ەلوردادا ۇزدىك سىنىپ جەتەكشىلەرى انىقتالدى
ق ر تاۋەلسىزدىگىنىڭ 25 جىلدىعىن مەرەكەلەۋ اياسىندا تولەگەن ايبەرگەنوۆ اتىنداعى №16 ورتا مەكتەپتە «ەڭ ۇزدىك سىنىپ جەتەكشىسى» جالپى مەكتەپىشىلىك كونكۋرسى ءوتتى. بايقاۋدا 11 سىنىپ جەتەكشىسى بەس نوميناسيادا سايىسقا ءتۇستى.
قالا اكىمدىگىنىڭ سايتىنىڭ حابارلاۋىنشا، ءبىرىنشى كەزەڭدە سىنىپ جەتەكشىلەرى «مەنىڭ پەداگوگيكالىق ۇستانىمىم» تاقىرىبىندا ەسسە جازىپ، سىنىپ تۋرالى جارنامالىق كىتاپشالارىن تانىستىردى.
كەلەسى نوميناسيادا پەداگوگتار اشىق سىنىپ ساعاتتارىن وتكىزدى. بۇل ولاردىڭ وقۋشىلارمەن ءوزارا سىيلاستىق قاتىناس قۇرۋ، ءاربىر وقۋشىنى تاقىرىپتى تالقىلاۋعا تارتا ءبىلۋ قاسيەتتەرىن كورۋگە مۇمكىندىك بەردى. باعالاۋ كەزىندەگى باستى كريتەريي ساباقتىڭ مازمۇنى، ونى وتكىزۋ ادىستەرى مەن نىسانى بولدى. كونكۋرس بارىسىندا قاتىسۋشىلار «سىنىپ جەتەكشىسىنىڭ ومىرىنەن ءبىر كۇن» بەينەروليگىنىڭ اۆتورى اتاندى. بۇدان باسقا، سىنىپ جەتەكشىلەرى ءوز شىعارماشىلىق ونەرلەرىن ورتاعا سالدى.
«ەڭ ۇزدىك سىنىپ جەتەكشىسى» بايقاۋىنىڭ گران-پريى مەن «ەڭ ۇزدىك سىنىپ جەتەكشىسى» اتاعى گۇلىستان ۇرىنباساروۆاعا بۇيىردى.
ءبىرىنشى ورىندى سىمبات وماروۆا مەن ايگۇل دولاپوۆا ءوزارا ءبولىستى. اياۋلىم احمەتبەكوۆا ەكىنشى، روزا اقياروۆا ءۇشىنشى ورىندا.
قالعان قاتىسۋشىلار نومينانت اتانىپ، گراموتالارمەن جانە باعالى سىيلىقتارمەن ماراپاتتالدى.
كونكۋرس وقۋشىلاردى تاربيەلەۋدىڭ يننوۆاسيالىق ادىستەرىن انىقتاۋ، كاسىبي دامۋ، شىعارماشىل سىنىپ جەتەكشىلەرىنە قولداۋ كورسەتۋ ماقساتىندا وتكىزىلدى.
You Might Also Like
-
ق ر ءبىلىم جانە عىلىم مينيسترلىگىندە استانا قالاسى مەكتەپتەرىنىڭ باسشىلارىنىڭ جانە مەكتەپكە دەيىنگى ۇيىمدارىنىڭ باسشىلارى، ق ر ۇلتتىق ەكونوميكا مينيسترلىگىنىڭ، بالالاردىڭ قۇقىقتارىن قورعاۋ كوميتەتىنىڭ...
-
بەس جىل بۇرىن «بولاشاقپەن» اقش-قا بارىپ، كەيىن ءىز-تۇزسىز كەتكەن وتانداسىمىز ەرجان ەلىكوۆتىڭ اتىنان الەۋمەتتىك جەلىدە جازبا پايدا بولدى دەپ حابارلايدى NUR.KZ پورتالى.
