ەكىنىڭ ءبىرى
قودار دەگەن ءسىڭىرى شىققان قۋ كەدەيدىڭ ماڭدايىندا ەكى اتى بار ەكەن. قىستاي ءمىنىپ، وتىن تاسىپ، كوكتەمگە سالىم ابدەن بولدىرعان سوڭ، قودار ەكى اتىن جەتەلەپ، مىڭعىرعان باي قارىنبايعا كەلەدى. قارىنباي جايلاۋعا كوشكەلى جاتىر ەكەن.
— ەرەكشە كۇتىم كەرەك ەتپەس، كوپ جىلقىڭىزدىڭ ىشىندە جۇرە بەرسىن. شامالى سەمىرىپ قايتسىن، قىس مىنۋگە جاراماي قالار، — دەيدى قودار.
قاراباي الگى ەكى اتتى جىلقىسىنا قوسىپ الىپ، جايلاۋعا كوشىپ كەتەدى. جازدىگۇنى ەكى ات سەمىرىپ، شيىرشىق اتىپ ويناي باستايدى. قارىنباي ونىڭ ءبىرىن ۇستاتىپ الادى دا، جىلقىشىلارىنا جازداي مىنگىزىپ قويادى. ءبىرىن كۇزدىڭ باسىندا سويىپ الادى.
قوڭىر كۇزدە قارىنباي قىستاۋعا كوشىپ كەلەدى. قودار اتتارىن الايىن دەپ كەلسە، ءبىر اتى قابىرعاسى ىرسيىپ، ىڭىرشاعى شىعىپ تۇر، كوكتەمگى قالپى، جازداعى مىنىستەن وڭالا الماپتى.
ەكىنشى اتىن قارىنباي «ءولىپ قالدى» دەپتى.
سوندا الگى كوتەرەم بولعان اتىن قامشىنىڭ استىنا الىپ، قارىنبايعا ەستىرتە بىلاي دەپتى:
— قارىنباي سەنى باقپادى ما؟
جايلاۋ ءشوبى جاقپادى ما؟
ەكەۋ ەدىڭ، ءبىرىڭ قايدا؟
جازداي العان شىرىڭ قايدا؟
ءوزىنىڭ مىڭعىرعان مالىنا تيمەي،
جارلىنىڭ جالعىزىن كورگەن قارىنباي ما؟
You Might Also Like
-
بۇگىن ءبىزدىڭ ۇيدە ۇلكەن قۋانىش بار. جاننا ەكىنشى كلاسقا كوشتى. جىل بويىندا ءتورت رەت اۋىرىپ، وقۋعا بارا الماي قالعان ەدى. سوعان قاراماستان بارلىق ساباقتان بەستىك باعا الىپ شىقتى.
-
ءومىر – بۇل اعىن سۋ سەكىلدى، ءبىر ورىندا تۇرمايدى، ياعني جىلدار جىلجىپ، ۋاقىت وتەدى. ۋاقىت وتكەن سايىن قاي سالادا بولماسىن دۇنيەنىڭ ءبىر جاڭالىعى ورىن الىپ جاتادى. سول جاڭالىقتى توسىرقاماي، جاقسى...
