قۇرمەتتەۋ
وقو شىمكەنت قالاسى № 103 جوم
4 «ب» سىنىپ وقۋشىسى: قۇرال ءمولدىر
سىنىپ جەتەكشىسى: الدانوۆا جانات
ءبىر ءۇيدىڭ ەكى بالاسى: ايدوس پەن جاندوس. ولار ساباقتى جاقسى وقيدى. ايدوس پەن جاندوس جامان باعا العان ەمەس. ولار ءار جەكسەنبى سايىن شومىلۋعا بارادى. ءبىر كۇنى ولار كوشەدە كەلە جاتىپ، ءبىر قاريانىڭ اۋىر جۇگىن الىپ، كوشەدەن وتە الماي جاتقانىن كوردى.
ايدوس:
- جاندوس، ءجۇر اتاعا كومەكتەسىپ جىبەرەيىك. قاراشى، اۋىر جۇگىن كوتەرە الماي جاتىر-دەدى.
جاندوس:
- قويشى، وداندا تەزىرەك شومىلۋعا بارايىق- دەپ اسىعىپ كەتىپ قالدى.
ايدوس اتانىڭ جۇگىن كوتەرىسىپ، ۇيىنە دەيىن شىعارىپ سالدى.
قاريا:
- قۇرمەتىڭنەن اينالدىم. ءوزىڭ ناعىز ەرجۇرەك ەكەنسىڭ. راحمەت، بالام. وركەنىڭ ءوسسىن -دەپ ءبىر دوربا الما بەردى.
ايدوس ۇيىنە بارىپ، بولعان ءجايدى اكەسىنە بايانداپ بەردى.
اكەسى:
- بالام، دۇرىس ىستەگەنسىڭ. ءاردايىم ۇلكەن كىسىلەردىڭ باتاسىن الىپ ءجۇر. باتامەن ەل كوگەرەر، جاڭبىرمەن جەر كوگەرەر. مەن سەنى ماقتان ەتەمىن- دەپ ايدوستىڭ ارقاسىنان قاقتى.
ايدوستىڭ كەۋدەسىن قۋانىش بيلەدى. ال جاندوس ءوز ىس-ارەكتىنە ۇيالىپ، مۇڭايىپ قالدى.
You Might Also Like
-
وزدىگىنەن ۇشاتىن اپپاراتتار («درون» دەپ تە اتالادى) دۇنيە جۇزىنە كوز ىلەسپەس جىلدامدىقپەن تارالىپ جانە كۇننەن كۇنگە تەحنولوگيالىق جاعىنان كۇردەلەنىپ كەلەدى. «دروندار» ...
