دوس بولام دەسەڭ،
دوسىمدى سىيلا، قىمباتتىم!
دوسىڭا سوندا،
دوسىممەن عانا قىمباتپىن.
دوس بولام دەسەڭ،
مەندەگى دوسپەن دوستاسقىن،
سەندەگى دوسپەن دوس بولىپ سوندا تۇرماقپىن.
دوستارىڭ كوپ پە؟
اپىراۋ نەتكەن جاقسى ەدىڭ؟
دوسىم از مەنىڭ...
دوسىم-اۋ مەنىڭ، تاپشى ەمىن؟
دوستارىڭمەنەن دوستاستىر مەنى، اسىلىم،
دوستاستىر مەنى؟
بولايىن قۇلىڭ ناق سەنىڭ!
دوستىققا ءجۇرمىن،
دوستىققا ءجۇرمىن قۇمارتىپ!
ولگەلى ءجۇرمىن،
وزىمە-وزىم ءمىن ارتىپ...
جاۋىزدىڭ بارىپ، جانىنا ءۋازىر بولعاننان،
دوستاردىڭ بارىپ، اۋلاسىندا ولگەن مىڭ ارتىق.
دوسىم، ساعان سەنەمىن. سەنىپ وتەم!
جولى بوتەن دەمەيمىن، ءجونى بوتەن.
دوستىق دەگەن - ادامنىڭ كورىگى ەكەن،
دوستىق دەگەن اقىلدىڭ سەرىگى ەكەن.
قىران كۇلكى-تاماشا - ءبارى وسىندا،
وتىرمىن دۋمان-تويدىڭ اراسىندا.
بەرەكە بويدان اسىپ جاتقانىمەن،
ولقى تۇر كوڭىلىم مەنىڭ، ناناسىڭ با؟
ۇيىتقىپ جاتىر كوڭىلدە قۇيىن-داۋىل،
Heگe سەن كەلە المادىڭ جيىنعا بۇل؟!
جىراققا جالعىز مەنى جىبەرمەشى
جانىڭا جامانشىلىق بۇيىرماعىر!
انە، جۇرت وزدى-وزىمەن، سويلەسەدى،
ءوزىمسىپ: - ەي! - دەسەدى،- ءوي! - دەسەدى.
شىركىندەر-اي، داۋرىعىپ تىڭدار ەمەس!
ەسىمە اپ، توست كوتەرتسەم، كەيدە سەنى.
سەنسىز كوڭىل قاشان دا حوش تۇرعان با؟
سەنسىز دۋمان - قىزىقسىز بوس قىرماندا.
اسىرە ويناپ قايتەمىن، اسىرە كۇلىپ،
سەنىڭ ورنىڭ قۇلازىپ، بوس تۇرعاندا.

---