InfoHub Logo

اشىق ءىس - ارەكەت
(دامىتۋشى ويىن - جاتتىعۋلار)

ماقساتى: كورۋ ارقىلى قابىلداۋدى دامىتۋ (ءپىشىن، كولەم). ساناۋ داعدىلارىن جەتىلدىرۋ. جادىندا ساقتاۋدى جانە ويلاۋدى دامىتۋ. كورىپ ەستە ساقتاۋدى دامىتۋ، سويلەۋىن دامىتۋ. ۇساق موتوريكانى دامىتۋ. قارىم - قاتىناس داعدىلارىن جەتىلدىرۋ.
ءادىس - ءتاسىلى:- پسيحوجاتتىعۋ
- سيۋجەتتى - ءرولدى جانە باسقا دا ويىندار
- توپتىق جۇمىس
كەرەكتى قۇرالدار: سارى ءتۇستى قارىنداشتار، سۋرەتتەر، تاقتا، پىشىندەر، ەرتەگى كەيىپكەرلەرىنىڭ سۋرەتتەرى، قوراپ، كىرپى، شەلەكتەر.

بارىسى: امانداسۋ ورتاق شەڭبەر
جۇرگىزۋشى: ءبارىمىز ءبىر - ءبىرىمىزدى كورىپ وتىراتىنداي، دوڭگەلەنە وتىرايىق. ەندى ءبىر - ءبىرىمىزدىڭ كوزىمىزگە قاراپ، ءبارىمىز امانداسايىق. جۇرگىزۋشى كوزىمەن بارىنە قاراپ، باسىن يزەپ، قولىن كورشىسىنىڭ يىعىنا تيگىزەدى.
جۇرگىزۋشى: بالالار، بۇگىن بىزگە ەرتەگى كەيىپكەرلەرى قوناققا كەلىپتى. ول قانداي ەرتەگى ەكەنىن بىلەسىڭدەر مە؟
بالالار: جوق
جۇرگىزۋشى: ەرتەگىنىڭ كەيىپكەرلەرى مىنا تەرەزەلەردىڭ ىشىنە جاسىرىنىپ قالىپتى. پلاكات گەومەتريالىق پىشىندەردىڭ سۋرەتتەرى سالىنعان تەرەزە سياقتى اشىلادى.
جۇرگىزۋشى: كىمدەر تىعىلدى ەكەن؟ ءتورتبۇرىشتى كورسەتىپ. مىناۋ قانداي ءپىشىن؟
- ءتورتبۇرىش
جۇرگىزۋشى: نەشە ءتورتبۇرىش؟
- ەكەۋ
جۇرگىزۋشى: ولشەمدەرى بىردەي مە؟
- بىرەۋى ۇلكەن، ال ەكىنشىسى كىشكەنتاي
جۇرگىزۋشى: ۇلكەن ءتورتبۇرىشتى اشىپ. مىناۋ كىم؟
- اتا
جۇرگىزۋشى: كىشكەنتاي ءتورتبۇرىشتى اشىپ. مىناۋ كىم؟
- اجە
جۇرگىزۋشى: اتا مەن اجە تۋرالى جاقسى سوزدەر ايتىڭدارشى.
بالالاردىڭ جاقسى جىلى - جىلى سوزدەرى.
جۇرگىزۋشى: مىناۋ قانداي ءپىشىن؟
- دوڭگەلەك
جۇرگىزۋشى: نەشە دوڭگەلەك؟
- ەكەۋ. بىرەۋى ۇلكەن، ال ەكىنشىسى كىشكەنتاي.
جۇرگىزۋشى: ۇلكەن دوڭگەلەكتى اشىپ. مىناۋ نە؟
- تەرەزە
جۇرگىزۋشى: كىشكەنتاي دوڭگەلەكتى اشىپ. مىناۋ نە؟
- باۋىرساق
جۇرگىزۋشى: بۇل قانداي ەرتەگى ەكەن؟
- باۋىرساق
جاتتىعۋ: ۇلكەن - كىشكەنتاي
باۋىرساقتىڭ دومالاپ كەلە جاتقاندا جولىندا كەزدەسكەن اڭداردى سۇراپ، ولاردىڭ قيمىل - قوزعالىستارىن جاساۋ.
بالالار، باۋىرساقتى تۇلكى دە جەي المادى، سەبەبى باۋىرساق دومالاپ قاشىپ كەتتى. ءبارىمىز باۋىرساقتى تابايىقشى.
جاتتىعۋ: كوزگە ارنالعان.
جوعارى - تومەن،
وڭ - سول.
كوبەلەكتىڭ ارتىنان،
اينالا قارايىق.
جۇرگىزۋشى: شارشادىڭدار ما، بالالار؟ وتىرىپ دەم الايىق.
جاتتىعۋ: "قۋىرشاق"
دەمالىپ بولساق، باۋىرساقتى ىزدەستىرۋدى جالعاستىرايىق. جولدا كىرپىنى كەزدەستىرۋ. كىرپى بىزبەن ويىن ويناعىسى كەلىپ تۇر.
ويىن: "كىرپىنى تاپ"
ماقساتى: قابىلداۋدى دامىتۋ.
كىرپىنىڭ جاسىرىنعان جەرىندە ويىن - تاپسىرمالار بار ەكەن. سولاردى ورىندايىق.
ويىن: جۇبىن تاپ
ماقساتى: ويلاۋ قابىلەتتەرىن دامىتۋ.
ويىن: ءوز ورنىنا قوي
ماقساتى: زەيىندى دامىتۋ. بالالارعا باۋىرساقتىڭ سۋرەتىن بوياتۋ. بالالار، كىرپى بىزگە باۋىرساقتى تابۋعا كومەكتەستى. كىرپىگە راحمەت ايتايىق. ەندى كىرپىمەن ەرتەڭ وينايمىز.
ساۋ بولىڭدار!