دروندار تۋرالى تاڭقالارلىق التى دەرەك
وزدىگىنەن ۇشاتىن اپپاراتتار («درون» دەپ تە اتالادى) دۇنيە جۇزىنە كوز ىلەسپەس جىلدامدىقپەن تارالىپ جانە كۇننەن كۇنگە تەحنولوگيالىق جاعىنان كۇردەلەنىپ كەلەدى. «دروندار» تۋرالى ءبارىن بىلەمىن دەپ ويلايسىز با؟ تەكسەرىپ كورەيىك.
سىزگە ارناپ ەڭ قىزىقتى دەرەكتەردى ءارقايسىسىنا سايكەس فوتوسۋرەتتەرمەن دايەكتەپ ۇسىنىپ وتىرمىز.
باستاپقىدا وزگىنەن ۇشاتىن اپپاراتتار –دروندار كوممەرسيالىق ەمەس، اسكەري ماقساتپەن جاسالعان. ولار اسكەري وپەراسيالاردا قولدانىلۋى ءتيىس بولعان. ءقازىر جوسپار تابىستى ورىندالدى: كەيبىر اپپاراتتار جاۋ تىلىندا كوزگە تۇسپەي بارلاۋ جاسايدى، قارسىلاستىڭ نىساندارىنا ءدال تيەتىن سوققى بەرەدى. ايتالىق، اسكەر ۆزۆودى قورشاۋعا ءتۇسىپ قالىپ، ءوق-دارى تاۋسىلار بولىپ، كومەك ءازىر كەلەتىندەي بولماسا، درون ەشكىمنىڭ كوزىنە تۇسپەي قاجەت جەرگە ءوق-دارى جەتكىزىپ بەرە الادى.
جاپونيانىڭ Secom ۇيىمى ساعاتىنا 10 شاقىرىم جىلدامدىقپەن ۇشاتىن جانە اۆتوكولىك تۇراعىندا قاراۋىل قىزمەتىن اتقارا الاتىن ۇشۋ اپپاراتىن جاساپ شىعاردى. شاعىن تىكۇشاق ءتارتىپ بۇزۋشىلاردى سۋرەتكە ءتۇسىرىپ، تۇراقتاعى كولىك نومەرىن تىركەپ الا الادى. ءبىر عانا قۇرال ورناتىلاتىن ون كامەرانىڭ ورنىنا جۇمىس ىستەپ، ءتارتىپتى قامتاماسىز ەتە الادى. مۇنداي زاتتىڭ باعاسىن، ارينە، بارلىق كومپانيالاردىڭ قالتاسى كوتەرە بەرمەيدى – 6620 دوللارعا ساتىپ الىپ، اي سايىن سەرۆيسكە 41 دوللار تولەپ وتىرۋ كەرەك. الايدا، باسەكەلەستىك ارتقان كەزدە قالاي بولارىن كىم ءبىلسىن.
DHL پوچتا كومپانياسى ءبىرىنشى اپپاراتتى 2013 جىلى سىناقتان وتكىزگەن. ونىڭ ماقساتى - ادام اياعى جەتە بەرمەيتىن جەرلەرگە پوچتا جەتكىزۋ بولاتىن. ال 2014 جىلدان باستاپ ونداي دروندار سۋ وتكىزبەيتىن كونتەينەرلەرگە سالىنعان پوچتا تاسۋعا جاپپاي كىرىستى. Google جانە Amazon سىندى تانىمال كومپانيالار سونداي جابدىقتى ساتىپ الاتىنى تۋرالى مالىمدەپ ۇلگەردى.
جاپونيا جانە اقش فەرمەرلەرى ۇشاتىن اپپاراتتاردى القاپتاردىڭ ۇستىنەن پەستيسيدتەر مەن تىڭايتقىشتار سەبۋ ءۇشىن قولدانىپ ءجۇر. ول قول ەڭبەگىنە قاراعاندا ارزانىراق تۇسەدى، ال تيىمدىلىگى بىرنەشە ەسە ارتىق. بالكىم، جاقىن ارادا فەرمەرلەر وزدەرىنىڭ ورنىنا بار جۇمىستى ماشينالار ىستەپ جاتقانىنا قاراپ قانا وتىراتىن شىعار.
سىكتىۆكار قالاسىندا كليەنتتەرگە پيسسانى ۇشىپ اپاراتىن ماشينالار سىناقتان ءساتتى ءوتتى. الەمدىك «Dodo Pizza» كومپانياسى وسىلايشا كليەنت تارتۋدى كوزدەپتى جانە بۇل رەتتە ءبىرشاما تابىسقا جەتتى. پيسسانى اپاراتىن ورنىنا جەتكىزۋ ءۇشىن راديوبوگەتتەرى ەڭ از باعىتتى تاڭداۋ كەرەك. ءسىز الاڭدا نەمەسە ءوز پاتەرىڭىزدە وتىرىپ پيسساعا ينتەرنەت ارقىلى تاپسىرىس بەرەسىز، الايدا، ءبارىبىر سىرتقا شىعىڭىزعا كەرەك بولادى، ويتكەنى درون تەرەزەڭىزگە ۇشىپ كەلمەيدى.
دەلفت ۋنيۆەرسيتەتى ستۋدەنتتەرىنىڭ ءبىرى سالماعى بار-جوعى 4 كگ، ساعاتىنا 100 شاقىرىم جىلدامدىقپەن ۇشا الاتىن عاجايىپ ماشينا قۇراستىرىپ شىعارىپتى. ونىڭ باستى ماقساتى – كوشەدەگى كەپتەلىستەر سالدارىنىن مەديسينالىق كومەك ۋاقىتىندا جەتپەگەنى سەبەپتى كىسى ءولىمى كوپ بولاتىن ءىرى قالالارداعى جۇرەك تاماسى ۇستاعان ادامداردىڭ ءومىرىن قۇتقارۋ. ال «درون» ساناۋلى سەكۋندتار ىشىندە قاجەت جەرگە پايدالانۋ جونىندەگى نۇسقاۋلىق قىستىرىلعان دەفيبريللياتور الىپ ۇشىپ كەلە الادى. قينالعان ادام، نە ونىڭ جاقىندارى قۇرىلعىنىڭ وپەراتورىنا حابارلاسىپ، شاقىرۋ قالدىرادى، ءسويتىپ، ونىڭ مەكەن جايىنا قۇتقارۋشى درون جىبەرىلەدى.
سونىمەن، وزدىگىمەن ۇشاتىن اپپاراتتار تەك جۇرتشىلىقتىڭ كوڭىلىن كوتەرۋ ءۇشىن عانا ەمەس، ادامدارعا كومەك كورسەتۋ ءۇشىن دە كەرەك ەكەن. تەحنولوگيالار دامۋى گەومەتريالىق پروگرەسسيامەن ءوسىپ كەلەدى، سونىڭ ارقاسىندا «درونداردىڭ» جاڭا ۇلگىلەرى جاسالۋدا.
You Might Also Like
