويلەۋىنە كومەكتەسەدى. بالانىڭ ءتاتتى ءتىلى، ۇرپاقتىڭ ساۋلىعى — ۇلت بولاشاعى.
ماعپاروۆا اقبوتا بيسەنباي قىزى
You Might Also Like
-
وتىز جىل بويى ورازا ۇستاعان ءبىر ادام قۇدىق باسىنا كەلiپ، سۋ الۋ ءۇشiن كەزەككە تۇرادى. ول كىسى كەزەك قانشا ۇلكەن بولسا دا، تالاسىپ-تارماسپاي سابىر ساقتاپ تۇرعاندا، كەزەكتiڭ سوڭعى جاعىنان بiرەۋ ايقايع...
-
مەن 10-سىنىپتىڭ ەكىنشى جارتىجىلدىعىندا وقىپ جۇرگەنىمدە، مەن بولاشاق ماماندىعىمدى اقپاراتتىق قاۋىپسىزدىك سالاسىمەن بايلانىستىرعىم كەلەتىنىن انىق ءبىلدىم. ول كەزدە بۇل ەندى عانا دامىپ كەلە جاتقان سالا...
