دەيل كارنەگيدەن ءساتتى بولۋ ءۇشىن 10 كەڭەس
دەيل كارنەگي - امەريكالىق پەداگوگ، پسيحولوگ، جازۋشى. وزدىگىنەن جەتىلۋ تۋرالى كوپتەگەن پسيحولوگيالىق كۋرستارى بار. ونىڭ كىتاپتارى قازىرگى كەزدە دە تانىمال.
اينالاڭىزعا ءبىر ساتكە قاراپ، ساتتىلىككە قول جەتكىزگەن ادامدارعا زەر سالىپ كورىڭىزشى. ولاردىڭ ءبارى باسقالارعا ۇقسامايتىن، باسقالاردان ءبولىپ تۇراتىن ەرەكشە مىنەز-قۇلىققا يە بولۋى ابدەن ىقتيمال.
ءبىز سىزگە دەيل كارنەگيدىڭ باسقالاردى باسىپ وزاتىن جانە وزىڭىزدەگى اشىلا الماي جۇرگەن كەيبىر قاسيەتتەردى بايانداپ بەرۋگە تىرىسامىز.
كوش باسىنداعى ادام - نەگىزىندە، كەز-كەلگەن ءىستى ىستەۋگە دايىن تۇراتىن جانە قيىندىقتاردان قورىقپايتىن ادام.
دەيل كارنەگي
ادامنىڭ مۇمكىندىكتەرى شەكسىز. ءبىزدىڭ ميىمىز كومپيۋتەر نەمەسە قاتتى ديسك سياقتى تولىپ قالمايدى، ويلاۋ قابىلەتىمىز وراسان. ءسىز جاڭا ماقساتتار مەن ارماندارعا قول جەتكىزۋ ءۇشىن، ءوزىڭىزدىڭ مۇمكىندىكتەرىڭىز بەن قابىلەتتەرىڭىزدى ۇنەمى كەڭەيتىپ وتىرۋعا ءتيىسسىز. بۇل ءۇشىن:
قازىرگى ساتپەن ءومىر ءسۇرىڭىز
كوپتەگەن ادامدار وتكەن ومىرلەرىن ءجيى ەسكە تۇسىرەدى. ولار كۇنى بويىنا بۇرىنعى ىستەگەن ىستەرىمەن ماقتانۋعا دايىن. ءبىراق مويىنداۋ كەرەك وتكەن ءومىر ءوتتى كەتتى، ونى قايتارىپ الا المايسىز. سوندىقتان، وتكەنمەن ءومىر ءسۇرۋ سىزگە تەك زيانىن تيگىزەدى جانە قابىلەتىڭىزدىڭ باسەڭدەۋىنە اكەپ سوعادى.
بۇل ماسەلەمەن جولىققاندا "قالاي بۇلاي بولدى؟"-سىندى سۇراقتارمەن ءوزىڭىزدى قيناۋىڭىز مۇمكىن. ءبىراق بۇل سىزگە كومەكتەسپەيدى، قايتا "مەن مۇنى قالاي تۇزەيمىن؟" - دەگەن سۇراققا جاۋاپ ىزدەڭىز. ەگەر قۇندى ۋاقىتتارىڭىزدى جوعالتقىڭىز كەلمەسە وتكەندى سارالاڭىز، وسى شاقتا ءومىر ءسۇرىڭىز، بولاشاق جايلى دا ۇمىتپاڭىز.
بولماشى نارسەگە ءمان بەرمەڭىز
كەي كەزدەرى كوشەدە تانىمايتىن ادامنان ەستىگەن دورەكى سوزدەر، كۇنى بويى كوڭىل-كۇيىڭىزدىڭ ءتۇسىپ جۇرۋىنە سەبەپ بولۋى مۇمكىن. ەگەر دە ءسىز وزىڭىزگە سەنىمدى بولساڭىز، مۇنداي مايدا نارسەلەرگە كوڭىل اۋدارماڭىز. ول ءۇشىن وزىڭىزدەن سۇراڭىز: "بۇل جاعداي 1 جىلدان سوڭ ماعان اسەر ەتە ما؟"-دەپ. ەگەر جوق بولسا، بۇل بولماشى جايت كۇش-قۋاتىڭىزدى كەتىرىپ، كوڭىلىڭىزدى تۇسىرۋگە تۇرارلىق پا؟ ەڭ دۇرىسى، بولاشاعىڭىزعا تىكەلەي اسەرى بار نارسەلەرمەن شۇعىلدانىڭىز.
بارلىعىنا باسقالاردى كىنالاماڭىز
ءوز بويىنداعى كەمشىلىكتى جاسىرۋدىڭ ەڭ وڭاي جولى - باسقالارعا كىنارات ارتۋ. ۇكىمەتتى نەمەسە باستىعىڭدى از ايلىق ءۇشىن، بولماسا بۇكىل الەمدى ورىندالماي قالعان ارماندارىڭ ءۇشىن كىنالاۋ وپ-وڭاي. دەگەنمەن، ەسىڭىزدە ساقتاڭىز، العا قويعان ماقساتتارىڭىزعا جەتۋ ءۇشىن، جاۋاپكەرشىلىڭىزدى سەزىنۋىڭىز وتە ماڭىزدى.
ءسىز باسقالاردى كىنالاي وتىرىپ جاۋاپكەرشىلىكتەن قۇتىلۋىڭىز مۇمكىن، ءبىراق وزگەلەرگە ءوزىڭىزدى باسقارۋ مۇمكىندىگىن بەرىپ قوياسىز. ەگەر ءسىز 100% ءوز ءومىرىڭىزدىڭ قوجايىنى بولساڭىز ماقساتىڭىزعا تەز جەتەسىز.
شاعىمدانا بەرمەڭىز
ءارقايسىمىز ومىردە ءبىر رەت بولسىن شاعىمدانعانىمىز راس، سەبەبى بۇل بارلىق ادامعا ءتان نارسە. ادام ۇنەمى شاعىمداناتىن بولسا، نەگاتيۆ ورتالىعىنا اينالادى. ەگەر ءسىز ءوز تاعدىرىڭىزعا ريزا بولماساڭىز، باسقالارعا شاعىمدانۋدىڭ ورنىنا ونى وزگەرتۋگە تىرىسىڭىز.
ۇلكەن ماقساتتاردان قورىقپاڭىز
كوپتەگەن ادامدار سەنىمسىزدىكتەن وزدەرىنە وڭاي ماقساتتاردى تاڭدايدى. ساتسىزدىككە ۇشىراۋدان قورىقپاۋ كەرەك. ۇمىتپاڭىز، تاۋەكەل ءتۇبى - جەل قايىق. ءسىزدىڭ مۇمكىندىكتەرىڭىز اسا زور، ازىنا كەلىسپەڭىز. ادام تەك ءوز مۇمكىندىگىن سەزىنگەندە عانا ءىرى ماقساتقا ۇمتىلادى.
پروبلەمالاردان قاشپاڭىز
ءبىزدىڭ نەگاتيۆتى كوڭىل-كۇيىمىز جاي جارىلاتىن بومبا سەكىلدى، كەز-كەلگەن ساتتە جارىلۋى مۇمكىن. سوندىقتان ءسىزدى ءبىر نارسە مازالاپ جۇرسە ونى تاپ ءقازىر شەشىڭىز. پروبلەمالاردان قاشپاڭىز، ولاردى شەشىڭىز.
ءوز كۇشىڭىزگە سەنىڭىز
ءسىز بىردەڭەنى ىسكە اسىرا الاسىز با الدە ىسكە اسىرا المايتىنىڭىزعا سەنىمدىسىز بە، - ەكى جاعدايدا دا سىزدىكى دۇرىس.
گەنري فورد
ءبىر نارسەگە ءوزىڭىزدى سەندىرۋ ءسوزسىز ءسىز ءۇشىن وتە ماڭىزدى. ەگەر ءسىز ءبىر ماسەلەنى شەشۋگە سەنبەي تۇرساڭىز، اقىلىڭىز دا بۇعان دالەل تابادى. ەگەر دە ءسىز ءوز كۇشىڭىزگە سەنسەڭىز، كۇشىڭىز ءسىزدى ءار ۋاقىتتا تىعىرىقتان الىپ شىعادى. ءوزىڭىزدى زەرتتەۋ بارىسىندا وزىڭىزگە دەگەن سەنىمدىلىگىڭىز ودان سايىن ارتا تۇسەدى.
باسقالاردىڭ كومەگىن قابىلداڭىز
كەي ادامدار كومەككە مۇقتاج بولا تۇرا ودان باس تارتادى. بۇل - بارىپ تۇرعان اقىماقتىق. كومەك سۇراۋدان ەشقاشان ۇيالماۋ كەرەك. كەي كەزدەرى ءبىر ماسەلەنى شەشۋگە كەتكەن بىرنەشە ساعات، بىرەۋدىڭ كومەگى ارقىلى بىرنەشە سەكۋندتە شەشىلۋى مۇمكىن.
ماسەلەنى كەيىنگە قالدىرماڭىز
جۇمىستاردى ءدال ءقازىر ورىنداۋ مۇمكىن بولعان جاعدايدا ولاردى كەيىنگە قالدىرۋ ءسىزدىڭ مۇمكىندىكتەرىڭىزدى ءولتىرۋدىڭ بىردەن-بىر دۇرىس جولى. ەگەر ءسىز العا قويعان ماقساتتارىڭىزدىڭ بىردە-بىرىنە جەتكىڭىز كەلمەسە، ولاردى ۇنەمى كەيىنگە قالدىرىپ وتىرىڭىز. ەگەر جوسپارلاعان ماقساتىڭىزعا جەتكىڭىز كەلسە، جۇمىستى ءدال ءقازىر باستاڭىز. وزىڭىزگە كۇماندانباڭىز. ۇناعان نارسەلەردى جاساعان كەزدە ءسىز ءارقاشان دۇرىس جولداسىز.
ۇنەمى كۇلىپ ءجۇرىڭىز
ۇمىتپاڭىز، ۇنەمى جىمىيىپ ءجۇرۋ ءسىزدىڭ قۇپيا قارۋىڭىزدىڭ ءبىرى. ءتىپتى سىزگە قاتتى اشۋلانعان ادام جۇزىڭىزدەگى كۇلكىنى كورگەندە ابدىراپ قالىپ، ساباسىنا تۇسەدى.
You Might Also Like
-
اناۋ – جايىق وزەنى، اناۋ جاتقان – اتىراۋ. ءبارى سەنىڭ ءوز جەرىڭ، ءوز سۋلارىڭ، باتىر-اۋ. تۋعان جەردىڭ تىنىسىن ۇققىن ورمان نۋىنان. التىندى التاي – شىعىسىڭ، قىران ۇشقان شىڭىنان. ...
-
جەتى ۇرپاقتى بىلمەيمىز ءالى كۇنگە كوبىمىز. جانە بىزگە بەيمالىم ءبىزدىڭ اتا-تەگىمىز. ەڭ الدىمەن ءسوز ەتەم، ءبىرىنشى اتا – ءوز اكەم. ەكىنشىسى – اتامىز، ءۇشىنشىسى – ارعى اتا، ءتورتى...
