بيەلەر قىسىر قالماي ما!..
باياعىدا ءبىر جالقاۋ بولىپتى. وندا ماڭىراعان مال دەگەن بولماپتى. ءبىر كۇنى جاپىرايعان الاسا كۇركەسىنىڭ ىشىندە ايەلى ەكەۋى ءبىر ۋىس قۋىرعان بيدايمەن شاي ءىشىپ وتىرىپتى. تەرىسى كەڭىپ، كوڭىلى جادىراعان جالقاۋ جۇبايىنا بىلاي دەپتى:
— قاتىن، ءبىز وسى الدىمىزداعى كوكتەمدە قاۋىن-قاربىز ەكسەك. ول ءبىزدىڭ ىرىسىمىزعا جاقسى بوپ بىتسە، مول ءونىم بەرسە. سول قاۋىننىڭ ءبىر توعىزىن جۇماش بايعا تارتساق، ءوزى كوڭىلشەكتەۋ نەمە ەدى، جىلقىسى كوپ قوي، ءبىر بيە بەرىپ قالۋى مۇمكىن. ەندى ءبىر توعىزىن جاماعايىن عوي، وگىزبايعا تارتسام، ول ءساتىن سالىپ ءبىر بايتال بەرسە...
— قوشقاربايدىڭ اكەسى-اۋ، بۇل نيەتىڭ دۇرىس قوي، ءبىراق ءبارى بيە بولىپ كەتتى عوي، ايعىرسىز بيەلەر قىسىر قالماي ما؟
— ءبالى، ول ەستەن شىعىپ كەتىپتى عوي، دۇرىس ايتاسىڭ. قاۋىن-قاربىزدىڭ قالعان-قۇتقانىن جيناپ الىپ باتەسپايعا اپارىپ، قۇناننان دونەن شىعار ايعىر السام...
— قوشقاربايدىڭ اكەسى-اۋ، سەن ءمىنىپ بارساڭ، بيەلەر قىسىر قالماي ما؟ — دەپ ىزاعا بۋلىققان جالقاۋ شاي-پايىمەن كەسە- ءسىن لاقتىرىپ جىبەرىپتى. ءسويتىپ، كوڭىلدىڭ جۇيرىك قيالىنا ىلەسكەن جالقاۋ جالعىز كەسەسىنەن ايرىلىپتى.
You Might Also Like
-
قازىرگىدەي ءبىلىمنىڭ ءقادىرى بارىنشا ارتقان، اقپاراتتى تەحنولوگيالار زامانىندا ەلىمىزدە جوعارى ءبىلىم بەرۋمەن اينالىساتىن مەكەمەلەر از ەمەس – بۇل، ارينە زاڭدى قۇبىلىس. الايدا سول تولىپ جاتقان وق...
-
جاسىمدا اكەم مولداعا وقۋعا بەردى. مولدا بادىراق كوز، ەكى قۇلاعى قالقيعان، شوقشا ساقالدى، ءتۇسى سۋىق، قارا قايراقتاي كىسى ەدى. وسىنداي ءزارلى تۇسىنە مىنەزى ساي تىم قاتال ادام بولاتىن. بالالار قىبىر ەت...
