بيىلدان باستاپ پەداگوگ ماماندىعىن تاڭداعان تالاپكەرلەر قوسىمشا ەمتيحان تاپسىرادى
ق ر بعم جوو جانە جوو-دان كەيىنگى ءبىلىم بەرۋ دەپارتامەنتىنىڭ ديرەكتورى سەرىك ومىربايەۆ پەداگوگيكالىق ماماندىق تاڭداعان ابيتۋريەنت ارنايى ەمتيحان تاپسىراتىنىن مالىمدەدى، دەپ حابارلايدى BNews.kz ءتىلشىسى.
بيىلدان باستاپ پەداگوگ ماماندىعىن تاڭداعان تالاپكەرگە قويىلاتىن تالاپ تا كۇشەيدى. ولار جوو ءتۇسۋدى انىقتايتىن ۇبت بولەك، تاعى ەكى ەمتيحان تاپسىرادى. ماقسات - جوو تاپسىراتىن جاستاردىڭ پەداگوگيكالىق قىزمەتكە بەيىمدىلىگى قانشالىقتى دەڭگەيدە ەكەنىن انىقتاۋ.
«تالاپكەردىڭ بىلىكىلىگىن جوعارعى وقۋ ورىندارىندا وتكىزىلەتىن ارنايى ەمتيحاندار ارقىلى بەلگىلەيمىز. بولاشاق ستۋدەنتتىڭ پەداگوگيكالىق كاسىپ تاڭداۋعا لايىقتى ما، جوق پا ونى ارنايى تاپسىرىلاتىن توسىن جاعدايدان شىعۋ جولى مەن پسيحولوگيالىق تەست ارقىلى انىقتايمىز»، - دەدى س. ومىربايەۆ.
2016 جىلدان باستاپ ق ر «ءبىلىم تۋرالى» زاڭىنىڭ 9-باپ 26-تارماعىنا سايكەس پەداگوگيكالىق جانە وزگە دە ارنايى نەمەسە شىعارماشىلىق دايىندىقتى تالاپ ەتەتىن ماماندىقتار ارنايى ەمتيحان تاپسىرۋعا مىندەتتى دەگەن وزگەرىس ەنگىزىلدى.
ەمتيحان جوو بازاسىنان بەكىتىلگەن 22 ۋنيۆەرسيتەتتە وتكىزىلمەك. ولار 14 وبلىس ورتالىقتارى جانە استانا، الماتى، ارقالىق، جەزقازعان، تۇركىستان، سەمەي قالالارى. ارنايى ەمتيحان شىلدەنىڭ 2-14 ارالىعىندا جۇرگىزىلەدى. ال قۇجات قابىلداۋ ءراسىمى 20 ماۋسىم – 9 شىلدە اراسىندا.
You Might Also Like
-
NASA اگەنتتىگى ادامداردىڭ جابىق جەردە ۇزاق ساپارعا اتتانۋ دايىندىقتارىن تەكسەرىپ كورمەكشى. بۇل تۋرالى Science Alert جازادى.
