InfoHub Logo

ساباقتىڭ تاقىرىبى: بۋىن تۇرلەرى، اشىق بۋىن
ساباقتىڭ ماقساتى:
بىلىمدىلىگى: داۋىستى، داۋىسسىز دىبىستار تۋرالى بىلىمدەرىن پىسىقتاي وتىرىپ، بۋىن تۋرالى تۇسىنىك بەرۋ. اشىق بۋىن تۋرالى مالىمەت بەرىپ، سوزدەردى بۋىنعا دۇرىس ءبولۋ جولدارىن پراكتيكالىق جولمەن مەڭگەرتۋ؛ تاربيەلىلىگى: تۋعان ءتىل ءاربىر ەلدىڭ ماقتانىشى ەكەنىن ۇعىندىرىپ، كەلتىرىلگەن مىسالدار ارقىلى ەلىن، جەرىن، تۋعان ءتىلىن سۇيە بىلۋگە تاربيەلەۋ؛ دامىتۋشىلىعى: ويلاۋ، پايىمداۋ قابىلەتتەرىن دامىتۋ، سويلەۋ شەبەرلىگىنە، وي ۇشقىرلىعىنا باۋلۋ، اۋىزشا، جازباشا ساتىلاي تالداۋ داعدىلارىن جەتىلدىرۋ؛
ساباقتىڭ ءتۇرى: جاڭا ماتەريالدى مەڭگەرتۋ ساباعى.
ساباقتىڭ ءادىسى: بايانداۋ، سۇراق - جاۋاپ، ىزدەنۋشىلىك، تىلدىك تالداۋ.
ساباقتىڭ كورنەكىلىگى: مازمۇندى سۋرەتتەر، تىرەك سىزبا، ۇلەستىرمەلى قاعازدار، تەست سۇراقتارى.
ءپانارالىق بايلانىس: ادەبيەت، بەينەلەۋ ونەرى.

ساباق بارىسى:
ءى ۇيىمداستىرۋ كەزەڭى: وقۋشىلارمەن امانداسۋ، زەيىندەرىن ساباققا اۋدارۋ، ساباققا دايارلىقتارىن تەكسەرۋ.

ءىى ءۇي تاپسىرماسىن تەكسەرۋ: 1. شولۋ سۇراقتارى.
2. تەست ارقىلى تەكسەرۋ.
3. تىلدىك تالداۋ (اۋىزشا ساتىلاي كەشەندى تالداۋ جاساتۋ)
ۇستاز، مەكتەپ، ءمۇعالىم
1) قازاق تىلىندە اشىق داۋىستى دىبىستار نەشەۋ؟
ا) 5 ءا) 7 ب) 6 ۆ) 8
2) قازاق الىپبيىندە قانشا داۋىستى دىبىس بار؟
ا) 15 ءا) 9 ب) 12 ۆ) 11
3) ءتىل دىبىستارىن زەرتتەيتىن سالا.
ا) مورفولوگيا ءا) فونەتيكا ب) لەكسيكا ۆ) سينتاكسيس
4) قازاق تىلىندە قانشا دىبىس بار؟
ا) 36 ءا) 42 ب) 40 ۆ) 37
5) ەرىندىك داۋىستى دىبىستار قاتارىن كورسەت.
ا) ا، و، ءو، ە ءا) ۇ، ءۇ، و، ءو ب) ق، ۇ، ي، ءا ۆ) ى، ءى، ءا، ءو
6) «ءا» قانداي دىبىس؟
ا) اشىق، ەرىندىك ءا) جۋان، ەزۋلىك
ب) جىڭىشكە، اشىق، ەزۋلىك ۆ) قىساڭ، ەزۋلىك
7) قازاق ءتىلى قاي تىلدەر توبىنا جاتادى؟
ا) سلاۆيان ءا) جاپون ب) تۇركى ۆ) جۇڭگو
8) داۋىستى دىبىستى كورسەت.
ا) ى، ي، ا ءا) ءا، ۆ، گ ب) ق، ي، ە ۆ) گ، ع، ي
9) قاتاڭ داۋىسسىزدار قاتارىن كورسەت.
ا) ل، م، ن، ڭ ءا) ب، ۆ، گ، پ ب) پ، ك، ق، ت ۆ) ف، ح، ھ، م
10) ۇياڭ داۋىسسىز دىبىستان باستالعان بەس ارىستىڭ ءبىرىن تاپ.
ا) ساكەن ءا) شاكارىم ب) جۇسىپبەك ۆ) ماعجان

ءىىى جاڭا ساباق:
1. تاقىرىپتى حابارلاۋ، ماقسات قويۋ.
2. بۇرىننان بىلەتىن بىلىمدەرىمەن بايلانىستىرۋ.
سوزدەردى ەستىلۋىنە قاراي بىرنەشە فونەتيكالىق بولىكتەرگە بولۋگە بولادى. ءسوزدى بولىككە بەلگىلى ءبىر تارتىپپەن عانا بولە الامىز. ءار بولىك ءبىر - ءبىر بۋىننان تۇرادى.
بۋىن - ءسوز قۇرامىنداعى ءبىر نەمەسە بىرنەشە دىبىستاردىڭ توبى. مىسالى: قا - لا - لار، ءبى - لە - ءتىن - دە - ءرى - ءمىز - ءدىڭ، ور - مان.
بۋىننىڭ نەگىزگى بەلگىلەرىن، تۇرلەرىن، اشىق بۋىندى تىرەك سىزبا ارقىلى ءتۇسىندىرۋ، وقۋشىلارعا مىسالدار كەلتىرتۋ.
قوسىمشا مالىمەت: سوزدەردى بۋىنعا ءبولۋ جونىندە عالىم، پروفەسسور ق. جۇبانوۆ: «داۋىستى دىبىستان سوڭ كەلگەن داۋىسسىزداردى ەلەمەي وتە شىعىپ، ءاربىر داۋىستىنىڭ الدىڭعى جاعىنا ءبىر داۋىسسىز تاستاپ، بولە بەرەمىز» دەيدى.

ءىۇ وقۋلىقپەن جۇمىس: 297 - جاتتىعۋ
*ماتىندەگى سوزدەردى بۋىنعا ءبولىپ جاز.
*اشىق بۋىندى سوزدەردى تاپ.
*قۇس سوزىندەگى دىبىستارعا ماتەماتيكالىق تاسىلمەن مىنەزدەمە بەر.
298 - جاتتىعۋ
*ءماتىندى وقىپ شىعىپ، ىلگەرىندى ىقپال بايقالاتىن سوزدەردى تابۋ.
*اشىق بۋىندى سوزدەردى تابۋ.

ءۇ بەكىتۋ: 1. «جالعاسىن تاپ» ويىنى
299 - جاتتىعۋ بويىنشا تاقتاعا قىسقى كورىنىس بەينەلەنگەن سۋرەت ىلىنەدى. الدىڭعى وقۋشى ءماتىندى قۇراپ باستايدى، كەلەسى وقۋشى ول سويلەمدى كورمەي ءوز ويىن جالعاستىرادى، سوڭعى وقۋشى ءماتىندى تۇگەل وقيدى. قاي قاتاردىڭ ءماتىنى تولىق، ادەمى قۇراستىرىلسا، سول قاتار جەڭەدى.
2.«عاجايىپ الاڭ ويىنى» ادەبيەت پانىنەن سۇراقتار بەرىلىپ، جاۋابى بۋىنعا ءبولىنىپ، دىبىستىق تالداۋ جاسالىنادى.
*ۇلى اباي اتامىز وسيەت ەتكەن بەس اسىل ءىستىڭ ءبىرى؟ ەڭبەك
*ءا. تاجىبايەۆتىڭ ادەبي ەرتەگىسى قالاي اتالادى؟ تولاعاي
3. «كىم تەز؟» ويىنى. ءار قاتارعا بۋىندار بەرىلەدى، سول بۋىندارمەن سوزدەر قۇراستىرۋى كەرەك.

ءۇى ۇيگە تاپسىرما:
ءى دەڭگەي 300 - جاتتىعۋ.( ەكىنشى ابزاستاعى سوزدەردى بۋىنعا بولە وتىرىپ، كوشىرىپ جازۋ)
ءىى دەڭگەي 301 - جاتتىعۋ.(ماتىننەن ەكى بۋىننان تۇراتىن سوزدەردى كوشىرىپ جازۋ)
ءىىى دەڭگەي (ازامات ءسوزىنىن سوڭعى بۋىنىنان باستالاتىن سوزدەر ويلاپ جازۋ)

ءۇىى باعالاۋ: ساباققا قاتىسى بويىنشا باعالاۋ.
ءۇىىى قورىتىندى:
- نەنى بىلدىك؟
- نەگە ۇيرەندىك؟