كراسنويارسك ولكەسىنىڭ قورىعىندا ايۋلاردىڭ ناعىز «دراماسى» ءتۇسىرىلدى
ول كىدىرىپ، قونجىقتارىنا ءبىر قارادى دا، كەيىن الدى-ارتىنا قاراماستان الەمدەگى ەڭ ۇلكەن وزەننىڭ ارعى بەتىنە ءجۇزىپ كەتتى.
ءورتاسىبىر قورىعى ينسپەكتورىنىڭ بەينەتاسپاسىنا ۇرعاشى ايۋدىڭ قونجىقتارىمەن قوشتاسۋ ءساتى ءتۇسىپ قالدى. ول ولاردى ءوسىردى، ەندى جانۋارلارعا ءوز بەتىنشە ءومىر ءسۇرۋدى ۇيرەنۋ كەرەك، دەپ جازادى Siberian Times.
ۇرعاشى ايۋ سوڭعى انالىق پارىزىن ورىنداۋ ءۇشىن جاقسى جەردى تاڭداعان. ول ەكى قونجىعىن ەنيسەيدىڭ جاعاسىنا الىپ كەلەدى دە، قوشتاسقان سوڭ وزەننىڭ ارعى بەتىنە ءجۇزىپ كەتەدى.
ۇرعاشى ايۋ قونجىقتارىنىڭ بۇل جاستا (شامامەن ءبىر جارىم جاس) ونىڭ ارتىنان بارۋعا جۇرەكسىنەتىنىن بىلگەندەي. وسىلايشا ولار ونىڭ ءيىسىن سەزبەي قالادى.
قونجىقتار اناسىنىڭ قىلتيعان ەكى قۇلاعى بارعان سايىن الىستاپ بارا جاتقانىن باقىلاپ، سۋ جيەگىندە ۇزاق تۇردى. اناسىنىڭ قايتىپ كەلەتىنىنە سەنىمدى بولعانداي. كەلەسى كۇنى دە قونجىقتار اناسىنان ايىرىلعان جەرگە قايتىپ كەلەدى. ءبىراق ۇرعاشى ايۋ قايتىپ ورالمايدى. ول بالالارىنا قولىنان كەلگەننىڭ ءبارىن جاسادى، ەندى ولار ءوز بەتىنشە ءومىر ءسۇرۋدى ۇيرەنۋى كەرەك.
ورتاسىبىرلىك قورىقتا شامامەن 250 قوڭىر ايۋ مەكەندەيدى. بۇل اڭدار اسا ءوسىمتال ەمەس. ادەتتە ۇرعاشى ايۋ ومىرگە ەكىدەن كوپ ەمەس تۇقىم اكەلەدى. قونجىقتار ءبىر جارىم-ەكى جاسقا تولعاندا ايۋلار وتباسى بىر-بىرىنەن اجىرايدى.
You Might Also Like
-
13 قازاندا مىسىر اراب رەسپۋبليكاسىنىڭ استاناسى كاير قالاسىندا قازاقتىڭ ۇلى اقىنى ءارى ويشىلى اباي قۇنانبايۇلىنا ارنالعان ەسكەرتكىش-بيۋستىڭ سالتاناتتى اشىلۋ ءراسىمى ءوتتى، دەپ xابارلايدى قازاقپارات.
-
قازاقستان عالىمدارىنىڭ «قارا» ءتىزىمى ازىرلەنەدى. بۇل تۋرالى بۇگىن عىلىم سالاسىنا قاتىستى زاڭناماعا وزگەرتۋلەر مەن تولىقتىرۋلار ەنگىزۋ جونىندەگى زاڭ جوباسىنىڭ تۇجىرىمداماسىن تالقىلاۋعا ا...
