داۋرەن ابايەۆ دارىندى وقۋشىلاردى اتادى
قىزىلوردالىق 12-سىنىپ وقۋشىسى ءاليحان شاكىمان جەل گەنەراتورىنىڭ 3D-ۇلگىسىن ويلاپ تاپقان. بۇل تۋرالى بۇگىن ماجىلىستەگى ۇكىمەت ساعاتىندا ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى.
«10-سىنىپ وقۋشىسى ءاليحان راحمەتوۆ كوزى كورمەيتىن جانە ناشار كورەتىن ادامدارعا ارنالعان «اقىلدى» تاياق ويلاپ تاپتى. تاياقتاعى ارنايى سەنسورلار كەدەرگىلەردى قاشىقتىقتان انىقتاپ، سيگنالدى ديناميككە جىبەرەدى. ول ءوز كەزەگىندە 4 مىڭ گەرس جيىلىگىمەن دىبىس شىعارادى. ءتىپتى قالاداعى شۋ اراسىندا دا انىق ەستىلەدى»، - دەدى مينيستر.
ال، قىزىلوردالىق 12-سىنىپ وقۋشىسى ءاليحان شاكىمان جەل گەنەراتورىنىڭ 3D-ۇلگىسىن ويلاپ تاپقان. ونىڭ قۇرىلىسى بالامالى ەنەرگيانى ءتيىمدى پايدالانۋعا مۇمكىندىك بەرەدى. وندىرىلگەن ەلەكتر قۋاتى تۇتاس شاعىن اۋداندى قامتاماسىز ەتۋگە جەتكىلىكتى.
«اقتوبەلىك وقۋشى نۇرداۋلەت تاۋمەرگەنوۆ مىلقاۋ كىسىلەرگە ارنالعان قولعاپ ويلاپ تاپتى. ول تەلەفونداعى ارنايى باعدارلاما ارقىلى يشاراتتى اۋىزشا سويلەۋ تىلىنە اۋدارادى. ەگەر ەكى قولعاپتى قولدانساڭىز، 1 024 ءسوزدى سينتەزدەۋگە بولادى. مۇنداي بالالار كوپ. ولاردى تاربيەلەگەن ءوز ەلىمىزدىڭ ازاماتتارى، ولار – مەملەكەتتىك ساياساتتىڭ، ەلباسى ساياساتىنىڭ، پرەزيدەنت ساياساتىنىڭ ناتيجەسى جانە ولار ءوز ەلىن سۇيەدى. سوندىقتان ءبىزدىڭ جوبالارىمىز جۇمىس ىستەپ، ناتيجەلەرىن بەرۋدە. جاستار جىلى – بۇل مەملەكەتتىڭ ءوز بولاشاعىنا قوسقان ۇلەسى جانە ءبىزدىڭ بالالارىمىز، جاسوسپىرىمدەرىمىز وسى جولداعى بارلىق شىعىنداردى ەسەلەپ قايتاراتىنىنا، ءۇمىتىمىزدى اقتارىنا سەنىمدىمىن»، - دەدى داۋرەن ابايەۆ.
You Might Also Like
-
قازاق ادەبيەتىندەگى شوقتىعى بيىك اقىنداردىڭ ءبىرى دە بىرەگەيى ءىلياس جانسۇگىروۆ. ءىلياس جانسۇگىروۆ – اقىن، دراماشى، پروزاشى، ونىڭ پوەزياسى ۇلتتىق ادەبيەتتىڭ كلاسسيكالىق بايلىعىنىڭ قاتارىنا جاتاد...
