InfoHub Logo

تۇراقتى كارتوتەكالىق ساباق جوسپارى.
قازاق ءتىلى 5 سىنىپ
ساباق تاقىرىبى: بۋىن ۇندەستىگى
ساباقتىڭ ماقساتى: 1. بىلىمدىلىك: وقۋشىلارعا بۋىن ۇندەستىگى تۋرالى تۇسىنىك بەرۋ، جاتتىعۋ جۇمىستارى مەن قوسىمشا تاپسىرمالار ارقىلى بەكىتۋ.
2. تاربيەلىك: وقۋشىلاردى ادامگەرشىلىككە ەڭبەكتى دارىپتەۋگە انا ءتىلدى قۇرمەتتەۋگە تاربيەلەۋ.
3. دامىتۋشىلىق: وقۋشىلاردىڭ فونەتيكا جايىنداعى، ءتىل دىبىستارى جانە ولاردىڭ تۇرلەرى تۋرالى جانە بۋىن ۇندەستىگى تۋرالى ۇعىمدارىن كەڭەيتۋ، ويلاۋ قابىلەتتەرىن دامىتۋ، تالداۋ داعدىلارىن ارتتىرۋ.
ساباقتىڭ ءتۇرى، قولدانىلاتىن ءادىس: ءداستۇرلى، ءتۇسىندىرۋ، سۇراق - جاۋاپ، جاتتىعۋ.
ساباقتىڭ كورنەكىلىگى، قاجەتتى قۇرالدار مەن ادەبيەتتەر: تاقىرىپقا بايلانىستى ۇلەستىرمەلەر، قازاق ادەبيەتى.

ساباقتىڭ بارىسى: ءى. ۇيىمداستىرۋ كەزەڭى:
1. وقۋشىلارمەن سالەمدەسۋ.
2. وقۋشىلاردىڭ ساباققا قاتىسىن تەكسەرۋ.
3. وقۋشىلاردىڭ زەيىندەرىن ساباققا اۋدارۋ.

II. ءۇي تاپسىرماسىن تەكسەرۋ:
1 ۇندەستىك زاڭى تۋرالى تۇسىنىك.
2. - جاتتىعۋ

ءىىى. ءبىلىم تەكسەرۋ
تەرمە ديكتانت جازۋ.
- ھە - ە ەي!..- دەگەن داۋىسقا قىسىلعان بوتاگوز جالت قاراسا، جۇگىرىپ كەلە جاتقان كەنجەتاي ەكەن. قاز ودان قايمىققانداي قاناتىن جيناپ، مامىرلاپ كەيىن جونەلدى.
- قالاي، بالا، قورىقتىڭ با؟! – دەدى كەنجەتاي قالجىڭداپ.
بوتاگوز ۇيالعانداي تۇنجىراپ، تومەن قارادى.
- ءاي، بالاقاي قازدان قورىققان!..
بوتاگوزدىڭ قالجىڭعا ازىق بولعىسى كەلمەي:
- قورىقپاعاندا... تىستەپ السا...- دەدى باسىن كوتەرىپ

IV. جاڭا تاقىرىپتى تۇسىندىرۋگە دايىندىق
4. وقۋشىلارعا ساباقتىڭ تاقىرىبى مەن ماقساتى تۋرالى حابارلاۋ

V. جاڭا ساباق
بۋىن ۇندەستىگى بويىنشا قوسىمشا ءسوزدىڭ سوڭعى بۋىنىنىڭ جۋان – جىڭىشكەلىگىنە قاراي ۇندەسىپ جالعاسادى: سوڭعى بۋىن جۋان بولسا – جۋان قوسىمشا، جىڭىشكە بولسا، جىڭىشكە قوسىمشا جالعانادى. مىسالى: ونەر - ءلى، جەت - ەر، باقىت - تى، ءقازىر - گى، كىتاپ - تى، ماتەماتيكا - دان، ت. ب.
بۋىن ۇندەستىگىنە باعىنبايتىن قوسىمشالار
قازاق تىلىندەگى قوسىمشالار نەگىزىنەن بۋىن ۇندەستىگىنە باعىنىپ جالعانعانىمەن، ءبىراز قوسىمشالار بۇل زاڭدىلىققا باعىنبايدى.
بۋىن ۇندەستىگىنە باعىنبايتىن قوسىمشالار مىنالار:
1) كومەكتەس سەپتىك جالعاۋى. مىسالى: بالامەن، قوناقپەن، كۇرەكپەن، سانىمەن، ت. ب.
2)- نىكى، (- دىكى،- تىكى)، - تاي، - تال، - دار، - ەكە، - تار. مىسالى: دالانىكى، اكەتاي، دىندەر، اعاەكە، ءوسىمتال؛
3)- بەي، - بي، - كەر، - گەر، - قور، - پاز، - قوي، - كەش، - حانا، - كەس. مىسالى: بەيشارا، بالگەر، جەمقور، اسەمپاز، ءسانقوي، ەمحانا، جۇمىسكەر زيانكەس؛
4)- وۆ، - وۆا، - ەۆ، - ەۆا، - ين، - ينا. مىسالى: اۋەزوۆ، جۇمابايەۆ، سەيفۋللين، جۇماعازينا، ت. ب.

Vءى. جاڭا ساباق بويىنشا تۇسىنىك تەكسەرۋ.
316 – جاتتىعۋ
• ماتىندەگى كوپ نۇكتەنىڭ ورنىنا ءتيىستى دىبىستاردى قويىپ، كوشىرىپ جازىڭدار.
• 321 - جاتتىعۋ

قورىتىندىلاۋ:
ۇيگە تاپسىرما(جەكەلەپ، توپتاپ) وقۋلىق: قازاق ءتىلى بەت، 138 جاتتىعۋ
ەرەجە جاتتاۋ، 317، 318 - جاتتىعۋ
ديد. ادەبيەتى: بەت جاتتىعۋ
ساباقتان تىس، قوسىمشا وقۋ

ءمۇعالىم: يحسانوۆ ايبەك سەرعازى ۇلى
بۋىن ۇندەستىگى. جۇكتەۋ