InfoHub Logo

مۇعالىمدەر كۇنى قارساڭىندا №78 مەكتەپ-گيمنازيادا مۇعالىمدەردى، ۇزدىك پەداگوگتار اۋلەتتەرىن، جاس ماماندار مەن تالىمگەرلەردى قۇتتىقتاۋ سالتاناتى ءوتتى، دەپ حابارلايدى ەلوردا اكىمدىگىنىڭ باسپا ءسوز قىزمەتى.

مۇنداي شارالار ءداستۇردى جالعاستىرۋعا، كاسىپورىندار مەن ۇيىمداردا قىزمەتكەرلەرگە جاعداي جاساۋعا جانە ولاردىڭ ەڭبەگىنىڭ بەدەلىن ارتتىرۋعا سەپتىگىن تيگىزەدى.

بۇگىن ەلوردانىڭ ۇزدىك مۇعالىمدەرى، جۇمىس ءوتىلى ءجۇز جىلدان اسقان ۇزدىك ەڭبەك اۋلەتتەرى ماراپاتتالدى.

نوميناسيادا پەداگوگيكالىق ءوتىلى 478 جىلدى قۇرايتىن نوسييەۆتەر اۋلەتى كوش باستادى. بۇل اۋلەتتە 26 ءمۇعالىم بار، ولار تاريح، قازاق ءتىلى، اسكەري ءىس جانە ت.ب. پاندەردەن ساباق بەرەدى.

-  مەن نوسييەۆتەردىڭ كەلىنىمىن، اتام مەن ەنەم - تاريح مۇعالىمدەرى، كۇيەۋىم دە. مەن تاريحشىلار اۋلەتىنە ءتۇسىپپىن، ءوزىم اعىلشىن تىلىنەن ساباق بەرەمىن، 67ء-شى گيمنازيادا ىستەيمىن، ەڭبەك ءوتىلىم 11 جىل. ءبىزدىڭ ۇلكەن اۋلەتىمىزدە ءتۇرلى پاندەردىڭ مۇعالىمدەرى بار، ءبارىمىز ءبىر بىرىمىزگە كومەكتەسەمىز، - دەيدى انارگۇل نوسييەۆا.

ۇزدىك ەڭبەك اۋلەتتەرىنىڭ ىشىندە ەڭبەك ءوتىلى 200 جىلدى قۇرايتىن ينەرتبايەۆتار، ءوتىلى 219 جىلدى قۇرايتىن ارعىنبەكتار، سونداي-اق، 172 جىلدان بەرى وقۋشىلاردى وقىتىپ كەلە جاتقان ءابدىقۇلوۆتار مەن 159 جىلدىق ءوتىلى بار ءامىرجانوۆتار اۋلەتتەرى بار.

جۇمىس ءوتىلى 5 جىلعا دەيىنگى جاس مامانداردىڭ ىشىندە تولقىن قازبەكوۆا، راۋشان اكىمبەكوۆا جانە مارجان ونەربايەۆا ۇزدىك اتاندى.

-  مەن اعىلشىن تىلىنەن ساباق بەرەمىن، ءبىزدىڭ زامانىمىزدا ءاربىر قازاقستاندىق ءۇش ءتىلدى مەڭگەرۋگە ءتيىس دەپ سانايمىن. ونى جاستايىنان ۇيرەتۋ كەرەك، - دەيدى تولقىن قازبەكوۆا.

شارا بارىسىندا ەڭبەك ءوتىلى 20 جىلدان اسقان ۇزدىك تالىمگەرلەر دە قۇتتىقتاۋلاردى قابىل الدى. اتاپ ايتقاندا، قۇشاي تەردىكباي (ەڭبەك ءوتىلى 38 جىل)، ءنايلا قۇدايبەرگەنوۆا (ەڭبەك ءوتىلى 25 جىل)، قارلىعاش قۇسايىنوۆا (ەڭبەك ءوتىلى 28 جىل) جانە قايىربەك شامبەكوۆ (ەڭبەك ءوتىلى 21 جىل).

ايتا كەتەيىك، جىل سايىن استانادا «جىل ءمۇعالىمى»، «ۇزدىك مەكتەپ»، «ۇزدىك مەكتەپكە دەيىنگى مەكەمە»، «ۇزدىك ارنايى ءبىلىم مەكەمەسى» جانە ت.ب. بايقاۋلار ۇيىمداستىرىلادى.

جۇمىسىندا جوعارى جەتىستىكتەرگە قول جەتكىزگەن 1464 پەداگوگ ماراپاتتالدى. سوڭعى ءۇش جىلدا 1300 ءمۇعالىم رەسپۋبليكالىق جانە حالىقارالىق فورۋمدارعا قاتىسقان، 193 ءمۇعالىم وقۋ عىلىمي-ادىستەمەلىك وقۋ قۇرالدارىنىڭ اۆتورى اتانسا، 400 جۋىعى رەسپۋبليكالىق عىلىمي-ادىستەمەلىك باسىلىمداردا ءوز ماقالالارىن جاريالاعان.

جالپى استاناداعى مەكتەپتەر مەن ءبىلىم مەكەمەلەرىندە 13760 پەداگوگ جۇمىس ىستەيدى.

---