بيىل 1-4 سىنىپتاعى بارلىق وقۋشىعا تەگىن ىستىق تاماق بەرىلەدى
بيىلعى وقۋ جىلىندا ەل بويىنشا 1-4 سىنىپ وقۋشىلارى تەگىن تاماقپەن قامتىلادى.
«مەملەكەت باسشىسىنىڭ تاپسىرماسى بويىنشا بيىل 1 قىركۇيەكتەن باستاپ از قامتىلعان وتباسىلاردان شىققان 1،5 ميلليوننان استام وقۋشىنى، سونداي-اق الەۋمەتتىك مارتەبەسىنە قاراماستان باستاۋىش سىنىپ وقۋشىلارىن تەگىن تاماقتاندىرۋمەن قامتۋ جوسپارلانعان»، - دەلىنگەن وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىن مالىمەتىندە.
رەسپۋبليكا بويىنشا تەگىن تاماقتانۋ قۇنى ورتا ەسەپپەن 577 تەڭگەنى قۇرايدى، ەڭ جوعارى باعا الماتى قالاسىندا – 800 تەڭگە.
«الدىڭعى جىلدارى 1-4 سىنىپ وقۋشىلارىن تەگىن تاماقپەن قامتۋ 56،6% قۇرادى. بۇل استانا، الماتى جانە شىمكەنت قالالارىنىڭ، پاۆلودار، باتىس قازاقستان، قاراعاندى، ۇلىتاۋ، قىزىلوردا جانە اتىراۋ وبلىستارىنىڭ وقۋشىلارى بولدى.
مەملەكەت باسشىسىنىڭ تاپسىرماسىن ورىنداۋ ماقساتىندا قالعان وڭىرلەردىڭ وقۋشىلارىن تەگىن تاماقپەن قامتاماسىز ەتۋ بويىنشا جۇمىستار جۇرگىزىلدى. وسىلايشا جاڭا وقۋ جىلىنان باستاپ 100% كورسەتكىشكە قول جەتكىزىلەتىن بولادى»، - دەدى بالالاردىڭ قۇقىقتارىن قورعاۋ كوميتەتى باسقارماسىنىڭ باسشىسى دانا ماقتايەۆا.
ايتىلىپ وتكەندەي، بۇگىندە مينيسترلىك مەكتەپتەگى تاماقتانۋ ساپاسىن ارتتىرۋ ماسەلەسىن پىسىقتاپ جاتىر.
You Might Also Like
-
جوعارى وقۋ ورىندارىنىڭ ۇلتتىق رەيتينگى ەنگىزىلەدى. بۇل تۋرالى ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ايتتى.
-
ىنتىماقتاستىق پەن بىرلىگى جاراسقان ەلدەر قازىرگى ۋاقىتتا ازدىڭ ازى. كوپ ۇلتتى ىنتىماعى جاراسقان ەل قانداي؟ بۇل سۇراقتىڭ جاۋابى بارشامىزدى ويلاندىرىپ قويارى انىق. ءبىر شاڭىراق استىندا، تاتۋلىقتىڭ جەبە...
