ءدامدى مانتىلار
اپەندى بازاردا دۇكەن اشىپ، مانتى ساتادى. ءىسى وڭعا باسپاي، پايدا دا تۇسپەيدى. ءتىپتى اپەندى سالىقتى دا ۋاقتىلى تولەي الماي، اكىمدەر كەلىپ، ءاي-شاي جوق دۇكەندى جاۋىپ تاستاپتى. ايىپتى تولەپ بىتكەنشە، جارتى جىل وتەدى.
— بۇگىننەن باستاپ ساۋدا جاساۋعا رۇقسات ەتەمىز. سونىڭ قۇرمەتىنە بىزگە جاقسىلاپ مانتى جاساپ بەر! — دەيدى اكىمدەر كەلىپ.
دۇكەندى اشىپ، ىشكە كىرگەن اپەندى التى اي بۇرىن دايىندالعان مانتىسى بار قازاننىڭ استىنا وت جاعادى. مانتىنى توسىپ اكىمدەر وتىر. قازانداعى سۋ قايناي سالىسىمەن اپەندى مانتىنى شاقىرىلماعان قوناقتارعا بەرەدى. ارى-بەرى شايناپ بەت-اۋزىن تىرجىڭداتقان ولار:
— ەي، قىمباتتىم، مانتىڭ پىسپەگەن بە، نەمەنە؟ — دەيدى.
— عافۋ ەتىڭىز، — دەپتى سوندا اپەندى. — وشاقتىڭ ۇستىندە جارتى جىل بويى تۇرعان مانتىنىڭ پىسپەۋى مۇمكىن ەمەس.
You Might Also Like
-
بىردە قوجانىڭ قالتاسىندا نان الۋعا اقشاسى قالماپتى. ايەلى ەڭ سوڭعى يىرىلگەن ءجىبىن ساتىپ، نان الۋعا قوجاعا بەرەدى. قوجا ءجىپتى بازارعا الىپ كەلىپ، ارى-بەرى ءجۇرىپ، ەشبىر الۋشىنى كەزدەستىرە المايدى. نا...
