InfoHub Logo

ەرتەڭ جاڭا جىل، تاعى دا ءبىر جانسىز وتكىزگەلى وتىرمىز. بىلتىرعىشا شىرشا شامدارى جارقىراعانىمەن، انا ءسىزدىڭ كۇلكىڭىزدەي ءۇي ءىشى جارقىرار ەمەس...وكىنىشتى. اناشىم وسى جىلى ءدال وسى كۇنى ءسىز، اكەم، قارىنداسىم، ءىنىم جانە مەن بەسەۋىمىز، ورتالىق الاڭداعى شىرشاعا بارىپ، ءتۇرلى ويىندار ويناپ، ەرتەگى كەيىپكەرلەرىمەن سۋرەتكە ءتۇسىپ كوڭىلدى قايتۋشى ەدىك! شىركىن سول كۇندەر ورالسا ەكەن...  انا كەشە ءىنىمنىڭ اياز اتاعا جازعان حاتىن وقىدىم. وقىپ وتىرىپ جانارىما جاس تولىپ، جۇرەگىم ەزىلىپ كەتتى. ول بىلاي بايانداپتى:

قۇرمەتتى اياز اتا! مەن سىزدەن وزگە بالالار سەكىلدى ويىنشىق تا، ءتاتتى كامپيتتە سۇرامايمىن. دوسىم ايدارداي ۇلكەن اۆتوماتتا سۇراعىم كەلمەيدى. اياز اتا ساعان بۇكىل بالالار حات جازادى، سەنى ورىندايدى دەيدى عوي، سول شىن بولسا مەنىڭ ءبىر ارمانىم بار. ماعان انا سىيلاشى!  بىلەسىز بە، مەن انامنىڭ مەيرىمىنە كوپتە بولەنگەن ەمەسپىن.  اق ءسۇتىم اۋزىمنان ارىلماعان شاقتا انام اۋرىپ قايتىس بولىپتى. كەشە مەكتەپتە جاڭا جىل مەرەكەسى ءوتتى، ءبارى اناسىنا جاڭا جىلدىق تىلەك جازعان اشىق حاتتارىن بەردى.  ال مەن كوپ بالانىڭ ىشىندە كىمگە ۇسىنارىمدى بىلمەي شەتتە قالىپ قويدىم. اكەم دە مەنى كورە المادى. نەگە دەيسىز بە؟ ونىڭ جۇمىسى كوپ... ونىڭ ۇستىنە مەيرامعا دايىندىق ءۇشىن داستارقانعا ازىق-تۇلىك الۋ ءۇشىن كۇندىز ءتۇنى بازاردا ءبىزدىڭ قامىمىز ءۇشىن اياعىنان سىز ءوتىپ اربا ايداپ ءجۇر.  اياز اتا، ءوتىنىش وسى ارمانىمدى ورىنداشى...
س/ن بەرىك 

دەپ استىنا قولىن قويىپ پوچتا جاشىگىنە سالىپ كەتىپتى. 
ءيا، اناشىم ءبىز ءسىزدى قاتتى ساعىندىق! بۇگىنگى كەشتىڭ تۇك قىزىعى قالماعان سىقىلدى. مىنا شىرشا ويىنشىعىنا قاراپ وتىرىپ، ءسىزدىڭ جىميعان جانارىڭىز ەسىمە ءتۇسىپ كەتتى. اكەم كەلىپ قالىپ، مەنى بىردەن تۇسىنە قويىپ، ءۇنسىز قالدى.

---