InfoHub Logo

بىردە قوجانىڭ قالتاسىندا نان الۋعا اقشاسى قالماپتى. ايەلى ەڭ سوڭعى يىرىلگەن ءجىبىن ساتىپ، نان الۋعا قوجاعا بەرەدى. قوجا ءجىپتى بازارعا الىپ كەلىپ، ارى-بەرى ءجۇرىپ، ەشبىر الۋشىنى كەزدەستىرە المايدى. نان الۋعا جەتەتىن اقشاعا دا وتپەپتى. قوجا اشۋلانىپ: «بۇل ساۋداگەرلەرمەن ساۋداگەرشە سويلەسپەسە بولماس» — دەيدى. ول تۇيەنىڭ قۋ باسىن تاۋىپ الادى دا، ونى جىپپەن وراپ، سوسىن بازاردى ارالاي باستايدى. ساتۋشىلاردىڭ ءبىرى قوجانىڭ ۇلكەن وراما ءجىپتى ساتقالى جۇرگەنىن كورىپ، وزىنە شاقىرىپ الادى. ساتۋشى مىناداي ۇلكەن وراما جىپكە از اقشا بەرسە دە، قوجا ساۋدالاسىپ جاتپايدى.

دۇكەنشى كۇدىكتەنىپ:

— قوجا، مىنا ورامالدا جىپتەن باسقا ەشتەڭە جوق پا؟ — دەيدى.

— بار، — دەيدى قوجا، — ونىڭ ىشىندە تۇيەنىڭ باسى بار.

دۇكەنشى قوجا قالجىڭداپ تۇر ەكەن دەپ ويلايدى، ال قوجا بولسا، اقشانى الىپ جونىنە كەتەدى. دۇكەنشى سالدەن كەيىن ءجىپتى تارقاتىپ كورسە، ىشىندە شىنىندا دا تۇيەنىڭ قۋ باسى ءجۇر. كەلەسى كۇنى ول قوجانى شاقىرىپ الىپ، كىنالاي باستايدى.

— قوجا، مۇنىڭ ۇيات ەمەس پە؟ — دەيدى.

— بىرىنشىدەن، مەن ساعان بۇل ءجىپتى ايتقان كەزدە ىشىندە تۇيەنىڭ قۋ باسى بار دەدىم عوي. ساتىپ الماۋىڭا بولار ەدى عوي! ەكىنشىدەن، سەن وتە ارزانعا ساتىپ الدىڭ، ال ءجىپتىڭ ىشىندە تۇيەنىڭ باس سۇيەگى ەمەس، سول تۇيەنىڭ ءوزى بولسا دا، ەش زيان شەكپەس ەدىڭ، — دەپتى قوجا.

---