ەلباسى مەن ەل مۇراتى – تاۋەلسىزدىك
قازاقستان تاۋەلسىزدىگى – بۇل عاسىرلاردان اسا تاريحى بار قازاق مەملەكەتىنىڭ قالىپتاسۋى مەن دامۋى، بۇگىنگى جەتكەن جەتىستىگى مەن اسقان اسۋى.
تاۋەلسىزدىك – بۇل بۇگىنگى ءومىر عانا ەمەس، سونىمەن قاتار، ەرتەڭگى ءومىرىمىز – قازاقستاننىڭ بولاشاعى، ونىڭ مۇمكىندىكتەرى مەن ماقساتتارى. تاۋەلسىز بولۋ – ءوز تاعدىرىنا جاۋاپ بەرۋ دەگەن ءسوز.
ۇستىمىزدەگى تاۋەلسىزدىك الۋىمىزعا سەبەپشى بولعان 1986 جىلعى جەلتوقسان كوتەرىلىسىنە 29جىل، تاۋەلسىزدىگىمىزدى العانىمىزعا 25 جىل تولادى. بۇل جىلدار تاريح ءۇشىن قامشىنىڭ سابىنداي قىسقا ۋاقىت بولعانىمەن، قازاق ەلىنىڭ مەملەكەت بولىپ قالىپتاسۋىنا، ونىڭ داۋىنا جول اشقان ءساتتى مەرزىم بولىپ وتىر. وسى ۋاقىت ارالىعىندا قازاقستان الەم ەلدەرى اراسىندا وزىندىك دامۋ ۇردىسىمەن ورىن الا ءبىلدى. سونىمەن قاتار ءوز ەرەكشەلىكتەرىمەن قوسا باتىلدىعىمەن، تاباندىلىعىمەن الەمگە اتىن شىعاردى. بۇل جولدا ەلباسىمىزدىڭ ەڭبەگى ولشەۋسىز – قاجىرلى جۇمىستىڭ، سانالى ساياساتتىڭ ارقاسىندا قازاقستاننىڭ ەكونوميكالىق، الۋمەتتىك سالالارداعى رەفورمالارى، ۇلتارالىق تاتۋلىق پەن كونفەسسياارالىق بىرلىكتى ساقتاۋداعى ىستەرى، بەيبىتشىلىك پەن قاۋىپسىزدىكتى قامتاماسىز ەتۋدەگى جۇزەگە اسىرىلىپ جاتقان شارالارىن بۇگىندە الەم ەلدەرى مويىنداپ وتىر. بۇل دەگەنىمىز تاۋەلسىزدىگىمىزدىڭ ارقاسىندا جەتكەن ەڭ ۇلكەن جەتىستىگىمىزدىڭ ءبىرى بولىپ سانالادى.
قازاقستان مەملەكەتىنىڭ بۇگىنگى تاڭدا ەل ەكونوميكاسىنا بارىنشا كوڭىل ءبولىپ وتىرعانى بارشامىزعا ايان. تمد ەلدەرى ىشىندە ءبىرىنشى بولىپ ەكونوميكالىق رەفورمالاردى جۇزەگە اسىردى، «قازاقستان - 2030» ۇزاق مەرزىمدى سترتەگيالىق باعدارلاماسى ازىرلەنىپ، وسى نەگىزدە سان ءتۇرلى ەكونوميكالىق باعدارلامالار تۋىندادى. ەلباسىنىڭ تاڭداۋى دامۋدىڭ دۇرىس تا سارا جولى ەكەندىگىن، بۇگىنگى تاڭدا تارازى ۋاقىت دالەلدەپ بەرىپ وتىر. وسى ءتيىمدى باعدارلامالاردىڭ باعىتتارى بويىنشا قازىرگى تاڭدا كوپتەگەن جۇمىستار جۇرگىزىلىپ، سونىڭ ىشىندە اگرو ونەركاسىبى دە جاقسى جۇمىستاردىڭ ىقپالىمەن قارقىندى دامۋ بارىسىندا.
تاۋەلسىزدىك – ەلىمىزدىڭ ەڭ باستى مەرەكەسى. قازاقستاننىڭ جاڭا داۋىردە قول جەتكىزگەن بارلىق تابىستاردىڭ قاينار كوزى – تاۋەلسىزدىك. تاۋەلسىز بولعانىمىزدىڭ ارقاسىندا قازاقستان ءسوزى مەن ءىسىن بۇكىل الەم تانىدى جانە تانيدا بەرەدى. دۇنيەنىڭ ءبىر بۇرىشىندا قازاق دەگەن حالىقتىڭ بار ەكەنىن جانە ۇلكەن ىستەر تىندىرا الاتىنىن بارشا الەمگە تانىتقان ءبىزدىڭ اتا-بابالارىمىزدىڭ جانە ەلى ءۇشىن جاندارىن قيعان باتىرلارىمىزدىڭ ارقاسىندا الەمدىك دەڭگەيدە كوك بايراعىمىز جەلبىرەپ تۇر.
1991 جىل 16 جەلتوقسان – ەلىمىزدىڭ ەگەمەندىگىن جاريالاعان كۇن. سول كۇنى كوگىمىزدە تاۋەلسىزدىك تۋى جەلبىرەدى. سودان بەرى 25 جىل ۋاقىت ءوتتى. وسى وشپەس جىلدار ىشىندە قازاقستان ەكونوميكاسى قارىشتاپ دامىدى. ساياساتتارداعى سىندارلى باعىت ءوز جەمىسىن بەرۋدە. وسى ساياساتتاردىڭ ارقاسىندا قانشاما داعدارىستاردان امان-ەسەن شىعىپ جاتىرمىز. قازىردە ەلىمىزدە تىنىشتىق زامان ورناپ، قوي ۇستىنە بوزتورعاي جۇمىرتقالاعان زامان كەلدى دەپ ماقتانىشپەن ايتا الامىز.
تاۋەلسىز قازاقستانىمىزدىڭ تۇعىرى بيىكتەپ، ەگەمەندىگىمىزدىڭ ىرگەتاسى نىعايا ءتۇسسىن. عاسىرلار بويى اڭساتىپ جەتكەن تاۋەلسىزدىكپەن كەلگەن حالىق تىلەۋى مانگىلىك بولىپ، گيمنىمىز اۋەدە اسقاقتاپ، ەلتاڭبامىزدىڭ ەڭسەسى بيىك بولىپ، تۋىمىز كوكتە شارىقتاي بەرسىن دەمەكپىن.وسى تۇستا ايتا كەتەتىن جايت ەلىمىزدىڭ تاعى ءبىر ۇلكەن جەتىستىگى بولاشاقتا جوسپارلانىپ وتىرعان ەحرو-2017 كورمەسىن ويداعىداي وتكىزسەك، ەلىمىز ءۇشىن تەڭدەسى جوق جەتىستىكتەردىڭ ءبىرى بولارى انىق.
ەلىمىزدىڭ بارلىق سالاسىنداعى قىزمەتكەرلەرگە، شەت ەلدىڭ ءتۇرلى سالاداعى ماماندارمەن تاجىريبە الماسۋعا، ياعني ءبىلىم سالاسىنا قاتتى كوڭىل ءبولىپ، جاستاردىڭ ساپالى ءبىلىم الۋعا جاعداي جاسالۋدا. وسىنىڭ ءبارى تاۋەلسىز ەلدىڭ ماقتانىشى دەۋگە بولادى. سوندىقتان تاۋەلسىزدىگىمىزدى مانگىلىككە ساقتاپ، ەلىمىزدىڭ تۋى كوكتە قالىقتاپ، ىنتىماعى جاراسقان ەل بولايىق!
ەلباسى مەن ەل مۇراتى – تاۋەلسىزدىك
جەلتوقساننىڭ جەلى، ايازى ىزعارلى،
قاندى مۇزدا تالاي قازاق سىزدادى.
ەلى ءۇشىن شىققان سول كۇنى الاڭعا،
ازاپ شەكتى–اۋ تالاي قازاق جاستارى.
قۋان ەلىم تاۋەلسىزسىڭ، ازاتسىڭ،
ءدۇبارا ەمەس، قانى تازا قازاقسىڭ.
ەر جۇرەكتى ۇل قىزىڭنىڭ ارقاسى،
تاۋەلسىز ەل جيىرما ءتورت جىل جاساپسىڭ.
ەستۋدەمىن دومبىرانىڭ بال ءۇنىن،
جىلايتىن دا، قۋاناتىن كۇن بۇگىن.
قازاق ەلى تويلاپ جاتىر بۇل كۇندە،
جيىرما ءتورت جىل بولعان تاۋەلسىزدىگىن...
قازاعىمنىڭ دارحان دالا كەڭدىگىن،
قورعاي الاتىن قايراتتايىن ەندى كىم؟
سول بوزداقتار ماڭگى ءبىزدىڭ جۇرەكتە،
قازاعىمنىڭ ساقتاپ قالعان تەڭدىگىن.
اسپانىمدا جەلبىرەگەن كوك تۋىم،
جاسا مەنىڭ قازاق ەلىم تۇنىعىم.
تاۋەلسىزبىز، تاۋەلسىزدىك تۇعىرىم،
تاۋەلسىز بوپ قالىپتاستى ۇعىمىم.
كەڭ دالامدا دومبىرامەن كۇي ويناپ،
كورسەم دەيمىن ءالى تالاي قىزىعىن.
قايرات اتام، ءلاززات اپام سىيلاعان،
مەن داعى تاۋەلسىز ەل قىزىمىن.
شىمكەنت اگرارلىق كوللەدجىنىڭ
كتك9-161 توبىنىڭ ستۋدەنتى اميرحان نازەركە
جەتەكشىسى: بەدەبايەۆا ايگۇل
You Might Also Like
-
الەمدە وزگە ادامداردىڭ ءومىرىن جەڭىلدەتۋگە تىرىساتىن كوپتەگەن جاسامپاز ادام بار.
-
ەرتەڭ جاڭا جىل، تاعى دا ءبىر جانسىز وتكىزگەلى وتىرمىز. بىلتىرعىشا شىرشا شامدارى جارقىراعانىمەن، انا ءسىزدىڭ كۇلكىڭىزدەي ءۇي ءىشى جارقىرار ەمەس...وكىنىشتى. اناشىم وسى جىلى ءدال وسى كۇنى ءسىز، اكەم، قارىند...
