InfoHub Logo

اناۋ – جايىق وزەنى،
اناۋ جاتقان – اتىراۋ.
ءبارى سەنىڭ ءوز جەرىڭ،
ءوز سۋلارىڭ، باتىر-اۋ.
تۋعان جەردىڭ تىنىسىن
ۇققىن ورمان نۋىنان.
التىندى التاي – شىعىسىڭ،
قىران ۇشقان شىڭىنان.

وڭتۇستىگىڭ – الاتاۋ،
بيىكتەرىن قار باسقان.
الاتاۋدا اق وتاۋ،
الماتىعا جالعاسقان.
جەرىڭ تۇگەل باقشا-باۋ،
سونى ءسۇيىپ ءوس، ۇلىم.
ءبىر جاعىڭدا – ۇلىتاۋ،
ءور جاعىڭدا – ەسىلىڭ.

جەر قابىلداپ تاڭ نۇرىن،
بەرەدى ەلگە بايلىعىن.
وسى جەردىڭ بارلىعى –
قازاق جەرى، اي-كۇنىم.

---