InfoHub Logo

ءبىر شال كەمپىرى مىجىڭداپ ۇرسا بەرگەن سوڭ «وسى كەمپىردىڭ زارەسىن ءبىر الايىن» دەپ ويلاپتى. ءبىر كۇنى ءۇيىنىڭ قاسىنداعى ۇيدەي جارتاستىڭ ۇستىنە شىعىپ ءبىر توپ ارشادان ۇستاپ، ەكى اياعىن جارتاستان سالاقتاتىپ جىبەرىپ:

— كەمپىر، كەمپىر، — دەپ داۋىستاپتى. كەمپىرى دالاعا جۇگىرىپ شىعىپ سالاقتاپ تۇرعان شالىن كورىپ:

— مىنا شالدى قاققان ەكەن، ويباي-اۋ، ساعان نە بولدى؟ — دەپتى باجالاقتاپ. سوندا شال:

— بولدى كەمپىر، بولدى ماعان جانىڭ اشىماي-اق قويسىن! وسى جارتاستان ۇشىپ-اق ولەيىن، كۇندە قازىمىرلانىپ قۇلاعىما مازا بەرمەۋشى ەدىڭ، مەن ولگەن سوڭ جەرىڭ كەڭىپ، زارلامايتىن بولاسىڭ، — دەي بەرگەندە، ءتۇبى ءشىرىپ تۇرعان ارشا جۇلىنىپ كەتىپ، شال جارتاستان ۇشىپ كەتىپتى.

---