InfoHub Logo

ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى قازاقستان مەن تمد ەلدەرى  اراسىندا تۇڭعىش رەت قۇرىلعانىنا جارتى عاسىردان اسپاعان، الەمنىڭ 50 ۇزدىك ۋنيۆەرسيتەتتەرى قاتارىنا ەندى.

جاقىندا مالىمدەلگەن 2016 جىل ىشىندەگى QS  50 under 50 حالىقارالىق بەدەلدى رەيتينگ اگەنتتىگى ناتيجەسىنىڭ قورىتىندىسى وسىنداي. جالپى رەيتينگكە الەمنىڭ 100 ۋنيۆەرسيتەتى قاتىسقان، دەپ حابارلايدى اتالمىش جوو باسپا ءسوز قىزمەتى.

 QS 50 under 50 رەيتينگىندە 37 ورىندى يەلەنۋ - بۇل قۇرىلعانىنا نەبارى جيىرما جىل عانا تولعان ەلىمىزدىڭ ەڭ جاس ۇلتتىق جوعارى وقۋ ورنىنىڭ ۇلكەن جەتىستىگى.

ۋنيۆەرسيتەت بۇل بەلەسكە زاماناۋي جۇيەگە نەگىزدەلگەن وقۋ جۇيەسى، عىلىمي زەرتتەۋلەرى مەن يننوۆاسيالىق جوبالارى جانە ءوندىرىس ورىندارىمەن جولعا قويىلعان ىنتىماقتاستىعى ارقىلى قول جەتكىزىپ وتىر.

جوعارى وقۋ ورنى ەلىمىزدەگى  يندۋستريالدى-يننوۆاسيالىق دامۋ باعدارلاماسى ءۇشىن "قۇرىلىس ماتەريالدارى، ونىمدەرى مەن كونسترۋكسيالاردى وڭدەۋ»،  «عارىشتىق تەحنيكا جانە تەحنولوگيالار»، «بيوتەحنولوگيا»، «راديوتەحنيكا، ەلەكترونيكا جانە تەلەكوممۋنيكاسيا»، «جىلۋ ەنەرگەتيكاسى» سياقتى 5 ماماندىق بويىنشا ماگيسترانتتار دايىنداۋدى ءساتتى جۇزەگە اسىرۋدا.

عىلىمي-زەرتتەۋ جۇمىستارى  يادرولىق، عارىشتىق، نانوتەحنولوگيالىق، بيوتەحنولوگيالىق، ماتەماتيكالىق مودەلدەۋ مەن اقپاراتتىق تەحنولوگيالار ماسەلەلەرى بويىنشا جان-جاقتى جۇرگىزىلىپ كەلەدى. ۋنيۆەرسيتەت عالىمدارىنىڭ Thomson Reuters پەن  Scopus بيبليومەتريالىق بازالىق مالىمەتتەرمەن يندەكستەلگەن  رەيتينگتى باسىلىمداردا جاريالانىمدارى  دا قارقىندى ءوسىپ وتىر.

ۋنيۆەرسيتەت شىعاراتىن "Eurasian Mathematical Journal" عىلىمي جۋرنالى Scopus حالىقارالىق بيبليومەتريالىق بازالىق مالىمەتكە كىرەدى.

ەۇۋ عالىمدارى مەن ستۋدەنتتەرى "اstana EXPO-2017" حالىقارالىق كورمەسىنىڭ عىلىمي-زەرتتەۋ جۇمىستارىنا بەلسەندى قاتىسۋدا.  ءقازىر كليمات وزگەرۋىن ەسكەرە وتىرىپ، قازاقستان لاندشافتارىنىڭ ونىمدىلىگى مەن كولەمىنىڭ ەكولوگيالىق باعاسى؛ جاسىل قۇرىلىستىڭ ەكولوگيالىق ماسەلەلەرى؛ جىلۋ قامتاماسىز ەتۋ جۇيەلەرىنە ەنەرگيا ۇنەمدەۋشى جىلۋ سورعىلارىن قولدانۋ تاقىرىپتارى بويىنشا ۇسىنىلعان جوبالارعا كاسىپورىندار قىزىعۋشىلىق تانىتىپ  وتىر.

سونداي-اق ۋنيۆەرسيتەتتە اعىلشىن، جۇڭگو، تۇرىك تىلدەرىن مەڭگەرگەن گيدتەر مەن ەكسكۋرسوۆودتاردى دايىنداۋ ورتالىعى ۇيىمداستىرىلعان. "اstana EXPO-2017"-گە ءۇش مىڭنان استام ستۋدەنت-ۆولونتەرلەر قاتىسپاق.

ل.ن.گۋميليەۆ اتىنداعى ەۇۋ الداعى ۋاقىتتا عىلىمي-زەرتتەۋ حابىنا اينالىپ، جوعارى ءبىلىم بەرۋدىڭ بارلىق جۇيەسى بويىنشا اكادەميالىق كوشباسشىلىق ورىنىن نىعايتا تۇسپەك.

---